Sayman Aruz görüş keçirib

26 yanvar 2020 – ci ildə deputatlığa namizəd Saman Həsənzadənin (Sayman ARUZ) 85 saylı Şamaxı seçki dairəsinin Göylər kəndində seçicilərlə möhtəşəm görüşü keçirilibdir.

85 saylı Şamaxı rayon seçki dairəsinin Göylər kəndində tanınmış şair-deputatlığa namizəd Sayman Aruzun seçicilərlə keçirilən görüşə 1000 nəfərə yaxın seçici gəlmişdi. Görüş üçün nəzərdə tutulan yer bütün görüşə gələnləri qəbul etmək iqtidarında olmadığına görə şair-namizəd tədbirdən sonra da qalaraq bir-bir bütün seçicilərlə açıq havada söhbətlər aparmışdır.

Mənbə: 85 SAYLI ŞAMAXI SEÇKİ DAİRƏSİNDƏN MİLLİ MƏCLİSƏ NAMİZƏD SAYMAN ARUZA DƏSTƏK

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

İLDIRIM ƏKBƏROĞLU

Dəyişir təbiət

Dəyişir təbiət, dəyişir hər an,

Dəyişib yaralı aslana dönür.

Özü də qəstinə dayanıb insan,

Kəşflər artdıqca bu həyat sönür.

*   *   *

Tuşlanıb raketlər neçə hədəfə,

Hədəflər göylərin bağrından keçər

Bir yara vurulan göyə hər dəfə,

Bir qan axıdanda yerdə mərmilər.

*   *   *

Zavodlar işləyər tüstüsü zəhər ,

Boğar göy səmanı tüstü buludu

Yağan yağışlardan solar bar-bəhər

Göylər tökər yerə xəstə buludu.

*   *   *

Min illik ağacı dibindən qırıb.

Insan meşələrdən saxlamaz əsər

Insan təbiətin qəsdinə durub,

Özü dayandığı budağı kəsər.

*   *   *

Solan yarpaqların nəğməsi gəlməz.

Günəş od ələyər oyanan andan.

Quşlar uçub gedər qayıda bilməz,

Solan ağacların sızıltısından.

*   *   *

Buludsuz səmadan  yağmaz qar, yağış,

Susundan torpağın çatlar dodağı,

Göydən yer üzünə tökülər qarğış,

Səma bağışlamaz çəkilən dağı.

*   *   *

Bəsdir bu zülümlər kəsək tüstünü,

Yer yaşıl geyinsin səmalar mavi.

Silah atmaların alaq üstünü,

Sahibsiz qalmasın kimsənin evi.

*   *   *

Buludlar ələsin yağışı nur tək

Pozmayaq təbiət qoyan qanunu

Gəlin insan kimi biz də dəyişək,

Təbiət geyinsin yaşıl donunu

Müəllif: İLDIRIM ƏKBƏROĞLU 

Allah rəhmət eləsin… Ruhu şad olsun… Bu şeir (sonetlər) “İldırım Əkbəroğli – 70” layihəsi çərçivəsində N : 37 qeydi ilə yayımlanır. Eyni zamanda bu layihə çərçivəsində İldırım Əkbəroğlunun 70 illik yubileyi münasibəti “Yazarlar” jurnalının xüsusi buraxılışı formasında nəşr olunacaq “İldırım Əkbəroğli – 70” kitabına daxildir.

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

İLDIRIM ƏKBƏROĞLU

İntizar

Vaxtsız qönçələri gülə döndərər

Damcı göz yaşını selə döndərər

Yel əsib kösövü külə döndərər

Qəlbi də yandırıb, yaxar intizar .

*   *   *

Dönər qərinəyə biri gün, sabah

Ovutmur ürəyi nə baxça, nə bağ

Əl-ələ yetməmiş, vüsaldan qabaq

Haqlayıb əlləri saxlar intizar.

*   *   *

Bir göz qırpımında gələr gələndə

Sığışmaz bərəyə, sığışmaz bəndə

Köklü palıdı da uzun çəkəndə

Kökündən qoparıb yıxar intizar .

*   *   *

O zülmət gecədir, vüsal səhərdi

Günəş önündəki bulud təhərdi

Vüsal o andakı içəri girdi

Qapıdan səssizcə çıxar intizar.

Müəllif: İLDIRIM ƏKBƏROĞLU 

Allah rəhmət eləsin… Ruhu şad olsun… Bu şeir (sonetlər) “İldırım Əkbəroğli – 70” layihəsi çərçivəsində N : 36 qeydi ilə yayımlanır. Eyni zamanda bu layihə çərçivəsində İldırım Əkbəroğlunun 70 illik yubileyi münasibəti “Yazarlar” jurnalının xüsusi buraxılışı formasında nəşr olunacaq “İldırım Əkbəroğli – 70” kitabına daxildir.

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

İLDIRIM ƏKBƏROĞLU

Mübariz

Milli qəhrəman Mübariz Ibrahimova

Ömür əmanət ömür,

Həyat bahar, qışdımı?…

İgidliyin əzəldən

Qəlbinə dammışdımı?…

*   *   *

Gəlişinə sevindi

Tapdaq olan cığır, iz,

Boğdun yağı düşməni

Öz qanında, Mübariz.

*   *   *

Şöhrətinə gün doğdu

Burda torpağın, daşın.

Bir nəfərin önündə

Məğlub oldu bir qoşun.

*   *   *

Sən sübut elədin ki,

Vətəndir candan əziz.

Vətən də öz bağrına

Basdı səni,  Mübariz.

*   *   *

Sənin gücün haqq gücü,

Haqq arxanda sal qaya.

Döyüşdə haqlı-haqsız

Bəlli oldu dünyaya.

*   *   *

Qorxaq yağı yenildi,

Qorxaq yağı çökdü diz.

Şəhidlərin ruhunu

Sən şad etdin, Mübariz!

Sən şad etdin, Mübariz!

Müəllif: İLDIRIM ƏKBƏROĞLU 

Allah rəhmət eləsin… Ruhu şad olsun… Bu şeir (sonetlər) “İldırım Əkbəroğli – 70” layihəsi çərçivəsində N : 35 qeydi ilə yayımlanır. Eyni zamanda bu layihə çərçivəsində İldırım Əkbəroğlunun 70 illik yubileyi münasibəti “Yazarlar” jurnalının xüsusi buraxılışı formasında nəşr olunacaq “İldırım Əkbəroğli – 70” kitabına daxildir.

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

ƏBÜLFƏZ ÜLVİ

MƏN AĞI QARADAN SEÇƏN ADAMAM

Güldür gözlərini, ona az su ver,
Dayanma kənarda salaməlikdən.
Yenə dodaqların yer süpürür, yer,
Yoxsa xoşu gəlir xadiməlikdən.

Yolunda daima yanan şamam, şam,
Yel vurur , sel vurur, keçə bilmirəm.
Mən ağl, qaradan seçən adamam,
Sən hansı rəngdəsən seçə bilmirəm.

Elə gəzdirirsən kədəri asan,
Yol tapıb mənim də könlümə hopub.
Bilmirəm nə ilə yapışdrmlsan,
Belə asanlıqla insafın qopub

Əhdə bardaşını xoş niyyətlə qur,
Sən bardaş qurmasan nisgil quracaq.
Qəlbim səninkidir götür, sevgi vur,
Sən sevgi vurmasan infakt, vuracaq.

Qəlb düz döyünməsə, canda azır qan,
Demirəm təpəylə qaya eynidir.
Nə mən dəmirdənəm nə sən qızıldan,
Bütün insanlarda maya eynidir.

Həsrət barəsində verdiyin qərar,
Nə vaxtsa təəssüf, əfsus olacaq.
Niyə bizi belə güdür intizar?
Bəlkə təlim keçir, cəsus olacaq?

İnsafslz, qarışlb halım, əhvalım,
Sev, bəlkə o ipə-sapa gətirə.
Ondan yer üzünü gəzir xəyalım,
Bəlkə insafını tapa, gətorə
25.01.2020.

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Elbar Şirinovun ad günüdür

AD GÜNÜNÜZ MÜBARƏK OLSUN!!!

Bu gün – 25 yanvar – gözəl insan, səmimi dost, şair ruhlu araşdırmaçı-jurnalist Elbar Shirinovun doğum günüdür. Ad gününüz mübarək, Elbar müəllim!!! Uca Yaradandan Sizə uzun ömür, can sağlığı və bütün işlərinzdə müvəffəqiyyətlər arzu edirik!!! Uğurlarınız bol olsun!!!

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Rahim Üçoğlanlı Rzayev

ADAMIN

Görəsən sevginin qüdrəti nəymiş,
Bir anlıq sönməyir közü, adamın.
İllərlə şəninə dastan deyirsən,
Tükənmir, söhbəti sözü, adamın.

Odur şad eyləyib, bağrı yaranda,
Kafir də eşq deyir əhli Quran da..
Yar çıxıb qarşına bir söz soranda,
Bəs nədən titrəyir, səsi adamın.?

Rahim, şirinliyin çox insan dadıb,
Duyğusuz olan kəs qafildir, yatıb..
Tanrı məhəbbətin saf eşqin qatıb,
Mələkdən baş olub, özü, adamın..

Ağdam-14.01.2020.


Müəllif: RAHİM ÜÇOĞLANLI RZAYEV

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

İLDIRIM ƏKBƏROĞLU

Gördüm

Ömür haqdır, dönməz köçən

Xatirədir olub keçən

Ürəyimi hədəf seçən

Yay gizlənib, oxu gördüm.

*   *   *

Çox mənlik sındı çətində

Pərtlik dondu ismətində

Taleyimin qismətində

Var yayındı, yoxu gördüm.

*   *   *

Gedən dönməz, daha getdi

Hər qismət bir cığır seçdi

Ömrün çoxu elə keçdi

Elə bil ki, yuxu gördüm                   

25.01.2004

Müəllif: İLDIRIM ƏKBƏROĞLU 

Allah rəhmət eləsin… Ruhu şad olsun… Bu şeir (sonetlər) “İldırım Əkbəroğli – 70” layihəsi çərçivəsində N : 34 qeydi ilə yayımlanır. Eyni zamanda bu layihə çərçivəsində İldırım Əkbəroğlunun 70 illik yubileyi münasibəti “Yazarlar” jurnalının xüsusi buraxılışı formasında nəşr olunacaq “İldırım Əkbəroğli – 70” kitabına daxildir.

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Əsmər Hüseyn Xan

QOYMAZDIM

Onda balaca idik
Adımız uşağıydı
Onda təzə deyildi
Əynimiz yamağıydı

Nənəm qoymazdı yerə
İynəsini, sapını
Bağlamazdı atamız
Darvazanı, qapını

Anamızın qucağı
İsti sobamızıydı.
Onda yaxın qonşular
Ən yad doğmamızıydı.

Biz ən böyük ağrını
Çapığımız bilərdik.
Gözümüzün yaşını
Qolumuza silərdik.

Anamızın verdiyi
Dürməyi bölüşərdik
Doyunca yeməsək də
Doyunca gülüşərdik

Uzun nar çubuqları
Bir çaparaq at idi
Acı sözü bizimçün
Ancaq istyot idi…

Soyuq qış gecəsində
Qar örtərdi yolları
Bütün pəncərələrdə
İsti nəfəs buxarı…

Yorğandan qısa idi
Onda ayaqlarımız.
Onda dünya balaca
Böyük idik hamımız

….

Nenem nağıl deyərdi
Dinləməkdən doymazdım
Bilsəydim böyüyəndə
Hamı çıxıb gedəcək
O balaca uşağı
Böyüməyə qoymazım…

Müəllif: Əsmər Hüseyn Xan

“USTAC.AZ” FƏRDİ İNKİŞAF və YARADICILIQ PORTALI

<<<<XİDMƏTLƏR>>>>

Təqdim edir: Zaur Ustac

USTAC.AZ 

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

İLDIRIM ƏKBƏROĞLU

Dəyişər insanlar.

Dəyişər insanlar, dəyişər dövran,

İtər ümid, inam söz qabağında.

Düşməndən nə qorxu, dost dönən zaman,

Oğulsan sinə gər, döz qabağında .

*   *   *

Gözdən yaş çıxarmı qəlb kövrəlməsə,

Palıd kökdən aşar, tale gülməsə

Əl tutan tapılmaz yıxılan kəsə,

Hər kəs ocaq eşər öz qabağında.

*   *   *

İldırım, dövrandan, gəl, çək əlini,

Şerinə bağlama çox da dilini.

Zəmanə qayıdıb kəsər dilini,

Həqiqət dediyin söz qabağında.

Müəllif: İLDIRIM ƏKBƏROĞLU 

Allah rəhmət eləsin… Ruhu şad olsun… Bu şeir (sonetlər) “İldırım Əkbəroğli – 70” layihəsi çərçivəsində N : 33 qeydi ilə yayımlanır. Eyni zamanda bu layihə çərçivəsində İldırım Əkbəroğlunun 70 illik yubileyi münasibəti “Yazarlar” jurnalının xüsusi buraxılışı formasında nəşr olunacaq “İldırım Əkbəroğli – 70” kitabına daxildir.

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru