KƏMALƏDDİN QƏDİM

OLA

Nə bu boyda yerin, canım,
nə bu boyda göyün ola.
Çox demirəm, bir ürəkdə
bir kiçicik öyün ola…

Pulu-parasından haşa,
Çəkilənlər gələ başa.
Nə sevincin başdan aşa,
nə dərdin yüz löyün ola…

Ömür boyu bir gözəlin,
Qala yaxasında əlin.
Lap elə nazlı-qəmzəli,
bir az da ərköyün ola…

Qara gələ kaş xəbərin,
Baş xəbərin, çaş xəbərin.
Gözlədiyin xoş xəbərin
ayaqları yeyin ola…

Elə bu kəmdə, kəsirdə,
Bir həsir, məmmədnəsirdə.
Döyməyə bir qapı, bir də
baş qoymağa çiyin ola…

Müəllif: KEMALEDDİN QEDİM

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir