SONA AMAL – SÖZ

SONA AMALDAN BİR ŞEİR

BİLMİRƏM

Taleyimə yağan qəmi, 
Əl atıb silə bilmirəm.
Qurumur gözümün nəmi,
Ürəkdən gülə bilmirəm.

Ahım yandırır dağ-daşı, 
Göynəyir qəlbimin başı,
Əhdə dönük dost-yoldaşı, 
Tanıyıb, bilə bilmirəm.

Xəzan oldu könül bağım,
Düşür ömrün son yarpağı,
Tanrıdan yox umacağım,
Lal oldum, dinə bilmirəm.

Qəlbim oldu param-param, 
Çarəsiz dərdə düçaram,
Nə etmişəm, günahkaram?
Mən niyə bilə bilmirəm?

Kimim var ki, yada salan,
Dindirib könlümü alan,
Amalam, gözümün dolan,
Yaşını silə bilmirəm.
17. 08. 2018-ci il.

Müəllif: Sona Teymurbeyli

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir