Qardaş şeiri – Firuzə Bisavad

QARDAŞ.

Yazın xoş ayında, gözəl çağında
Açmamış soldurdun gülümü qardaş.
Məni məhkum etdin qəm otağında,
Qoydun yas içində telimi qardaş!

Bəd xəbərin parçaladı ürəyim,
Sökdü imarətim, yıxdı dirəyim,
Od qaladı, atəşləndi kürəyim,
Bircə görə idin halımı qardaş!

Ələsgər nəvəsi qardaş Ələsgər,
Ələsgər vurğunu, sirdaş Ələsgər,
Getdin qayıtmadın birbaş, Ələsgər!
Boynuna götürdün ölümü qardaş!

Ruhun yetişdimi Göyçə elinə?
Həsrət idin cığırına, yoluna…
Əlin çatdırdımı “Dədə əlinə”?
Ziyarət etdinmi “ulumu” qardaş?!

Sevincimi, şadlığımı apardın,
Çəngəl salıb ciyərimi qopardın,
Oda saldın, kösöv etdin çıxardın,
Qırdın qanadımı, qolumu qardaş!

Könlümün açılan baharı idin,
Qələm dostu idin, həmkarı idin,
Hamıdan qiymətli-bahalı idin,
İtirdim zərimi, ləlimi qardaş!

Dinclik tapmayıram, ollam divana,
Həm qardaşdın, həm ataydın, həm ana…
Sanıram ki, bəd gəlibdi zamana,
Kəsdirdin hər yandan yolumu qardaş!

Oğul-qız ah çəkir, salır fəryadı,
Gedişin yandırdı qohumu, yadı,
Qaçırdın qalmadı ağzımın dadı,
Zəhərə döndərdin balımı qardaş!

Qəlbim qan ağlayır, gülə bilmirəm,
Dəryaya baş vurum, gölə, bilmirəm?
Bu nə sirillahdı, bilə bilmirəm,
Atəşim qovurur külümü qardaş!

Bacıların böyük qardaş payıydın,
Pakizər bacımın əkiz tayıydın, 
Ata-baba, əmi, həm də dayıydın,
Üzdürdün hər yerdən əlimi qardaş!

Yenilməz pəhləvan, ər oğlu ərdin,
“Pudluq”lar oynadar, maşın çəkərdin,
Kəli boyunlayar, yıxıb kəsərdin,
Heyrətdə qoyardın elimi qardaş!

Mahalın bəllidi, Göyçə ellisən,
Külüng barmaqlısan, Fərhad əllisən,
Ələsgər nəvəsi Ələsgərlisən,
Zülmətin sındırdı belimi qardaş!

Yerdə qalan qardaş-bacın sağ olsun,
Cəmi balaları min budaq olsun!
Nə ağır mərəkə, nə yığnaq olsun,
Nə də dara çəksin dilimi qardaş!

Sənin xiffətinə dağlar ağlayar,
Quşlar göydə qanad saxlar, ağlayar,
Coşar “Qumlubulaq”, çağlar, ağlayar,
Dərd dilə gətirər selimi qardaş!

Hər kəsi ağlatdın, elim ağlayır,
Ulusum ağlayır, ulum ağlayır,
Tapdaq qalan Göyçə gölüm ağlayır,
Qəm nəhri elədin gölümü qardaş!

Oba, yurd ağlayır, Ələsgər deyir,
Sinəsi doluydu bir dəftər deyir,
Hər kəsə həyandı, xilaskar deyir,
Dilə gətiribsən lalımı qardaş!

“Hayıf-hayıf” deyir, ellər ağlayır,
Müəllim çağıran dillər ağlayır,
Yaylaqlar yas tutub, yollar ağlayır,
Xəzana döndərdin çölümü qardaş!

Nə yaxşı ki, atam-anam görmədi,
“Dərd tüğyan elədi”, üzün gülmədi,
Nəzirim-niyazım qəbul olmadı,
Ha qurban dedimsə malımı qardaş!

Vədən tamam olur, hardan bilərdim,
Yalvarıb Allahdan nicat dilərdim,
Ömrümdən-günümdən kəsib verərdim,
Qibləyə çevirib yönümü qardaş!

Qənimi olaydın dərman-davanın,
Ahılı olaydın elin, obanın.
Yaşına çataydın ulu babanın,
Onda çıxarmazdım ünümü, qardaş!

Firuzəyəm, bitirirəm sözlərim,
Qapına gəlməyə tutmur dizlərim.
Kor olaydı, görməyəydi gözlərim,
Çəkdiyin zilləti, zülümü, qardaş!

Gəncə şəhəri.
21.05.2019

Qeyd:

Bu gün Göyçə Aşıq məktəbinin parlaq Günəşi-Haqq Aşığı Dədə Ələsgərin ürəyi Göyçə nisgilli, Vətən həsrətli şair nəticəsi, qələm dostum, söz sirdaşım, canımdan artıq istədiyim kövrək qəlbli, polad biləkli pəhləvan qardaşım ƏLƏSGƏR ƏLƏSGƏRLİnin HAQQın rəhmətinə qovuşmasının 40 günü tamam olur. Allah rəhmət eləsin.
Əbədi məkanın Cənnət, məzarın nurlu olsun, əziz qardaşım. Amin.

Müəllif: Firuze Elesgerova

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

AD GÜNÜNÜZ MÜBARƏK!!!

Bu gün Kəmaləddin Qədimin doğum günüdür. Ad gününüz mübarək, Kəmaləddin müəllim. Sizə Uca Yaradandan can sağlığı, işlərinzdə yeni-yeni uğurlar arzu edirik. Uğurlarınız bol olsun…

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Elnur Qərari Nardaranda oxucularla görüşdü.

Bu gün – 23.05.2019-cu il tarixdə Bakı Şəhər Baş Mədəniyyət İdarəsinin təşkilatçılığı ilə Nardaran Mədəniyyət Mərkəzində tanınmış gənc şair ELNUR QƏRARİ-nin oxucularla görüşü baş tutub.

Olduqca maraqlı keçən tədbir barədə şair qısa olaraq belə bir açıqlama verib: – “Başda əziz dostum Nardaran mədəniyyət mərkəzinin rəhbəri Asif Qurbanov olmaqla tədbirin təşkilatçılarına və mənə dəstək olan dəyərli dostlarıma dərin təşəkkürlərimi bildirirəm!”

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

“Sözün Sehri” bədii-qiraət müsabiqəsi – Nəsimi 650

Bu gün Bakı şəhəri daha bir əlamətdar hadisəyə şahidlik etdi. Beləki, Beynəlxalq Muğam Mərkəzində Az TV və Mədəniyyət kanalının təşkilati dəstəyi ilə İmadəddin Nəsiminin 650 illiyi ilə əlaqədar yubiley tədbirləri çərçivəsində əvvəlcədən seçilmiş 14 (7 qız-7 oğlan) finalçının iştirakı ilə “SÖZÜN SEHRİ” bədii-qiraət birinci televiziya müsabiqəsinin final mərhələsinin ilk yarışma günü (I TUR) baş tutdu. Münsiflər heyyətində hamımızın tanıdığı, sevimli sənətkarlarımız; İlham Rəhimli, Əminə Yusifqızı, Laləzar Mustafayeva əyləşmişdilər. Digər müsabiqələrdən fərqli olaraq daha bir tamaşaçılar arasında əyləşmiş gizli-münsif də var idi. Bir-birindən maraqlı ifalara şahidlik etdik. Bizim pərəstişkarlığını etdiyimiz iştirakçı Sabirə Abdullayeva elə ilk gündə 27 bal toplayaraq etimadımızı doğrultdu. Müsabiqənin şərtlərinə görə seşilmiş bütün finalçılar sona qədər iştirak edib topladıqları bala görə yer tutacaqlar. Bütün iştirakçılara uğur diləyir, dəstəklədiyimiz Sabirə Abdullayevanın qalib olmasını arzu edirik. Müsabiqənin gedişatında böyük əmək sərf edən şəxslərdən biri olan Sayman Aruz bəyə xüsusi təşəkkürlər. Olduqca maraqlı müsabiqədir. İzləməyə dəyər. Biz izləyirik. Siz də izləyin…

Qeyd:

AzTv (Mədəniyyət kanalı) efirində “Səsin sehri” bədii qiraət müsabiqəsini hər həftə 1-ci və 3-cü günlər 21:00-da izləyə bilərsiniz.

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

AD GÜNÜNÜZ MÜBARƏK!!!

Bu gün AVRASYA SANAT KÜLTÜR EDEBİYAT VE BİLİM FEDERASYONU (ASKEF) Genel Bşkanı Savaş ÜNAL bəyin doğum günüdür. Ad gününüz mübarək, Savaş bəy. Uca Yaradandan can sağlığı, işlərinizdə yeni-yeni uğurlar arzu edirik… Bir qrup köhnə dostun adından. Var olasız…

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

RAMAZAN KAMPANİYASI

Qədim Qalanın XEYRİYYƏ AKSİYASI davam edir:

Ramazan ayı – paylaşmaq, bölüşmək, yardımlaşmaq ayıdır. 

Biz də ən gözəl hədiyyənin kitab olduğunu bilən dostlar üçün özəl RAMAZAN KAMPANİYASI keçirtməyə qərar verdik.

RÖVŞƏN ABDULLAOĞLUNUN KİTABLARINA ENDİRİM:

Bildiyiniz kimi, son illərin ən çox oxunan “Relslər üzərinə uzanmış adam” romanının budəfəki nəşrinin satışından əldə olunan gəlir “Şəhid ailələri və kimsəsiz uşaqlara yardım” ictimai birliyinə ianə olunacaq. 

May ayının 28 – ə kimi romanı alaraq bu xeyir işdə iştirak etmək istəyən oxucumuz böyük əks-səda doğurmuş son romanımızı – “Abaddon” psixoloji detektivini tam 40% güzəştlə – cəmi 6 manata əldə edə biləcək. 

Sən də bu kampaniyadan yararlan, təkcə hədiyyə edəcəyin dostunun deyil, eyni zamanda bir şəhid övladının, bir kimsəsiz ailənin də sevincinə səbəb ol.

Əziz oxucular, dəstək olmaq üçün paylaşmağı unutmayın. BU BİR XEYRİYYƏ TƏDBİRİDİR. Ramazan ayınız mübarək olsun!!!

İLKİN MƏNBƏ: Seymur Musayev

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru


Sona Abbasəliqızı – Dağlar


DAGLAR
Doğma elim ücün çox darıxmışam,
Sevincin üzünə enibdi axşam. 
Nə vaxtdı qoynuna həsrət qalmışam,
Qoyubdu yollarda gözümü dağlar.

Ələnib saçıma dərdin qırovu,
Dayanmır ömrümün bəxt qovhaqovu.
Çoxdan səngisə də vüsal alovu,
Qoymayır sönməyə közümü dağlar.

Kövrək arzularım dəyibdi daşa,
Duyğular dönübdü gözümdə yaşa.
Həsrətlə sinəmdə verib baş-başa,
İmtahan eyləyir dözümü dağlar.

Göyçənin bir qərib lalasıyam mən.
Qəmli könüllərin laylasıyam mən.
Ələsgər yurdunun balasıyam mən,
Hələ unutmayıb izimi dağlar.

Boylanıb baxıram Göyçəyə sarı,
Üşüdür gözümü həsrət hasarı
Sona,ümidlərlə qəlbini sarı,
Bir gün güldürəcık üzümü dağlar.
21.05.2019

Müəllif: SONA İSMAYILOVA

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

DAMƏT SALMANOĞLU

RUHUNU SIXMASIN EŞQİN KÖYNƏYİ

Əllərini əlimə əmanət eylə,
Gəl ömür yolunu birlikdə gedək.
Gedək bu ömrün sonuna kimi,
Hicrana, həsrətə əlvida deyək.

Paxılın ,nakəsin çatlasın bağrı,
Adımın yanında adın gedəndə.
Bozarmış çöhrəsi allansın, gülüm,
Baxıb arxamızdan qeybət edən də .

Zövq alaq sevginin şirin dadından, 
Könlüm bu ləzzətə min alqış desin.
Gülüşün süsləsin hər saatımı,
Xainin qəlbini qəm-kədər yesin.

Çoxalsın ayımız ilə çevrilsin,
Bax belə yaşlanaq ,yaşayaq gülüm.
Saflıqdan mayası tutulan eşqin,
Olmasın talehi baş-ayaq, gülüm.

Yapışaq vüsalın ətəklərindən,
Bu gözəl çağları verməyək boşa.
Ruhunu sıxmasın eşqin köynəyi,
Adımız çəkilsin hər yerdə qoşa.

Müəllif: Damət Salmanoğlu

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

ETİBAR VƏLİYEV MÜKAFATLANDIRILDI


20.05.2019 -ci il tarixində Yazıçılar Birliyinin “Natəvan” klubunda dəyərli Qələm sahiblərinə növbəti Beynəlxalq “RƏSUL RZA” Mükafatının təqdim edilməsi mərasimi baş tutub. Tanınmış şair, hamımızın sevimlisi Etibar Vəliyev də mükafat alanlar sırasında olub.

Etibar Vəliyevi və digər bütün Laureatları ürəkdən təbrik edirik!!!

Fotoqraf: – Fərrux Səfəroğlu – FS Press

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

“CAHANA SIĞMAZAM”

Bu gün – 20 may 2019 – cu il tarixində Azərbaycan Yazıçılar Birliyinin “Natəvan” klubunda ədəbi ictimaiyyət və poeziyasevərlərin iştirakı ilə “Nəsimi ili” çərçivəsində böyük Azərbaycan şairi, filosof-alim, mütəfəkkir İmadəddin Nəsiminin anadan olmasının 650 illiyi münasibətilə çap olunmuş “Cahana sığmazam” adlı ədəbi almanaxın təqdimat mərasimi keçirilib. “Elm və təhsil” nəşriyyatında Azərbaycan Yazıçılar Birliyinin birinci katibi, Xalq şairi Fikrət Qocanın məsləhətçiliyi və AYB-nin üzvü, Beynəlxalq Rəsul Rza ədəbi mükafatı laureatı, Prezident mükafatçısı, şair Balayar Sadiqın redaktəsi, eyni zamanda AYB-nin üzvü, Beynəlxalq Rəsul Rza ədəbi mükafatı laureatı, şair Tahirə Məğrurla birlikdə tərtibatçılığında ərsəyə gəlmiş kitab böyük maraqla qarşılanmışdır. Bu poeziya almanaxında klassiklərdən Nəsimi, Rəsul Rza, Əli Kərimlə yanaşı, müasirlərimiz olan tanınmış söz adamları Fikrət Qoca, Firuzə Məmmədli, Oqtay Rza, Əbülfəz Ülvi, Damət Salmanoğlu, Sabir Zamanlı, Zaur Ustac, Etibar Vəliyev və başqa olduqca müxtəlif kateqoriyalardan olan ədəbi nəsillərin, eyni zamanda çoxçeşidli ədəbi-bədii düşüncəyə malik qələm sahiblərinin şeirləri toplanıb. Bu gözəl mədəniyyət hadisəsi münasibəti ilə bütün ədəbiyyatsevərləri təbrik edir və qələm sahiblərinə yeni-yeni yaradıcılıq uğurları arzu edirik.

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru