YARADICILIQ

Leyla Koçak Oruç

KALDIM BAĞINDA

Canımın kapısı sırçadandı sır
Salınırken yedi iklim, yedi bağında
Can buldum, bilmiyorum ki mayasını sır
Şaraptandı dolusu, ninnice kaldım bağında

Beşiktendi serim,o an yüzünü gördüm
Gizli düşlerim pembelendi, ben gündüm
Canımı canına kardım, alevleri sen gördüm
Divanece düşteyken, ninnice kaldım bağında

Nefsim sevda suyunda, arındı paktı
Üzüm şerbeti vesileydi, içimdeki Hâk’tı
Özden, aldan, çoktum, sırrım yardan saklı
Aşkın deminde çarktım, ninnice kaldım bağında

Sahibim oldu bağban, kemendi gülden
İçeyim derken kevseri, leb-i gülden
Irmağımdan bade tattı,ben oldu künden
Bir vücuttan canken,ninnice kaldım bağında

Ay kızım, misafir oldum bağına
Hasretinden can,ışık oldum ocağına
Tülüm de yol oldu, düş otağına
Daim uyurken ben,ninnice kaldım bağında
19. 9. 2019

Müəllif: Leyla Koçak Oruç

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

NAİBƏ YUSUBLU

 AD GÜNÜNÜZ MÜBARƏK !!!

Bu gün (3 dekabr 1963) gözəl insan, sevimli müəllim, tanınmış şair  NAİBƏ YUSUBLU nun doğum günüdür. Ad günü münasibəri ilə  NAİBƏ xanımı təbrik edir, bütün işlərində ağurlar arzu edirik. Uğurlarınız bol olsun, NAİBƏ xanım !!!

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Molla Pənah Vaqif

PƏRİ

(Qoşma)

Boyun surahıdır, bədənin büllur,
Gərdənin çəkilmiş minadan, Pəri!
Sən ha bir sonasan, cüda düşübsən
Bir bölük yaşılbaş sonadan, Pəri!

İxtilatın şirin, sözün məzəli,
Şəkər gülüşünden canlar təzəli,
Ellər yaraşığı, ölkə gözəli,
Nə gözəl doğubsan anadan, Pəri!

Üz yanında tökülübdür tel nazik,
Sine meydan, zülf pərişan, bel nazik,
Ağız nazik, dodaq nazik, dil nazik,
Ağ əllərin əlvan hənadan, Pəri!

Avçısı olmuşam sən tək maralın,
Xəyalımdan çıxmaz hərgiz xəyalın,
Ənliyi, kirşanı neylər camalın,
Sən elə gözəlsen binadan, Pəri!

Günəş təki hər çıxanda səhərdən
Alırsan Vaqifin əqlini sərdən.
Duaçınam, salma məni nəzərdən,
Əksik olmayasan sənadan, Pəri!

Müəllif: Molla Pənah Vaqif

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Aida Adıgözəl – Söz

Aida Adıgözəlin söz dünyası

Sənsizliyin rəsmi

Yadımdadır soyuq payız gecəsi ,
sən gedəndə köç edirdi durnalar.
Ta o gündən boylanıram yollara ,
görən çatıb , çatmayıbsa hardalar ?

Üzüm göyə … bircə ümid lələyi ,
durnalarsa uzun yolun hayında .
Mən onunçun göydən nöqtə kimiydim ,
onun fikri yolçuların sayında.

Dumanda çıxmışdım durna yoluna
onlar ümid çırağımı qırdılar.
İndi yenə soyuq payız səhəri …
mən gələndə köç edirdi durnalar.
30.11.2019

<<<<AİDA ADIGÖZƏLİN SÖZ DÜNYASI>>>>

Darıxan ruh

Küləyi danla , tənbeh et
əliuzunluq edir
saçımı qarışdırır.
Mehi biraz utandır
başıma dörd dolanır
yanaqlarımı öpür ,saçlarımı oxşayır.
Xəzri bağrına basır,
deyir hələ sənsənmiş
guya sənin yerinə mənim qoxumu alır.
Eşitdim tufan gəlir ,
guya qəlbindən əsir
mənimçün darıxırmış
guya lap peşman olub … yağışa danışırmış .
Qasırğa söyləyibmiş
tufan məni tapmasa
özü gəlib mənimçün bağrımda öləcəkmiş.
Yeri göyü dağıdıb
sonra susub qovuşub
qayıdıb gedəcəkmiş…
25.11. 2019

<<<<AİDA ADIGÖZƏLİN SÖZ DÜNYASI>>>>

Bakı eşqim

Yenə əziz Bakı , doğma divarlar
əlimdə sevinir metro kartı da .
Sanki darıxıbmış sevimli şəhər ,
ayağımı öpür eskolator da .

Vaqonlar qapısın taybatay açıb
üstümə atılır doğması təki.
Yenə sıralanır stansiyalar ,
hə … bu da Əhmədli , o doğma səki.

Bağrıma basıram köhnə dostlar tək ,
duz tək yalayıram tacı -taxtımı .
Hər daşı qaldırıb altına baxıb
orda axtarıram sınmış baxtımı.

Əlini sıxıram …dərdləşmək üçün
çəkilib gizlinə, köşə bucağa .
Köhnə sevgili tək nəfəs nəfəsə ,

mehribancasına , qucaq qucağa .
01.12.2019

Müəllif: AİDA ADIGÖZƏL

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Əbülfət Mədətoğlu

DƏLİ BİR İSTƏK

(Saralmış dəftərdən….)

Sonuncu duayam – oxuyun yavaş…
Oxuyun, siz məni duyana kimi!..
Əliniz Tanrıdan üzülməsin kaş –
Siz məni oxuyub doyana kimi…

İstəyin, bilirəm , qurtulmaq məndən
Çəkdiyim saralıb – olubdu dən – dən…
Nə Ondan küsəcəm, nə də ki , səndən –
Yuata götürüb yuyana kimi!

Gör necə göynəyir bağrımın başı?
Buzlayır kirpikdə gözümün yaşı…
Tanrı əlindədi bil, məhəng daşı –
Çəkib atacaqdı o yana kimi?!

Bu necə yazıdı, bu nə cür xislət
Daş üstə göyərir seçdiyim qismət!
Sənə yar gülləsi dəysin Əbülfət,-
Mən birdən üçədək sayana kimi!

Müəllif: Əbülfət Mədətoğlu

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Etibar Həsənzadə

“YAZARLAR”- xəbər verir ki, tanınmış gənc yazar Etibar Həsənzadə “Qızıl Qələm” Mükafatına layiq görülüb. Bu münasibətlə Etibar Həsənzadəni təbrik edir, yeni-yeni yaradıcılıq uğurları arzu edirik. Uğurlarınız bol olsun, Etibar müəllim !!!

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

MAYIL DOSTU

BİGANƏ İNSAN

Qəlbin daşa dönüb, hissin dəmirdi,
İncitmir göz yaşı, qəm-kədər səni.
Nədən vicdanını şeytan gəmirdi,
Kim amansız etdi, bu qədər səni?

Özünü düşündün, belə yaşadın,
Xeyrə, şərə yaramadın, yad oldun.
Bir heyvanla qoşa çəkildi adın,
Adın özgələşdi, başqa ad aldın.

Ürəyin döyünür, başın üstündə,
Fəqət, duyğun iflic, ruhun ölüdü.
Adamlıq boğulub qara tüstündə,
Vücudun yanıbdı, qalan külüdü.

Hara getdi vicdan boyda kişilər,
Dizlərimə döyür, təsirlənirəm.
Halıma bax, cılızlaşan dünyada,
Kişilik axtarır, ər sülənirəm.

Yalquzaq xislətli biganə insan,
Kiminsə sevincin, qəmin bölmürsən.
Dünya dağılsa da, heç anlamazsan,
Sən diri deyilsən, çoxdan ölmüsən.

Müəllif: MAYIL DOSTU

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Mustafa Müseyiboğlu

Bu gün (01.12.1952 – 29.12.2018) Mustafa Müseyiboğlunun doğum günüdür. Ruhu şad olsun. Allah qəni-qəni rəhmət eləsin. Amin.

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Ertuğrul KALAFAT

Eldar İsmayIl BöyüktürK TƏQDİM EDİR:  

TÜRK ƏDƏBİYYATINDAN NÜMUNƏLƏRErtuğrul KALAFAT

Tarixən Anadolu türkcəsində yazılan şeirlər Azərbaycan türkcəsi
ilə eyni səviyyədə səslənmişdir. Bu gün də elədir. Xalq ruhuna doğma olan poeziyamız işığını türk günəşindən alır, şair -yazar ERTUĞRUL KALAFATIN poeziyası kimi.
Ertuğrul bəyin poeziyası ilə Azərbaycan oxucuları qismən də olsa artıq tanışdılar. Bu imza həm də Azərbaycan oxucularına “Yeniçağ” qəzetinin əməkdaşı kimi də doğmadır.
Bu igid şair, jurnalist (qəzeteçi) eloğlumuz RAHİM CAVADBƏYLİNİN azadlığı uğrunda çarpışan
namus və şərəf sahibidir. Ertuğrul bəyin və milli ruhlu türk oğullarının cəsarəti sayəsində Rahim bəy bu gün İrFan rejiminin irtica qərarlarından kənardır.
Ertuğrul bəy Afyonkarahisarda (1965) doğulmuş, Anadolu Universitetini bitirmişdir. Hazırda İstanbulda yaşayır. İki şeirini oxuculara təqdim edirəm.

MƏN DEYƏMMƏZSƏN

Bu necə bir sevinc, necə çalımın*
Nəyə dəyər qızıl olsa hər yanın?
Bir nəfəs alımı gedər bu canın,
Vallahı bir daha MƏN deyəmməzsən!

Nə sağlıqı qalar. Nə də fiyakan,
Kİm bu azğın deyə qızır hər baxan…
Sanma bir araya gəlir hər “yanan”,
Vallahı bir daha MƏN deyəmməzsən!

Paran, pulun, malın- mülkün nə fayda?
Əndazədən çıxmış artıq bu qayda…
Bir dad görəmməzsən içdiyin çayda,
Vallahı bir daha MƏN deyəmməzsən!

Dost desəm sən arxana dönərsən,
Canan desəm, bir köz olub sönərsən…
Ruhun xarab, hər yanlışa sinərsən,
Vallahı bir daha MƏN deyəmməzsən!

Mənliyin yandırır, həm yıxır səni,
Bir məchul girdaba tıxıyır səni.
Heç hökmüm yox, unut sən məni,
Vallahı bir daha MƏN deyəmməzsən!


“Çalım”- iddia.

<<<< Ertuğrul KALAFAT >>>

ÜRƏK YANĞIN

Sönərmi su ilə bu ürək yanğın?
Dənizlər, ümmanlar çarə olammaz.
Fikirin son dəmi sıxsa da canı
Aşiqin ürəyi yardan doyammaz.

Yusifi Züleyxa yandırar –yaxar,
Sel kimi ürəyə axdıqca axar…
Hurilər qısqanıb bu eşqə baxar,
Ürəyin bal tökən gülü solammaz.

Fərhada dağları dəldirən Şirin,
Əslini qul etdi dərdi Kərəmin…
Yalnız adı qalır ürək sevənin,
Daşlaşan ürəyi artıq durammaz.

Bir vida eləməz, xoşcaqal deməz,
Aşiqin ömrü boyu üzü güləmməz…
Ölmək istəsə də inan öləmməz,
Başına düşəcək daşı bulammaz!

Müəllif: Ertuğrul KALAFAT


Hazırladı: ELDAR İSMAYIL BÖYÜKTÜRK 

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru