ABDULLA CƏFƏR

İSTƏKLƏRİM NAĞILMIŞ


Toxunmayın, bulud kimi dolmuşam,
Açılmamış qonçə ikən solmuşam,
İndi bildim bu sevdaya qulmuşam,
Xəyallarım, istəklərim nağılmış.

Hələ yenə vəfasıza yazıram,
Dolandığım küçələrdə azıram.
Öz əlimlə məzarımı qazıram,
Xəyallarım, istəklərim nağılmış.

Qismətimlə barışmağa dözüm yox,
Ürəyimə hökm etməyə üzüm yox,
Daha sənə deyiləsi sözüm yox,
Xəyallarım, istəklərim nağılmış.

Gecə-gündüz gözlərini anıram,
Alovnaıb için-için yanıram.
Səbr edirəm, qayıdacaq sanıram,
Xəyallarım, istəklərim nağılmış.

Onsuz bir an, danışmıram, gülmürəm,
Bəxt ulduzum, bəlkə sönüb, bilmirəm.
Bu sevdanın sonu yoxdu, görmürəm,
Xəyallarım, istəklərim nağılmış.

Arzuların zirvəsinə çatmadım,
Zamanında bu sevdanı atmadım.
Öz sevgimi öz ağlıma satmadım,
Xəyallarım, istəklərim nağılmış.

Müəllif: ABDULLA CƏFƏR

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir