Rafiq Göyçəli – Söz

Rafiq GÖYÇƏLİNİN SÖZ DÜNYASI

Bilmirəm

Qanadı qırılmış bir qartalam mən,
Uçub zirvələrə qalxa bilmirəm.
Qəfəsdə inləyən (xarı) sarı büldülün,
Çəkdiyi həsrətə baxa bilmirəm.

Qartal, zirvələri düşünmə daha,
Sınıq qanad ilə güman Allaha,
Bəlkə çıxmayacam nurlu sabaha,
Könlümü yandırıb, yaxa bilmirəm.

Uçdu şahlıq quşu çiynimdən niyə,
Bir vaxtlar dönmüşdüm topa, süngüyə,
Həvəs də qalmayıb daha heç nəyə,
Şimşək tək parlayıb, çaxa bilmirəm.

Yerin dərdin çəkim, yoxsaki göyün,
Rafiqi danlayın, lap elə döyün, 
Gələn nəsillərə söyləyin , deyin,
Bayrağım Şuşaya taxa bilmirəm.

RAFİQ GÖYÇƏLİNİN SÖZ DÜNYASI

Tərk edir

Allahım hərəyə bir ömür verib,
Yaxşını yamandan ələyib, seçib,
Deyəsən qəlbinə əzrail girib,
Bəs onda yaxşılar niyə düz gedir,
Niyə bu dünyanı tezcə tərk edir.

Yazını yazanda düzmü yazıbdı,
Kimə əlli, altmış, yüzmü yazıbdı,
Fəqir, füqarəyə dözmü yazıbdı,
Yetimin zəhməti puçamı gedir,
Niyə bu dünyanı tezcə tərk edir.

Toxdu gözü, könlü, qarnı da acdır,
Körpə balaları ac, yalavacdır,
Dünyanın var, pulu ona rəvacdır,
Xoşbəxtlik elə bil ondan yan gedir,
Niyə bu dünyanı tezcə tərk edir.

Rafiq, bu dünyanın gərdişi belə,
Həsrət qoyub bizi vətənə , elə,
Çirkki pullar uçur küləyə, yelə,
Baxıb yazıq-yazıq naümid gedir,
Niyə bu dünyanı tezcə tərk edir.

RAFİQ GÖYÇƏLİNİN SÖZ DÜNYASI

Dünyanın kədəri

Bu dünyanın kədəri sevıncindən böyükdü.
İnsanlar çiynindəki daşıdığı bir yükdü.
Sən demə dünyanın bir tərəfi sökükdü.
Söküb dağıdanlar qurub.tikəndən çoxdu.

Ona görə tarazlıq yavaş.yavaş pozulub.
Dəyərli məsləhətlər əyri.düzə yozulub.
Yazılan tarixlər də sətir.sətir çözülüb.
Əyrilər haqq qazanıb düzə qalib gəlibdi.

Savadsızlar sığınıb dahilər kölgəsinə.
Ağır zərbələr vurur dünyanın ölkəsinə.
Axı tamah güc gəlib iştahına.nəfsinə.
Acgöz.xəbis insanlar toxu üstələyibdi

Dünyanın taleyilə oynayanlsr qoy bilsin.
Dünya qoca dünyadır.ona səcdə edilsin.
Dünyanı kəşf edənlər əzizlənsin.sevilsin.
Dünya bizə taledən pay tək göndərilibdi.

Ey qardaşlar dinıəyin muncuq.muncuq sözümü.
Bağlayıb oxlasanız Rafiqin kor gözünü.
Yəqin yenə olacaq dünya qədər dözümü.
Elə sanıramki mən dünya döndərilibdi.

RAFİQ GÖYÇƏLİNİN SÖZ DÜNYASI

Ağrın alım.

Bu həsrətdə, bu möhlətdə,
Necə qalım ağrın alım.
Qapanmayan söz, söhbətdə ,
Necə qalım ağrın alım.

Gözümdə nohur bulağı,
İsladır üzü, yanağı,
Sevirəm Məcnun sayağı,
Necə dözüm ağrın alım.

Gəlibdi səsi, sorağı,
Ey gözümün nur çırağı,
Eşqimizin al bayrağı,
Necə çözüm ağrın alım.

Gördüm sənin gül camalın,
Ağ buxağın, al yanağın,
Ballanıbdı bal dodağın,
Necə sezim ağrın alım,

Məni məndən qoparmadın, 
Ürəyinə aparmadın,
Niyə köksümdə qalmadın,
Necə bezim ağrın alım.

Ey gözəlim yaxşı dinlə,
Baxma mənə belə kinlə,
Rafiq dəlidi eşqinlə,
Necə dözüm ağrın alım.

Müəllif: ( Rafiq Göyçə Cil ) RAFİQ GÖYÇƏLİ

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Təvəkkül Goruslu

Təvəkkül Gorusludan bir şeir

XALQIM

Öz gücün, qüdrətin sözlə göstərib, 
Tanrıdan yurd yeri dilənən xalqım. 
Kinini, nifrətin gözlə göstərib, 
Əlləri, ayağı bələnən xalqım.

Dost deyil, düşməndi hər hankı yanı, 
Heç yerə çatmayır ahı, amanı, 
Gülləylə, qəlpəylə qırmızı qanı, 
Daşlara, torpağa çilənən xalqım.

Torpağı nacinsə, yada verilən, 
Taleyi səbrlə bada verilən, 
Adı da bir ayrı ada verilən, 
Məkrlə, hiyləylə bölünən xalqım.

Torpağı işğalda, özü yuxuda, 
Yellənir, şellənir ayrı qoxuda, 
Humanist eyləyib bir az da Xuda, 
Dünyada tolerant bilinən xalqım.

Bəhs edib dözümdən, tutub dözümdən, 
Dönüb millilikdən, dönüb özündən, 
Sərvəti borunun neft gözündən, 
“Demokrat” ciblərə ələnən xalqım!

Calanıb ocağı, sönüb odları, 
Susur igidləri, çapmır atları, 
Tədricən kənd adı, şəhər adları, 
Hər yerdən, hər daşdan silinən xalqım!

23. 08. 2019.

Müəllif: TƏVƏKKÜL GORUSLU MƏMMƏDOV

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

RAFİQ GÖYÇƏLİ

Rafiq Göyçəlidən bir şeir

ÖZ VƏDƏSİ VAR…

Allahın hökmüdü hamıya yazıb,
Hərənin öz vaxtı, öz vədəsi var.
Kimi zamanında büdrəyib, azıb,
Hərənin öz vaxtı, öz vədəsi var.

Yaxşını yaxşılar tərifləyirlər,
Pisləri pislər də lənətləyirlər,
Yıxıb , sürütləyir, döyəcləyirlər,
Hərənin öz vaxtı, öz vədəsi var.

Haqqın yolundayıq gedirik hamı,
Talem özü görür azan adamı,
Niyə açmalıyam pisə yaxamı,
Hərənin öz vaxtı, öz vədəsi var.

Şöhrətə uyanlar qoy yaxşı bilsin,
Mənşər ayağında danışsın, dinsin,
Hinkir, minkirlərə cavabın versin,
Hərənin öz vaxtı, öz vədəsi var.

Allah da sevməyir bəd əməlləri,
Tezcə lal eyləyir uzun dilləri,
Radiq, gəl sevindir ac yetimləri,
Hərənin öz vaxtı, öz vədəsi var.

Müəllif: RAFİQ GOYCELİ (Rafiq Göyçə Cil)

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Təvəkkül Goruslu

Təvəkkül Goruslu – yeni şeirlər

SEVGI QOXUYUR

Həyat eşqi ilə vurur, döyünür,
Ürəyim deyir ki, nə yaxşı varsan.
Bir görsən sevinir, necə öyünür,
Qəlbimə, könlümə nə yaxşı, yarsan!

Duysa gələcəksən şıltaqlıq edir,
Elə bil uşaqdı, yolun gözləyir.
Bilsə ki, görüşün zamanı nədir,
Saatı izləyir, vaxtı izləyir!

Həsrətin gecəsi uzundan- uzun,
Quş olur sinəmdə sübhdən oxuyur.
Əbədi məskəni olubdu yazın,
Sən varsan ürəyim sevgi qoxuyur!

09.08.2019.

= = = =

KƏNDƏ GEDƏCƏM

Gör neçə illərdi görmürəm kəndi,
Allahın bir günü kəndə gedəcəm.
Könlümün sızlayan telləri dindi,
Hamı öz kəndində, mən də gedəcəm!

Kalafa yerində oturub məhzun,
Səmaya , üfüqə, göyə baxacam!
Əlimlə daşların torpağın, tozun,
Bir başqa kəsəyə, daşa yaxacam!

Dərddən oynayacam uşaqlar kimi,
Sevincdən, şadlıqdan dəli olacam!
Saz edib odunu aşıqlar kimi,
Ruhani çalacam…ağı çalacam!

Arada yellənib, dərəyə qaçib,
Şırranın altında heykəl duracam!
Babamın, nənəmin qəbrini açıb,
Kəlləmə bir patron…güllə vuracam!

Alsın ağuşuna qoy nənəm məni,
Babam sığal çəksin bəyaz saçıma.
Desinlər “gözlədik sənin gəlməni,
bəlkə bir şey olmuş qolu-qıçına!?…

Alıb əllərimə yolun ucunu,
Allahın bir günü kəndə gedəcəm.
Atıb üzərimdən “qaçqın” suçunu,
Kənddə ölmək üçün öndə gedəcəm!

08.08.2019.

= = = =

RƏSMİ VÜSALIN

Sevgidən, sevdadan bəhs etmə mənə,
Gözümün önündə sevgi rəsmi var.
Elə vurulmuşam, aşiqəm sənə,
Məcnunun, Kərəmin yalnız ismi var!

Olmuşam şairin, rəssamın sənin,
Xəyalım molbertdi, düşüncəm fırça.
İlhamla çəkdiyim Leyli rəsminin,
Üzünü gizlədir sirr adlı parça!

Sahilsiz rəngi var arxa fonunun,
Nə mavi, nə sarı, nə narıncıdı.
Eşq adlı ümmanın bitməz sonunun,
İlkidi, sonudu…axırıncıdı!

İlhamım dinirsə səni vəsf edir,
Misralar, sətirlər sevgi cığırı.
Ruhum ki, köç edir, cismimdən gedir,
Hər yanda, hər yerdə səni çağırır!

Könlümə həkk olub rəsmi vüsalın,
Asılıb qəlbimin baş guşəsinə.
Bu cəbr, bu məsəl sənin misalın,
Gəl dalaq, əzizim, eşq nəşəsinə!

06.08.2019.

Müəllif:TƏVƏKKÜL GORUSLU MƏMMƏDOV

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

RAFİQ GÖYÇƏLİ

OLSUN

Var , dövlətdə yox tamahım,
Vurub, tutan qolum olsun.
Yayılmasın göyə ahım,
Şirin dilim balım olsun.

Alın tərim zəhmətimlə,
Tanrı verən möhlətimlə,
Namus , qeyrət, ismətimlə,
İşləməyə halım olsun.

Düz danışım, düz söyləyim,
Halal olsun duz, çörəyim,
Pula, vara yox gərəyim,
Ürəyimdə ləlim olsun.

Allah verən bu ömrümü,
Çox eyləsin şad günümü,
Küsdürməsin heç könlümü,
Pay verməyə əlim olsun.

Rafiq, bəsdi daha demə,
Yüklənmisən dərdə, qəmə,
Gəl fikir ver gələn dəmə,
Şirin , şəkər dilin olsun.

Müəllif: RAFİQ GOYCELİ ( Rafiq Göyçə Cil )

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Ata şeiri – Afiq Göyçəli

afiq göyçəlidən ata şeiri

ATA
Köçdün bu dünyadan,səssiz səmirsiz
Bizi başsız qoyub,getdin ay ata
Nəyimə gərəkdir,sənsiz bu dünya
Yerin cənnət olsun,sənin ay ata

Tanrı aldı səni,tez əlimizdən
Qohum əqrəbadan,həm elimizdən
Yoxluğun bizləri,qırıbdır dizdən
Qəbrin nurla dolsun, sənin ay ata

Doğru yol görsədən,canımız idin
Dağ kimi arxamız,şahımız idin
Xoş ömür yaşadan,andımız idin
Haqqını halal et,yat sən ay ata
26.07.19

Müəllif:AFİQ GOYCELİ

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Təvəkkül Goruslu

ana şeirləri” layihəsindən növbəti şeir

NEÇƏ Kİ…

Neçə ki, var idin, dünya yar idi,
Fələk hiss elədi, bildi , ay ana!
Neçə ki, var idin, dünya var idi,
Səninlə iç dünyam öldü, ay ana!

Neçə ki, var idin , şaddı ürəklər,
Yaman mehribandı oğulun, qızın!
Sən getdin zəhəri daddı ürəklər,
Soyuğu, sazağı görməsin üzün!

Neçə ki, var idin, quru nəfəsin,
Məlhəmdi bizlərə dosta , yoldaşa.
Apardın özünlə yaşam həvəsin,
Mehrimiz salmışıq qranit daşa!

Neçə ki, var idin, o , kiçik otaq,
Bizlərə behiştdi, cənnətdi, ana!
İndisə torpaqdı yatdığın yataq,
Oğlun yox, qızın yox, dönsən hayana!

Neçə ki, sağ idin sənə qaçardı,
Sənin tək oğlunun qoxuyanı yox!
Şirin kəlmələrin könlün açardı,
Nəzər duasını oxuyanı yox!

Neçə ki, var idin nurlu gözlərin,
Yoluma mayakdı, işıqdı, ana!
Qanundu, yasaydı müdrik sözlərin,
Təvəkkül önündə uşaqdı, ANA!

25.07.2019.

Müəllif:TƏVƏKKÜL GORUSLU MƏMMƏDOV

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Mehman Göytəpəli

  sən həmişə mənimləsən

Yadımda belə qalmısan

Üzülməyib eşqin hələ
Canımda hələ qalmısan,
Sən ağ gülü çox sevərdin,
Yadımda belə qalmısan,,,

Yadımda qalıb gülüşün,
Yadımda gözlərin qalıb,
Qəlb qapımın kandarında,
Son ayaq izlərin qalıb,,,

Bu dünyamda hər şey yalan,
Bircə gülüm, sən gerçəkdin.
O gecəsiz, ağ dünyamda,
Mənim üçün ağ çiçəksən…

Sən sönməyən həyat eşqim,
Sən bir yaşam bəstəsiydin.
Sən ağ gülü çox sevərdin, 
Sən ağ gülün xəstəsiydin…

Gəl, o sənli arzuları,
Bir-bir üzüm, dərim sənə,
Gəl yolum ağ saçlarımı,
Gül əvəzi verim sənə…

Müəllif: MEHMAN GÖYTEPELİ

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Təvəkkül Goruslu

QARDAŞ…

Zalımlıq, rəzalət artıb – çoxalıb, 
Allahın işi də çoxalıb, qardaş! 
Ədalət incəlib, düzlük yuxalıb, 
Onun da ürəyi yuxalıb, qardaş!

Zalımlar verdikcə dünya düzənin, 
Kasıba dirənir ucu nizənin, 
Axirət yazığın, dünya əzənin,
Haram da halalda yıxanıb, qardaş!

Demokrat oyunu dərindən – dərin, 
Müsəlman dünyası yeyir bir – birin, 
Bu yerdə açılıb gözü məşhərin, 
Qulağı hədislə tıxanıb, qardaş!

Dünyanın dövləti, sərvəti, varı,
Aparıb barmaqdan, əldən qabarı, 
Artdıqca eliti, sözdə kübarı, 
İnsanlıq azalıb, yox olub, qardaş!

21. 07. 2019.

Müəllif: TƏVƏKKÜL GORUSLU MƏMMƏDOV

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

GƏRAY GÖYYURD

GƏRAY GÖYYURD “ÜÇ YARPAQ” – DA

VƏTƏNİN

Dərdləri burğutək deşir sinəmi ,
Düşmənin gözünü deşən vətənin .
Görən biz tərəfə düşəcək haçan 
İşığı dünyaya düşən vətənin ?

Simləyib göynəyir köhnə yarası ,
Yağıdadır torpağının parası .
Övladları gəzir çörək parası 
Sərvəti çay kimi daşan vətənin .

Düşmənə atılımır vətən daşları ,
Arxayın uçmayır göydə quşları.
Necə xöşbəxt olar vəndaşları 
Dərd –qəmi başından aşan vətənin ?

= = = =

SƏBR ET

Dayanma heç zaman , haqq üçün vuruş ,
Qarşına çıxacaq zülümə səbr et .
Xalq , millət yolunda Yanıq Kərəmtək
Sonadək alış , yan ,külünə səbr et.

Hər eşşəyə , palan olma , çul olma ,
Mübariz ol , kölə olma , qul oma !
Əqidəsi para olma , pul olma ,
Halal qazandığın puluna səbr et .

Qoyma ki , haqqını yesin hər alçaq 
Zalımlar başında şimşək kimi çax !
Gələcək günlərə ümidlərlə bax ,
Pis gəlsə də yenə ilinə səbr et .

Vətəni ,yurdunu artıq bil candan ,
Dayanma qıraqda , boylanma yandan ,
Çəkilmə , qorxub da bir qaşıq qandan 
Çatınca şərəfli ölümə ,səbr et !

Gəray ,haqsızlıqdan yığılıb cana ,
Təslim olma şərə , yağı düşmana !
Bu vətəni qoyub getmə heç yana ,
Biganə xalqına , elinə səbr et !

= = = =

HAZIR OLMASAQ

Bölüm -bölüm bölünmüşəm,
Daha tabım yox bölümə .
Yaram üstə səpəcəyəm ,
Yağı , toxunma külümə !

Üz tutub uca Allaha ,
Üsyan etdim dərdə , aha .
Hər bir misram oxdu daha ,
Zalımlar verən zülümə !

Haqqa dərmansan bəlkə də ,
Qaçıb gizlənmə kölgədə !
Haqq tamam ölər ölkədə 
Hazır olmasaq ölümə !

Müəllif: GERAY GOYYURD

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru