YARADICILIQ

İNDİ UZAQDADIR

Abdulla Cəfərdən bir şeir

İndi uzaqdır…
Əllərim hər gecə saçını hördü,
Gözlərim dünyanı gözündə gördü,
Bütün fəsillərim bir qışa döndü,
Hər an yaxın olan indi uzaqdır

Elə bil, ruhumu götürüb gedib,
Quş kimi uçaraq gözümdən itib,
Tükənməz bildiyim ümidim bitib,
Hər an yaxın olan indi uzaqdır.

Daha kökdən düşüb könlümün tarı,
Qanayan yaramı, gəl, özün sarı,
Acı, zəhər dadır bağımın barı,
Hər an yaxın olan indi uzaqdır.

Ətrafım işıqdır, içim qaranlıq,
Şəfəq saç qəlbimə özün bir anlıq,
Uca dağlar başı artıq dumanlıq,
Hər an yaxın olan indi uzaqdır.

Sevib-sevilmək də sanki bir yuxu,
İtirdiyi zaman anlayır çoxu,
Yay çəkib, sinəmə sacılıb oxu,
Hər an yaxın olan indi uzaqdır.

Buludlar ağladı, çiçəklər açdı,
Göz yaşım suladı, kədər gül açdı,
Ölmək istəyirdim, əcəl də qaçdı,
Hər an yaxın olan indi uzaqdır.

Müəllif:  Abdulla Cəfər  

WWW.YAZARLAR.AZ və WWW.USTAC.AZ

#zaurustac #yazarlaraz #ustacaz #yazar #ustac #zaur_ustac

#sevin_ki_seviləsiz  #yaşayaq_yaradaq  #yazarlar_ancaq_yazarlar

ZAUR USTAC – DÜŞÜNÜRƏM

DÜŞÜNÜRƏM…

Soy, o soydur, kök, o kökdür, qan, o qan…
Lap, bir-iki bicbalanı qat gözə.
Boy, o boydur, qol, o qoldur, can, o can…
Təkəm-seyrək, kəm-kəsiri sat sözə.
Sual doğur, onda nədir çatmayan???
Cavab budur: – “Atillanın öfkəsi”!!!
Bizdə çatmır, dədələrin hikkəsi!!!
* * *
Çay, o çaydır, göl, o göldür, dan, o dan…
Ufaq-təfək olmayanı keç bizə.
Toy, o toydur, çöl o çöldür, xan, o xan…
Biraz böyük, biraz kiçik, keç sözə.
Qürub da o, onda nədir çatmayan???
Cavab sadə: – “Çingiz xanın öfkəsi”!!!
Bizdə çatmır, dədələrin hikkəsi!!!
* * *
Hay, o haydır, rum, o rumdur, biz, o biz…
Tərliyinə yapışanı ver yelə.
Say, o saydır, qom, o qomdur, diz, o diz…

Tutuşanda aşmayanı ver belə.
Bəs beləsə, onda nədir çatmayan???
Cavab təkdir: – “Sultan Fateh öfkəsi”!!!
Bizdə çatmır, dədələrin hikkəsi!!!
* * *
Rey, o Reydir, Şam, o Şamdır, yol, o yol…
İnsan həmin, adamlar o, düş düzə.
Köy, o köydür, kənd, o kənddir, el, o el…
Əsl qədim, tarix zəngin, xoş bizə???
Haqlı sual, onda nədir çatmayan???
Cavab birdir: – “Xətainin öfkəsi”!!!
Bizdə çatmır, dədələrin hikkəsi!!!
* * *
Mey, o meydir, cam, o camdır, din, o din…
Əyri-müyrü düzəlişi yaz düzə.
Pay, o paydır, yem, o yemdir, hin, o hin…
Zaval gəlməz doğru sözə, yaz düzə…
Fəqət sual, onda nədir çatmayan???
Cavab yekdir: – “Şah Qacarın öfkəsi”!!!
Bizdə çatmır, dədələrin hikkəsi!!!

* * *
Ley, o leydir, sar, o sardır, vağ, o vağ…
Yarasanı mixi xətlə yaz mizə.
Huy, o huydur, gül, o güldür, bağ, o bağ…
Dəmi boş ver, onu kəsir yaz bizə.
Sual həmin, onda nədir çatmayan???
Cavab netdir: – “Atatürkün öfkəsi”!!!
Bizdə çatmır, dədələrin hikkəsi!!!

15.03.2018. Bakı. (9:19 – 19’)

Müəllif: Zaur Ustac

© Zaur USTAC,2018. Bakı.
WWW.YAZARLAR.AZ və WWW.USTAC.AZ

#zaurustac #yazarlaraz #ustacaz #yazar #ustac #zaur_ustac

#sevin_ki_seviləsiz  #yaşayaq_yaradaq  #yazarlar_ancaq_yazarlar

LİLPAR CƏMŞİDQIZI

 

Zülfüvə, qoyma, yetişsin əli bu şanələrin

Zülfüvə, qoyma, yetişsin əli bu şanələrin,
Bir də incitməyəsən könlünü divanəlırin.

Bu nə aləmdi ki həsrət qəmi öldürdü məni
Nədən olmaz ki, Xuda sahibi qəmxanələrin.

Çəkirəm həsrətini,gör necə mən şamü- səhər,
Alışan şəm’i mənəm, hər gecə pərvanələrin.

Elə əfğan eləyir, ah bu könül, çarəsi yox,
Nə çəkir, hər birisi, dəhrdə peymanələrin.

Yazıram hər sözümü məndə bu əsrimdə bu gün,
Çəkirəm surətini mən yenə əfsanələrin.

İçərəm eşq şərabın, yenə sərməst olaram,
Mən özüm sakini ollam elə meyxanələrin.

Yenə Cəmşidqızını kimdi salan eşq oduna?
Yazaram ismini bir-bir, mənə həmxanələrin.

Müəllif: Lilpar Cəmşidqızı

WWW.YAZARLAR.AZ və WWW.USTAC.AZ

#zaurustac #yazarlaraz #ustacaz #yazar #ustac #zaur_ustac

#sevin_ki_seviləsiz  #yaşayaq_yaradaq  #yazarlar_ancaq_yazarlar

SONA AMAL – OLSUN

Deyirəm, əməlin kaş əməl yeri,
Həyatda sözün də söz yeri olsun.
İnsanın qəlbində düşmənin ayrı, 
Vəfalı dostunsa, öz yeri olsun.

Nələr görməmişəm mən bu həyatda,
Namus da, şərəf də görünər zatda,
Ay ellər, əyrinin eldə, elatda,
Yeri yox, düzünsə düz yeri olsun.

Sev, sevil həyatda sən doğru, düzgün,
Taleyin üzünə güləcək bir gün,
Oduna yananı çox etmə üzgün,
Ərkin ərk, nazın da naz yeri olsun.

05. 12. 2018-ci il.

Müəllif:  Sona Teymurbeyli

WWW.YAZARLAR.AZ və WWW.USTAC.AZ

#zaurustac #yazarlaraz #ustacaz #yazar #ustac #zaur_ustac

#sevin_ki_seviləsiz  #yaşayaq_yaradaq  #yazarlar_ancaq_yazarlar

Qərib Həsənovdan yeni kitab

14 dekabr 2018 – ci ildə AYB-in Natavan zalında Qərib Həsənovun “SƏNİ SEVMƏKDƏN DOYMARAM” adlı yeni şeirlər kitabının təqdimat mərasimi olacaq. Tədbirə bütün kitabsevərlər dəvətlidir. Təqdimat ASKEF  Azərbaycan İdarə Heyyətinin təşkilatçılığı ilə baş tutacaq.

USTAC.AZ

WWW.YAZARLAR.AZ və WWW.USTAC.AZ

#zaurustac #yazarlaraz #ustacaz #yazar #ustac #zaur_ustac

#sevin_ki_seviləsiz  #yaşayaq_yaradaq  #yazarlar_ancaq_yazarlar

 

MAYIL DOSTU – G Ü L Ü M

 

G Ü L Ü M

Hər yetənə naz satılmaz,
Nazı ucuz düzmə, gülüm.
Könül sevən çirkin olmaz,
Sonalayıb bezmə, gülüm.
***
Gülüş becər, qəzəb əkmə,
Üzün gülsün, qüssə çəkmə,
Qaş – qabağı belə tökmə,
Dodağını büzmə, gülüm.
***
Yaz qoxulu bir çiçəksən,
Şeh düyməli tər ləçəksən,
Şeir kimi çox göyçəksən,
Yaraşıqsan nəzmə, gülüm.
***
Eşq günahsa, günahım ol,
Bu günüm ol, sabahım ol,
Bir ömürlük pənahım ol,
Ümidimi üzmə, gülüm.
***
Sən Mayılın diləyində,
Ələnirsən ələyində,
Oturmusan ürəyində,
Özgə yerdə gəzmə, gülüm.

Müəllif:  Mayil Dostu

WWW.YAZARLAR.AZ və WWW.USTAC.AZ

#zaurustac #yazarlaraz #ustacaz #yazar #ustac #zaur_ustac

#sevin_ki_seviləsiz  #yaşayaq_yaradaq  #yazarlar_ancaq_yazarlar

Hanı Güney, Qaramanım?

 

Qələndər Xaçınçaylıdan bir şeir

Elədi

Kəsilsin o kəsin başı,
Bizi bizdən elədi.
İtirdik qohum-qardaşı,
Bizi cırtdan elədi.

Yas içində bağça-bağım,
Quruyubdu yaşıl tağım,
Hanı Güney, Qaramanım?
Bizi yurddan elədi.

Tapdalandı qeyrət-arım,
Talanıbdır sərvət, varım,
Sayı yoxdur məzarların,
Bizi xortdan elədi.

Dərdimizi kimə açaq,
Daşıyırıq qucaq- qucaq,
El-obada sönüb ocaq,
Bizi oddan elədi.

Lənət sənə dəli şeytan,
Gör kimlərə verdin meydan,
Cəlladların gözündə qan,
Bizi çoxdan elədi.
29.11. 2018.

Müəllif:  Qələndər Xaçınçaylı

WWW.YAZARLAR.AZ və WWW.USTAC.AZ

#zaurustac #yazarlaraz #ustacaz #yazar #ustac #zaur_ustac

#sevin_ki_seviləsiz  #yaşayaq_yaradaq  #yazarlar_ancaq_yazarlar

QUCAĞINI GENIŞ AÇ…

 

QUCAĞINI GENIŞ AÇ…
(Gizir Pəncəli Teymurova həsr olunur.)

Qucağını geniş aç, gəlirəm Ana Torpaq,
Çox döymüşdüm qapını, səhər-axşam taq-taraq,
Hər gəlirəm deyəndə, əlimdə vardı bayraq,
O qutsal əmanətin, ünvanına yetibdi…. ….
Sancmışam Sancağımı, rahat gəlirəm indi….

* * *
Səhər-axşam deyərdim, bu canım sənə fəda,
Nə olur mənə olsun, təki sən görmə qada,
“Komandir yaxşı olsa, ordunu verməz bada”,
Komutanım öndədir, gül-çiçək düz yoluna….
Sıra ilə gəlirik, yer ver girək qoynuna….

* * *
Çox dilək diləmişdim, Bayraq olsun kəfənim,
Xəyalım gerçək olub, sevinməsin düşmənim,
Dualarım qəbuldu, ağlamasın sevənim,
Ana, sən də gözünün qorasını sıxma ha…
Oğulun adı üstə, qurban gedər torpağa!!!

12.04.2016. Bakı.

Müəllif: Zaur Ustac

© Zaur USTAC,2018. Bakı.
WWW.YAZARLAR.AZ və WWW.USTAC.AZ

#zaurustac #yazarlaraz #ustacaz #yazar #ustac #zaur_ustac

#sevin_ki_seviləsiz  #yaşayaq_yaradaq  #yazarlar_ancaq_yazarlar

 

OLUR

İldırım Əkbəroğlundan bir şeir

OLUR

Yolu qan-qadalı şöhrətin-şanın,
Zirvə sevinci var zirvə aşanın.
Ön yerdə yeri yox düz danışanın,
Yalan söz düz sözdən keçəri olur.

Çoxları elinin qəstinə durdu,
Vətəndən daşıdı,qürbətdə qurdu.
Cır quşlar sevərlər yuvanı-yurdu,
Yekələr gəzəyən,köçəri olur.

Boz çöllər od tutub qalar boz külü,
Libas eyləməsə çiçəyi,gülü.
Deyilən xoş söz var açar könülü,
Zalım bir ürəyin açarı olur.

İldırım,vətənin ,yurdun var,bəsin,
Gözün yox əlində haram bir kəsin.
Meydan haqqın olsa gur çıxar səsin,
Düz söz düz meydanda keçəri olur.

Müəllif: Ildırım Akberoğlu

WWW.YAZARLAR.AZ və WWW.USTAC.AZ

#zaurustac #yazarlaraz #ustacaz #yazar #ustac #zaur_ustac

#sevin_ki_seviləsiz  #yaşayaq_yaradaq  #yazarlar_ancaq_yazarlar