ƏDALƏT NİCAT

AD GÜNÜNÜZ MÜBARƏK !!!

Bu gün ( 2 Noyabr 1966 ) tanınmış şair ‎Ədalət Nicatın doğum günüdür. Ad günü münasibəti ilə şairi təbrik edir və yaradıcılığından bir-neçə nümunə təqdim edirik:

DAĞLAR

Yurdsuz ömrümdən elə tez
Gəlib keçir il, ay dağlar.
Dərdim sığışmaz köksünə
Dərd əhliyəm bil ,ay dağlar.

Çıxarılıb yuvasından,
Tüstü çıxmır sobasından,
Nə zamandı obasından
Uzaq düşüb el ,ay dağlar.

Ya haqq ver,yadaki qına,
Boş vədlərdən duydum cana,
Qılınc ömrüm qaçır qana,
Görüşümə gəl,ay dağlar.

Bilmirəm bu nə dözümdü,
Mamırlayan daş üzümdü,
Qoşa bulud nəm gözümdü,
Əl at yaşın sil,ay dağlar.

Ədaləti qürbət yorub,
Eləyə bılmırəm qürub,
Həsrət ılə gendən durub
Eyləyirəm əl,ay dağlar.

AY İŞIĞI

Gecə zülmətdə yayılan,
Evimin üstündə aylan,
Pəncərəmdən gecə boylan
Mənimlə qal, ay işığı.

Məndən Allaha yaxınsan,
Sirli sevdalı yuxumsan,
Gecələr varım yoxumsan,
Gəl yuxum ol, ay işığı.

Buluddan qurtarsa yaxan,
Yuxudaykən bütün cahan,
Sökülməyə tələsir dan,
Getmə bir yol, ay işığı.

Yəqin anlar məni millət,
Yetər çəkdiyim bu zillət,
İçimdən yox olsun zülmət,
Qəlbimə dol, ay işığı.

YURDUM

Səcdənə də gələnmədim,
Canım yurdum,gözüm yurdum.
Yaşda daha o yaş deyil,
Azalıbdı dözüm yurdum.

Göz yaşım baxmır sözümə,
Dərin arx açıb üzümə,
Oğul deməyə özümə
Daha gəlmir üzüm yurdum.

Dünyanın nahaqq qatında
Şeytanlar çapır atında,
Qəribsəyib kül altında
Çoxdan sönüb közüm yurdum.

Atəş sönməz gur yağışla,
Eşq göyərməz bir baxışla,
Nə olar məni bağışla,
Gələnməsəm özüm yurdum.

Ədalət varmı yadında?
İllərdi yanır odunda,
Kaş bir durna qanadında
Çata sənə sözüm yurdum.

ÜŞÜYÜR

Yurddan ayrılanda tox saxladığım,
Üzdə şux görünən dözüm üşüyür.
Misra-misra,bənd-bənd yola düzülən,
Hər sözə kövrələn sözüm üşüyür.

Xəyalım dolanır yalı,yamacı,
Əsirlikdə qalıb yurdumun tacı,
Qürursuz yaşamaq acıdan-acı,
Şuşasız taqətim,dizim üşüyür.

Zəngilan bir həsrət ruhumu yoran,
Laçınsız ömrümə tez gəldi boran,
Kəlbəcər gedəndən kədərli duran,
Murova dikilən gözüm üşüyür.

Hər papaq qoyanlar guya ki ərdi?
Anlayan varmı ki,nə dərdi-sərdi,
İçimdə yandıqca Zəngəzur dərdi,
Qarabağda sönən közüm üşüyür.

Torpağa məhəbbət mübarək hisdi,
Burada vətəndi,demirəm pisdi,
Sumqayıt mənimçün olsada isti,
Qubadlıda qalan izim üşüyür.

Şeirlərin müəllifi: Ədalət Nicat

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Əbülfət Heydər – Ağbaba

“AĞBABAM”

(…düşmən süngüsünə keçən Vətənim Ağbaba və Ağbabalıların şərəfinə ithaf edirəm…)

Xalqımın incilər xəzinəsində,
Babam Nizaminin zər xəmsəsində,
Elin nəğməsində, cəngi səsində,
Nəsimimin qəzəlidi Ağbabam,
Oğuz yurdu, Türk elidi Ağbabam.
—————–
Alp Arslanın qibləgahı, ocağı,
Səlcuq tüklərinin nurlu çırağı,
Əsrlərdən gəlir səsi, sorağı
Gözəllərin gözəlidi Ağbabam,
Oğuz yurdu, Türk elidi Ağbabam.
—————–
Dədəm Qorqud orda qopuz çalıbdı,
Xan Öğuzum xəyallara dalıbdı,
Bayandur xan orda məskən salıbdı,
Xətayimin bülbülüdü Ağbabam,
Oğuz yurdu, Türk elidi Ağbabam.
——————
Aninin fəthində mən orda varam,
Çıldır döyüşündə sızlayır yaram.
Qardaş süngüsündə mən ahu-zaram,
Sinəm üstü qəm selidi Ağbabam,
Oğuz yurdu, Türk elidi Ağbabam.
——————-
Fələk məni beş əsirdi sınayır,
Köhnə yaram Çaldıranda qanıyır,
Vallah, billah şeytan bizi tanıyır,
Şair balan qəm əhlidi Ağbabam,
Oğuz yurdu, Türk elidi Ağbabam.
——————–
Göyçə dedim, dil ağzımda alışdı,
Təbriz dedim, kədər qəmə qarışdı.
Qarabağsız bağrım yandı, alışdı,
Dərdim yaman gülməlidi Ağbabam,
Oğuz yurdu, Türk elidi Ağbabam.
——————–
Boz Qaladan duman dağa qalxırmı..?
Ulu dağlar Arpa gölə baxırmı..?
Arpa çayım qəmli-qəmli axırmı..?
Əbülfət sənsiz dəlidi Ağbabam,
Oğuz yurdu, Türk elidi Ağbabam.
01.11.2019

Ağbabanın tarixi haqqında qeyd:

1.İyirmi illik Bizans hakimiyyətindən sonra Səlcuqlu Türk xaqanı Alparslan 1064-çü ildə Ani şəhrini fəth edərək Bizansları oradan qovmuşdur. Həmin il Kars və ətraf bölgələr (ağbaba bölgəsi) Anadolu Türkləri tərəfində fəth edildi.
2.1394,1400 və 1403-çü illərdə Temur xan Karsdan keçdi. Səfəfilər Ağqoyunlu imperatorluğunu yıxıb Kars və ətraf bölgələrə sahib çıxdılar.1394-1534-cü illərdə bölgə və ətraf mahallar (Ağbaba) Səvəfilər hakimiyyəri altında oldu.
1534-cü ildə Osmanlı xanı Sultan Səlim xan Çaldıran səfərindən sonra Karsa gəldi .Kars və ətraf bölgələr Osmanlı imperatorluğunun tabeliyinə keçdi..Bundan sonra Osmanlı dövləti ilə Səfəvi dövləti arasında Kars bölgəsində strateji döyüşlər başlandı.
3.Qardaş qırğını. Səfəvi-Osmanlı müharibəsinin (1578-1590) gedişində, 1578-ci il 9 avqustda Osmanlı dövləti ilə Səfəvi dövləti arasında Çıldır gölü ətrafında Osmanlıların qələbəsi ilə nəticələnən döyüş baş verdi.Bu döyüşdə hər iki tərəfdən 20000 min adam öldürüldü
4.Qars müqaviləsi. Zaqafqaziya Sovet Federativ Sosialist Respublikası ilə Türkiyə arasında 13 oktyabr 1921-ci ildə bağlanmış sülh müqaviləsinə əsasən Ağbaba mahalın böyü bir ərazisi Ermənistan SSR-nin tərkibinə qatıldı
5.1988-ci il erməni daşnaqları tərəfindən Ağbaba mahılından Azərbayçanlıların deportasiyasının son nöqtəsi qoyuldu. Azərbaycanlılar 1988-ci ildən etibarən ermənistandan tam şəkildə qovuldu.

Müəllif:Əbülfət HEYDƏR

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

İldırım Əkbəroğlu “Ziyadar” mükafatına layıq görülüb

Tanınmış şair İldırım Əkbəroğlu “İldırım Əkbəroğlu” adlı ilk kitabının işıq üzü görməsi münasibəti ilə “Yazarlar” jurnalı tərəfindən “Ziyadar” mükafatına layıq görülüb. Bu münasibətlə şairi təbrik edir, yeni-yeni yaradıcılıq uğurları arzu edirik.

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

TƏQVİMDƏ BU GÜN

Təqvimin bu günü çox dəyərli, yaradıcı dostlarımız;

Natəvan DƏMİRÇİOĞLU,

Əlirza HƏSRƏT,

Adil İRŞADOĞLU

Rais RƏSULZADƏ doğum günlərini qeyd edirlər. Biz də onları bu şad günlərində təbrik edir, yeni-yeni yaradıcılıq uğurları aru edirik. Uğurlarınız bol olsun!!!

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

İldırım Əkbəroğlu ilk kitab

İldırım Əkbəroğlunun ilk kitabı işıq üzü görüb. “İldırım Əkbəroğlu” adlandırılmış seçmə şeirlər toplusundan ibarət olan bu kitab Azərbaycanın Milli Qəhrəmanı  Rövşən Hüseynovun xatirəsi əbədiləşdirmək məqsədi ilə həyata keçirilən “25 YARPAQ” layihəsi çərçivəsində “Yazarlar” jurnalının xüsusi buraxılışı şıklində nəşr olunub. Kitabda böyük oxucu kütləsinin rəğbətini qazanmış, lakin hələ kitab şəklində çap olunmamış İldırım Əkbəroğlunun özünün seçdiyi və bir kitab halında görmək istədiyi 25 şeiri  yer almışdır. İldırım Əkbəroğlunun kitabda toplanan şeirlərinin əksəriyyəti böyük tərbiyəvi əhəmiyyətə malik olub, dərin ibrətamiz mahiyyət kəsb edir.   Kitaba ön sözü tanınmış kitabşünas-tənqidçi Hacıxanım Aida yazıb. Eyni zamanda kitabda şairin şeirlərindən əlavə tərtibçilərin hazırladığı İldırım Əkbəroğlu haqqında qısa məlumat, baş redaktor Zaur Ustacın və gənc araşdırmaçı-yazar Əminə Elsevərin qeydləri yer almışdır. İldırım müəllimi bu münasibətlə təbrik edir, yeni-yeni yaradıcılıq uğurları arzu edirik. Kitabın elektron variantı əsas elektron kitabxanalarda var. Və ənənəvi kitab formasında bütün əsas kitabxanalara veriləcək.

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

AYIN YAZARI OKTYABR (2019)

OKTYABR (2019) AYININ ƏN ÇOX OXUNAN YAZARI – “AYIN YAZARI” –ƏSMƏR HÜSEYN XAN OLDU. BU AD MÜNASİBƏTİ İLƏ ONU TƏBRİK EDİR, YENİ-YENİ UĞURLAR ARZU EDİRİK!!! UĞURLARINIZ BOL OLSUN!!!

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Sadıq Qarayev- Aktual məsələ

Mədəniyyətin xatirəsinə qoyulmuş yaşıl abidələr

Azərbaycan Respublikasının Birinci vitse-prezidenti Mehriban Xanım Əliyevanın təşəbbüsü ilə dahi şair İmadəddin Nəsiminin 650 illik yubileyi münasibətilə  bir gündə 650 min ağac əkiləcək. Bunun Respublikamızın, eləcə də dünya ekalogiyasına faydası, insan sağlamlığına töhfəsi haqqında.

Azərbaycan xalqı dünya elminin, mədəniyyətinin yeni təkamül müstəvilərinə keçməsində mühümm rol oynayan bir çox dahi şəxsiyyətlər yetirmişdir. Bunlardan biri də 1369-cu ildə Şamaxı şəhərində anadan olmuş, klassik Şərq və qədim yunan fəlsəfəsini, ədəbiyyatını dərindən mənimsəmiş, dinlərin tarixini, tibbastronomiya və astrologiyariyaziyyat və məntiq elmlərini mükəmməl öyrənmiş böyük mütəfəkkir, alim və şair İmadəddin Nəsimidir (tam adı: Seyid Əli ibn Seyid Məhəmməd).

İmadəddin Nəsimi bir çox dilləri dərindən öyrənmiş, Azərbaycanfars və ərəb dillərində dünya ədəbiyyatının inciləri sırasına daxil olan ölməz poeyiziya nümunələri yaratmışdır.  Onun azərbaycanca yazdığı şeirlər həm məna baxımından, bədii təsvir vasitələrinə, dilin zənginliyinə görə seçilməklə yanaşı, həm də xalq nitqinə yaxınlığı, atalar sözləri, zərb-məsəllər, hikmətli sözlərin çoxluq təşkil etməsi ilə Azərbaycan poeziyasında yeni inkişaf istiqamətləri müəyyənləşdirmişdir.

Nəsimin dünyagörüşünün təmərgüzləşməsində ustadı hesab etdiyi, dövrünün mütəfəkkir alimlərindən olan hürufi Fəzlullah Nəiminin, eləcə də İbn Sina, Xaqani, Nizami, Fələki, Mənsur Həllac,  Şeyx Mahmud Şəbüstərinin əsərlərinin böyük rolu olmuşdur.

Nəsimi mövcudluğa, təbiətdə və cəmiyyətdə gedən proseslərin mahiyyətinə, ALLAHIN dərk edilməsinə dövrünün məşhur Sufi, Hurufi fəlsəfi baxışları, Panteist ideyaları vasitəsilə baxmaqla yanaşı, əldə etdikləri biliklər əsasında özünəməxsus mütərəqqi fikirlər irəli sürmüşdür ki, bunların da əsasında elmi yükün çoxluq təşkil etməsi, yenilkçilik onu sələfləridən fərqləndirmişdir. Beləliklə, özünəməxsus ideyaların, yeni düşüncə sisteminin əsrarəngiz poetik mümunələrdə verilməsi, həmçinin öz əqidəsi uğrunda qeyri-adi sədaqət və cəsurluq göstərməsi onu tezliklə Şərqdə, sonralar isə dünyada məşhur etmişdir. Nəsimi yaradıcılığı istər poeziya gözəlliyi, isərsə də misralardakı həqiqət yüklü çox qatlı məna baxımından Dünya ədəbiyyatı və fikir tarixində təkrarolunmaz, unikal və əbədi yer qazanmışdır.

Nəsimi Azərbaycan xalqının qürur duyacaq, bədii və fikir səviyyəsini, milli-mənəvi zənginliyini  dünyada nümayiş etdirəcək böyük mütəffəkir şairlərimizdəndir. Bütün bunları nəzərə alan Azərbaycan Respublikasının Prezidenti İlaham Əliyev 15 noyabr 2018-ci ildə növbəti ildə Böyük Azərbaycan şairi İmadəddin Nəsiminin (1369 – 1417) 650 illik yubileyinin qeyd edilməsi haqqında müvafiq sərəncam imzalamışdır. Bu sərancam Azəbaycanın dahi şəxsiyyətlərinə, milli-mənəvi dəyərlərinə, ədəbiyyatına, fəlsəfə və fikir tarixinə böyük diqqətin və dövlət qayğısının bariz nümunəsidir.

Prezident İlaham Əliyev cənabları tərəfindən imzalanmış  sərancamdan sonra, AMEA-nın müvafiq qurumları, Mədəniyyət Nazirliyi, Yazıçılar Birliyi, bir sıra qeyri hökümət təşkilatları Nəsmi irsinin daha dərindən araşdırılması, yeniyetmə və gənclər arasında, eləcə də dünyada təbliğ olunması istqamətində müxtəlif yönlü işlər görmüşdür. Məsələn, Azərbaycan Respublikası Nazirlər Kabinetinin 7 may 2019-cu il tarixli, 211 nömrəli Qərarı ilə Azərbaycan Respublikasında Nəsimin əsərləri dövlət varidatı elan edilən müəlliflərin siyahısına daxil edilmişdir. 3 iyun 2019-cu ildə İmadəddin Nəsiminin 650 illiyi ilə əlaqədar Beynəlxalq Astronomiya İttifaqı Mars və Yupiter planetlərinin arasında yerləşən 1995 UN2 asteroidinə Nəsiminin adını vermişdir.

Nəsminin 650 illik yubleyinin qeyd edilməsi Heydər Əliyev Fondunun 2019-cu ildə həyata keçirdiyi fəaliyyət proqramları içərsində prioritet istiqamətlərdən olmuşdur. Fondun Prezidenti, Azərbaycan Respublikasının Birinci vitse-prezidenti Mehriban Xanım Əliyeva dahi şair İmadəddin Nəsiminin 650 illik yubileyi münasibətilə  bir gündə 650 min ağac əkilməsi təşəbbüsü irəli sürmşdür. Bu təşəbbüs biz biloqlar tərəfindən çox yüksək qiymətləndirlmişdir. Həm də bizi sevindirmişdir.

Dünya praktikasında yubleylər qeyd edilərkən müxtəlif metodlardan, aksiyalrdan istifadə edilir. Məslən yubliyarın şərəfinə poçt marakaları, pul əskinazları, sikkələri, müxtəlif qiymətli əşyalar və s. buraxılır, abidləri qoyulur və s. Ağac əkmək isə çox nadir hallarda rast gəlinir. Bir gündə yüz minlərlə ağacın əkilməsi təşəbbüsü isə bəlkə də ilk ideyadır. Və fikirimizcə nəticəsi ən faydalı olandır.  Məsələ burasındadır ki, hər hansı cansız xatirə atributu insanlara ağaclar qədər real və uzun müddətli fayda gətirə bilməz. Hörmətli Mehriban xanımın məlum təşəbbüsünün fəlsəfi mahiyyətində dünya mədəni irsinin zənginləşməsində rol oynamış   dahi bir İnsanın xatirəsinin bəşəriyyətin sağalam gələcəyi üçün zəruri olan yaşıl abidələrlə əbədiləşdirilməsidir. Qısa desək, bu ideyanının gerçəkləşməsi  “mədəniyyətin xatirəsinə qoyulmuş yaşıl abidələr” olacaqdır. Elə buradaca qeyd etmək istərdim ki, bu cür təşəbbüslərin bir ənənə halını almasını, gələckdə də davam etməsini arzu edərdik.

Indi isə bir gündə 650 min ağac əkilməsinin elmi baxımdan faydalı tərəfləri haqqında fikirimizi bildirmək istəyirəm. İnanıram ki, bu izahlar Hörmətli Mehriban Xanımın təşəbbüsünün biz bioloqlar tərəfindən niyə sevinclə qarşılandığını və   yüksək qiymətləndirildiyini aydınlaşdırcaq.

Müasir dövrümüzdə dünyada sürətli demoqrafik, sosial-iqdisadi inkişafın və elmi-texniki tərəqqinin insan fəaliyyətinin müxtəlif sahələrinə tətbiqinin nəticəsində antropogen amillərin təbiətə mənfi təsirləri daha da artmışdır.  Nəticədə təbiət çirklənmiş, eroziya və səhralaşma prosesləri sürətlənmiş, ekosistemlərin bioloji qida zəncirlərində pozulmalar, biosenozlarda xaotiklik  və deqradasiyaya meyillər yaranmışdır. Periodik olaraq baş verən təbii iqlim dəyişmələri  antropogen amillərlin yaratdığı mənfi təsirlərlə  üst-üstə düşərək münbit əkin sahələrinin azalmasına səbəb olmuş, ekosferdə  tarazılığın pozulmasıprosesini sürətləndirmiş,   biolji müxtəlifliyin təhlükə altına düşməsi vəayrı-ayrı növlərin sıradan çıxması ehtimalının çoxalması ilə nəticələnən qlobal ekoloji problemləri gücləndirmişdir. Məsələn, YUNESKO-nun qiymətləndirməsinə görə son dövrlər yararlı əkin sahələrinin hər il 6 mln. Hektarı səhralaşma nəticəsində yararsız hala düşür. Respublikamızda ekoloji gərgin  rayonlardan hesab edilən Böyük Qafqazın Cənub yamaclarında meşələrin yuxarı sərhəddi 200-500 m aşağı enmiş, antropogen amillərin təsirindən torpaq erroziyası sürətlənmişdir. Ekoloji vəziyyətin gərginləşməsinin qarşısını almaq, tarazlığı qoruyub saxlamaq və təbii bioresuslardan səmərəli  istifadə etməyin optimal yollarını tapmaq bu gün və gələcək üçün bəşəriyyətin ən aktual problemlərindən birinə çevrilmişdir.    

Ekosferdə yaranan qlobal ekoloji problemlərin qarşısını almaq, daha da dərinləşməsinə imkan yaratmamaq üçün görüləcək mühüm tədbirlərdən biri də  təbiətdə biomüxtəlifliyin qorunması, mövcud mədəni yaşıllıqların  saxlanılması, artırılması və növ tərkibinin zənginləşdirilməsidir.

Təbii flora ilə yanaşı, mədəni yaşıllıqların da bioekolj problemlərin qarşısının alınmasında, ekolji tarazlığın qorunub saxlanılmasında böyük rolu vardır. Yaşıllıqlar ətarfı gözələşdirməklə yanaşı, çox insan yaşayan və nəqliyyatın intensiv hərəkət edtiyi iri şəhərlərdə səs-küyün azalmasına müsbət təsir edir. Yaşıllıqlar havanı zəhərli qazlardan, toz, his kimi mexaniki qarışıqlardan təmizləyir. Toz və his bitkilərin yarpaqları üzərinə çökür, yağmurlar zamanı yuyulub torpağa tökülürlər. Ağac və kollardan ibarət olan yolkənarı yaşıllıqalr yolun torpaqla örtülməsinin qarşısını alır, küləklərin hərəkət sürətini azaldır və sıx yerləşdikdə sakitlik yaradırlar.

Müasirləşən və sürətlə hərtərəfli inkşaf edən Respublikamızda ekoloji problemlərin qarşısını alınması, sənayenin müxtəlif sahələrinin bioresuslara olan təlabatınıın ödənilməsi, təbii sərvətlərin gələcək nəsillərə qorunub saxlanılması  bitki ehtiyatlarının öyrənilməsini,  biomüxtəlifliyinin qorunmasını,  yaşıllıqların artırılması və yeni növlərlə zənginləşdirilməsini zəruri edir.

Azərbaycan Respublikası 2000-ci ildə “Bioloji Müxtəliflik haqqında Beynəlxalq Konvensiya”ya qoşulmuşdur. Bioloji müxtəlifliyin qorunmasını, nadir və nəsli kəsilməkdə olan növlərin bərpası və mühaifizəsini öhdəliyinə götürmüşdür. Ümummili lider Heydər Əliyev 2001-ci il 21 dekabr tarixində 848 №-li Sərancamla Flora və faunanın genetik ehtiyatlarının qorunması, yox olmaq təhlükəsinin aradan qaldırılması məqsədilə Genetik Ehtiyatlar üzrə Dövlət Komissiyası. 24 mart 2006-cı ildə Azərbaycan Respublikasının Prezidenti İham Əliyev “Azərbaycan Respublikasında bioloji müxtəlifliyin qorunması və davamlı istifadəsinə dair Milli Strategiya və Fəaliyyət Planı” haqqında 1368 №-li sərancam vermişdir.

Bütün bunları nəzərə aldıqda, Azərbaycan Respublikasının Birinci vitse-prezidenti Mehriban xanım Əliyevanın dahi şair İmadəddin Nəsiminin 650 illik yubileyi münasibətilə  bir gündə 650 min ağac əkililməsi təşəbbüsünun əsasə Ümummilli lider Heydər Əliyev tərəfindən qoyulmuş Prezident İlham Əliyev tərəfindən uğurla həyata keçirilən siyasətin tərkib elmentlərindən olan biomüxtəliflyin qorunması, yaşıllıqların artırılması istiqamətində atılmış ciddi adım hesab etmək olar. eyni zamanda, Azərbycanın qoşulduğu beynəlxalq konvensiyalara sadiqliyini nümunəsi demək olar. Çünki, əkiləcək 650 min ağac ümumilikdə regionun ekolji mühitinə müsbət təsir edəcək. Yəni, coğrafi ərazilər insanlar tərəfindən müxtəlif adlarla adlandırılıb, bitkilər üçün ölkələrin fərqi yoxdur. Ona görə də dünyanın hər hansı yerinə baş vermiş ekolji fəlakət və ya bu istiqamətdə müsbət işlər qlobal mahiyyət daşıyır.

Azərbaycan Respublikası ərazisində meşələr sahəcə az olsa da (10%) növ tərkibinə görə zəngindir. Respublika ərazisində yabanı halda 435 növ ağac və kol bitir. Bunların da 328 növü kol (75 %), 107 növü (25%) ağacdır. Bu da Azərbaycan respublikası florasının 11 %-ni təşkil edir. Ağac və kollar 48 fəsilədə və 135 cinsdə birləşir .  Ağac və kol növlərini qorumaq, artırmaq təkcə dövlətin deyil, hər bir vətəndaşın borcudur.

Sonda koolektivimiz adından dahi şair Nəsminin 650 illik yubleyi şərəfinə 650 min ağac əkilməsi təşəbbüsü ilə mədəniyyətimizi yaşıl abidələrlə əbədiləşdirmək kimi xeyirxah, real faydaları olacaq, ekolji tarazlığın qorunmasında rol oynaycaq ideya ilə çıxış etdiyinə görə Mehriban xanıma təşəkkür edirik. Və aksiyda uzun ömürlü, relikt, endem, nadir və nəsli kəsilməkdə olan ağac və kol növlərindən istifadə olunmağının daha məqsədəuyğun olduğunu, bu bitkilərin seçilməsində, əkilməsində hər cür dəstək göstərməyə hazır olduğumuz bildiririk.

Qarayev Sadıq  Qurban oğlu                                                                                                            

AMEA  Mərkəzi  Nəbatat  Bağının aparıcı      elmi işçisi, b.ü.f.d, dosent.,   AYB, Rusiya Yazıçılar İttifaqı və Türkiyə İLESAM-ın üzvü, Prezidet təqaüdçüsü, Qızıl Kəlmə mükaftaçısı.

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Moskvada Nəsimi ilinə töhfə

Moskvada dahi Azərbaycan şairi və mütəfəkkiri İmadəddin Nəsiminin heykəlinin açılışı olub.

В Москве состоялось открытие памятника великому азербайджанскому поэту Имадеддину Насими.

Mənbə: Leyla Aliyeva

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Gülşən Mustafa

AD GÜNÜNÜZ MÜBARƏK !!!

Bu gün ( 31 Oktyabr 1972 ) gözəl insan, peşəkar müəllim, sevimli şair Gülşən Mustafanın doğum günüdür. Ad gününüz mübarək, Gülşən xanım!!! Sizə uzun ömür, can sağlığı və bütün işlərinizdə uğurlar arzu edirik!!! Uğurlarınız bololsun!!!

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Adilə Nəzərdən yeni layihə

“İmadəddin Nəsimi – 40 qəzəl”

Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyəsilə “Kitab Evi” İctimai Birliyinin “İmadəddin Nəsiminin farsca şeirlərinin Azərbaycan dilinə tərcüməsi və nəşri” adlı layihəsi əsasında “İmadəddin Nəsimi – 40 qəzəl” adlı kitab nəşr olundu.
Layihə rəhbəri və eyni zamanda kitabın tərtibçisi, filologiya üzrə fəlsəfə doktoru Adilə Nəzərova, bədii redaktor və ön sözün müəllifi tarix elmləri doktoru, professor Şahin Fazil (Fərzəliyev), qəzəlləri toplayan BAU-nin filologiya fakültəsinin tələbəsi, şair Ümid Nəccari, fars dilindən bədii və sətri tərcümə edən ədəbi tənqidçi, şair, tərcüməçi Dalğa Xatınoğlu, üz qapağındakı şəklin müəllifi şair, rəssam Sehran Allahverdidir.
Kitab “Qanun Nəşriyyatı”nda 250 tirajla nəşr olunub.
Kitab “Nəsimi ili”nə böyük töhfə, Dövlət tədbirlərinin həyata keçirilməsi istiqamətində fəaliyyət sayılmaqla, eyni zamanda ictimai əhəmiyyət daşıyır. Belə ki, son dovrlərdə ölkəmizdə tolerantlıq və multikulturalizm şəraitində bütün dinlərə münasibət eynidir və bu dövlət tərəfindən tənzimlənir. Bu baxımdan, müasir dövrün ictimai proseslərinin fonunda Nəsiminin dini-fəlsəfi baxışlarının, ideyalarının (inamı, dini qanunları fərqli olan xalqların, millətlərin eyni fikir və əqidə altında birləşməsi ideyası) dərindən öyrənilməsi, cəmiyyətə düzgün və daha çox təbliğ edilməsi dövlətçiliyimizin ideoloji ənənələrin qorunmasının göstəricisidir.
İ.Nəsimi yaradıcılığının əsas mövzuları insanın, kainatın və Allahın dərkidir.
O, sufizm fəlsəfi cərəyanının hürufi qolunu inkişaf etdirməklə insanın dünya və kainatla vəhdətini göstərir, insan ruhunun kamilləşməsinə aparan yolu izah edir. Nəsimi yaradıcılığının ana xətti insanın Allahla eyniləşdirilməsi və ilahiliyi ideyasından keçir. Şairin fars dilindən tərcümə edilmiş bu şeirləri Azərbaycan oxucusu üçün yenidir.

Mənbə: Adilə Nəzər

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru