RAFİQ GÖYÇƏLİ

yaşayıram mən…

Həsrətin könlümü yandırır yaman,
Daha dözüm yoxdur, Allah, ay aman,
Dayanıb mənim üçün deyəsən zaman,
Səni sənsiz belə yaşayıram mən.

Çəkmə ürəyimə hicran dağını,
Görürsən qəlbimin qara, ağını,
Soldurma bəxtimin bostan, bağını,
Səni sənsiz belə yaşayıram mən.

Baxım gül üzünə sevinim mən də ,
Varlığım gül açsın mərmər sinəndə,
Sevinsim gözlərim səni görəndə,
Səni sənsiz belə yaşayıram mən.

Öpüm gözlərindən nura bələnsin,
O göyçək üzünə çələng ələnsin,
Qaynar öpüşlərim qoy səpələnsin,
Səni sənsiz belə yaşayıram mən.

Nə olar Rafiqi qovma, teyləmə,
Yazıq ürəyimə zülüm eyləmə,
Mənə sənsizliyi demə, söyləmə, 
Səni sənsiz belə yaşayıram mən.

Müəllif: (Rafiq Göyçə Cil) RAFİQ GOYCELİ

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

MEHMAN GÖYTƏPƏLİ

Mehman Göytəpəli çağdaş yazarlar arasında dünyaya öz baxışı, gördüklərini özünəməxsus şəkildə görməyənlərə çatdırmağı bacaran, hər kəlməsindən boy verib boylanan çox azsaylı sənətkarlarımızdan biridir. Yaradıcılıqdan əlavə həm də gözəl təşkilatçı, yardım etməyi, paylaşmağı, dəstək olmağı, himayə etməyi bacaran geniş ürəkli, olduqca həssas qəlbə malik bir şəxsdir. Mehman müəllimə yeni-yeni yaradıcılıq uğurları arzu edir və yaradıcılığından bir-neçə nümunə təqdim edirik:

mehman göytəpəlidən söz çələngi

SƏN QARASAN, MƏN QARA?!

(Tələbəlik illərində sahildə gəzən zaman, əlimdəki fotoaparatla bir zəncinin şəklini çəkmək istərkən əlləriylə üzünü qapatdı və mənə elə gəldidi ki o rənginin qaralığından utanandı…)

Mənim dərdim dərd deyil
Özüm boyda bir yara
Zənci qardaş bax görək
Sən qarasan, mən qara?!

Bəndimi sellər yarıb
Ürəyimi dərd sarıb
Evdə çörık qurtarıb
Arpa da gəlmir kara
Zənci qardaş bax görək
Sən qarasan, mən qara?!

Dərim dərindən qalın
Üz qara, qara alın
Baş açıq ayaqların
Səpilmişik yollara
Zənci qardaş bax görək
Sən qarasan mən qara?!

Eldə belə neğmə var
“Yar qadasın yar alar”
Arxalı Boz Qarğalar
Uçmaq öyrədir Sara
Zənci qardaş bax görək
Sən qarasan, mən qara?!

Qoy söyləyım nədənin
Öldürür bu dərd məni
Qarabağım gedəni
Ruhum çəkilib dara
Zənci qardaş bax görək
Sən qarasan, mən qara?!

Gör sənin dərdin hara
Gör mənim dərdim hara
Eldə də üzüm qara
Evdə də üzüm qara
Zənci qardaş bax gorək
Sən qarasan, mən qara?!

= = = =

CANI YANSIN SƏNSİZLİYİN…

Hara getsəm özümləyəm,
Özümdən qaça bilmirəm.
Kəsmişəm “sən qanadımı”
Qanadsız “uça” bilmirəm.

Elə həmən gəlinciksən,
Ozün-özündən inciksən,
Ev dolusu kölgəciksən,
Qol açıb quca bilmirəm.

Canı yansın sənsizliyin,
Kim tutacaq dərdin züyün,
Sənsiz hər şey düyün-düyün,
Gəl aç, mən aça bilmirəm…

= = = =

YUXUDA…

Göy üzünü edib ələk-vələk,
neçə ulduz fəth edərək 
yerə enirəm,
Bu qaranlıq gecədə, 
mayak gözlərinin işığında 
sənə dönürəm.
Boylanıram sənli dünyaya 
həsrət-hısrət,
Sənli dünya sənin kimi qiyamət…
Gör necə zinət verib 
nəqş eyləyib yaradan,
Binalar salxım-salxım
asılıbdı havadan.
Yer də səma kimi işıqlı,
ulduzları bol-bol,
Hər pəncərədən 
qaranlıq gecəyə açılan 
işıqlı bir yol,
Sənin dı şövqün 
qoşulub işıqlara
ta ulduzlaradək axıb gedir
Dünya başdanbaşa bir mənzərədir…
Bütün gücümü xərcləyib 
kainatın bu zamansız yoluna.
Yetişdim həsrətdən qovrulmuş
o yorğun vüsalına….
Asılmışam tavandan
dayanmışam başın üstə
Baxıram hesrətdın solmuş ay üzünə ahəstə-ahəstə.
Nə arzun var istə gülüm,
gözlərimi qırpmadan 
bir anda yerine yetirim,
İstə qoparım səmadan Ayı 
hüzuruna gətirim.
Əmr elə, 
Günəşə deyim çıxmasın 
qoy zülfün kimi uzansın gecə…
Əmr elə,
qoparım ulduzları 
düzüm tellərinə mirvaritək 
bircə-bircə.
Bir az teləs əzizim,
nə qıdər ki, bu gerçək aləmlə 
üz-üzə dayanmamışam,
Nə istəyin var, tez istə
hələ ki, yuxumdan oyanmamışam….

= = = =

MƏN…

İçindəki həmən qəm,
Ah da ki, həmən ahdı…
Ağlama! Göz yaşından,
Qəm islanar,- günahdı…

Bu qəm sənə yaraşmır,
Onun öz adamı var.
Çəkənlər yaxşı bilir, 
Hər qəmin öz tamı var.

Mən o tamla doğuldum.
Mən o tamla boy atdım
Dərdim yatıb qalanda
Özüm onu oyatdım

Ömür boyalı gəlin,
Göz oxşayan üzü var.
Ona çox bel bağlama,
Onun da tərs üzü var.

Bu qədər seçim varkən
Səsimi nəhs verirəm.
Sevinc gəlib-gedəndi 
Mən qəmə səs verirəm.

= = = =

BƏSİMDİ…

Günlərim ötüşür qaralı-ağlı,
Sənsiz yer darısqal, səma duvaqlı,
Qəmdən ev tikmişəm hər yanı bağlı,
Həsrətin qapımı döysə bəsimdi…

Daha şirinləşib kədər də, qəm də,
Sənsiz bir ocaq var, sanki sinəmdə,
Adin tutulanda, adın gələndə,
O məni titrədən nəysə, bəsimdi…

Dönsün bu dünyanın, dönsün bu çarxı,
Keçdi aramızdan həsrətin arxı,
Səninçün yazdığım bu şeiri oxu
Adım dodağına dəysə bəsimdi…

Müəllif: MEHMAN GÖYTEPELİ

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

GÜLLƏLƏNƏN GENERALLAR

GÜLLƏLƏNƏN 8 AZƏRBAYCANLI GENERAL HAQQINDA

(Akif Şahverdiyevin tədqiqatı)

1920-ci il aprelin 28-də Azərbaycan Xalq Cümhuriyyətinin XI Qızıl Ordu tərəfindən işğal edilməsi bölgədə yeni terror dalğasının başlanmasına səbəb oldu. Nəticədə yüzlərlə azərbaycanlı hərbçi qətlə yetirildi. Onların böyük hissəsi AXC ordusunda xidmət edən yüksək rütbəli şəxslər idilər. Nəticədə 12 general , 27 polkovnik, 46 kapitan və ştabs kapitan, poruçik və podporuçik, 148 praporşik və podpraporşik, 266 nəfər digər rütbəli hərbi qulluqçumuz qətlə yetirildi. Sağ qalan generalların bir qismi sovet ordusunda xidmətə başladılar. Onlar xüsusilə Azərbaycan SSR ordusunun yaradılmasından iştirak etdilər. Digər qisim generallar isə bolşeviklərə təslim olmayaraq, ölkənin müxtəlif yerlərində üsyanlara başladılar, amma üsyanlar yatırıldıqdan sonra mühacirətə getmək məcburiyyətində qaldılar.

Həbib bəy Səlimov

Azərbaycan Xalq Cümhuriyyətinin ilk baş qərargah rəisi olub. 1919-cu ildə general-mayor rütbəsinə yüksəlib. Muğan və Lənkəranda AXC-yə qarşı qiyamları yatırmağı bacarıb. 1920-ci il dekabrın 30-da bolşeviklər tərəfindən Nargin adasında güllələnib.

İbrahim ağa Usubov

1872-ci ildə Qazaxda anadan olub. Birinci Dünya savaşında iştirak edib. 1917-ci ildə general rütbəsinə yüksəlib. 1918-ci ildə AXC tərəfindən ölkəyə dəvət edilib. AXC-nin işğalından sonra bolşevik ordusunda xidmət edilməsi söylənsə də bu sözə əməl edilmir. Nəticədə o, 1920-ci il iyunun 16-da Nargin adasında güllələnir.

Əliyar bəy Haşımbəyov

1856-cı ildə Bakıda anadan olub. 1918-ci ildə AXC ordusunda könüllü xidmətə başlayıb. Bir müddət AXC daxili işlər nazirinin müavini işləyib. 1920-ci ilin aprelində AXC-nin işğalından sonra təqiblərə məruz qalaraq həbs edilib. Elə həmin il mayın 29-da Nargin adasında güllələnib.

Əmir Kazım mirzə Qovanlı-Qacar

1853-cü ildə Şuşada anadan olub. 1910-cu ildə general-mayor rütbəsinə yüksəlib. Sovet dövrünün rəsmi sənədlərində qeyd olunduğu kimi, 1920-ci ildə bolşeviklərin əmri ilə vəhşicəsinə doğranıb. Eyni şey onun kürəkəni Cahangir Qayıbovun da başına gətirilib.

Feyzulla mirzə Qovanlı-Qacar

1872-ci ildə Şuşada anadan olub. 1918-1920-ci illərdə AXC ordusunda xidmət edib. 1920-ci ildə Nargin adasında güllələnib.

Əbdülhəmid bəy Qaytabaşı

1884-cü ildə Tiflisdə anadan olub. 1919-ci ildə AXC ordusunda general rütbəsinə yüksəlib. 1920-ci ildə AXC-nin işğalından sonra bir müddət ordunun baş qərargah rəisi kimi çalışıb. Lakin tezliklə, iyunun 28-də bolşeviklər tərəfindən Nargin adasında qətlə yetirilib.

Murad Gəray bəy Tlexas

1874-cü ildə Kubanda anadan olub. Əslən çərkəzdir. 1918-ci ildə AXC tərəfindən general rütbəsinə yüksəldilib. Qafqaz İslam Ordusunda topçu müfəttişliyi vəzifəsini icra edib. AXC-də Bakı İstehkamçılar hissəsinə rəhbərlik edib. Ona Bakının müdafiəsinin təşkili tapşırılıb. 1920-ci ildə AXC-nin işğalından sonra bolşevik Əli Bayramovun ölümündə təqsirləndirilərək güllələnib.

Süleyman bəy Sulkeviç

1865-ci ildə Belarusda anadan olub. Əslən Krım tatarıdır. 1910-cu ildə general-mayor, 1915-ci ildə general-leytenant rütbəsinə yüksəldilib. Birinci Dünya savaşında yaradılan ilk müsəlman korpusunun komandiri təyin olunub. Krımın Rusiya tərəfindən işğalından sonra 1919-cu ildə Azərbaycana gəlib. Həmin il ordunun baş qərargah rəisi təyin edilir. 1920-ci ilin fevralına qədər bu vəzifəni icra edib. 1920-ci il 15 iyul tarixində Bayıl həbsxanasında bolşeviklər tərəfindən güllələnib.

Mənbə:GÜLƏR ELDARQIZI

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

TƏVƏKKÜL GORUSLU

TƏVƏKKÜL GORUSLUDAN “ÜÇ YARPAQ”

XOŞBƏXT OLACAQ

Sehrkar çubuqdu qələmim mənim,
Yazdığım oxusan hüzur taparsan.
Qələmlə vəhdətdə əməlim mənim,
Sən məni misramda hazır taparsan!

Bir az qapalıyam, bir az ciddiyəm,
Qələmi götürsəm , qəlb qapım açıq.
Adıma uyğunam, düzlük həddiyəm,
Həssasam çoxundan, duysan azacıq.

Tanrıya min şükür vücudum gözəl,
Boy- buxun, yaraşıq, hamısı məndə.
Yazdığım fərqlidi, düşüncəm özəl,
Əl qoymam məkirə, fitnəyə, fəndə.

Qəlbimi yandırır elat həsrəti,
Aylardı, illərdi kğçdən yazıram!
Sınmayıb, gülümsər tutub surəti,
Mən heçdən yazmıram, içdən yazıram!

Dörd yanın kədərin, dərdin çəkməkdən,
Saçıma ələnib dağların qarı.
Səbr ilə hicranı qəlbə bükməkdən,
Canımı dağlayır ruhun qabarı!

Qələmim silahım, kağız səngərim,
Sətirlər, misralar güllə darağım.
Bəllidi təpərim, vardır ləngərim,
Bu dünya, bu bəşər alar sorağım!

Duyub sədasını türk oğlu türkün,
Səksənər, ayılar, karlar oyanar.
Düzəlməz olaylar paşama mümkün,
Bu dünya bir ayrı rəngə boyanar!

Mənim bu diyarım qiymətli inci,
Özgür sərhədlərlə şəfəq saçacaq!
Bax onda , Təvəkkül , duyub sevinci,
Bir şair ürəyi xoşbəxt olacaq!

11.07.2019.

= = = =

ƏN BÖYÜK DƏYƏR

Ay adam, bu dünya hamıya məskən,
Dünyanın yükünü çəkə bilməzsən!
Nə qədər olsan da gözdən tükçəkən,
Qılıyla gözünü tökə bilməzsən!

Açıb gözlərini ətrafa bir bax,
Dünya yerindədi, insandı yalan!
Hamıya açılmır gələn hər sabah,
Olmadı dünyayla əbədi qalan.

Artır səxavətin, “tit” de nəfsinə,
Qəlblərdə xeyirxah əməllə ucal.
Yaxından yaxındı bil nəfəsinə,
Hər addım qoyduğun yerdədi əcəl!

Sadiq ol sevginə, sevdiklərinə,
Bir heçsən onları itirsən əgər!
Şərik ol onların ÇƏKDİKLƏRİNƏ,
Sevgidi dünyada ən böyük dəyər!!!

10.07.2019.

= = = =

İNANMA

Səmimi olarsan, düzgün olarsan,
Haqqını yeyərlər, “yalan” deyərlər!
Xiffət eləyərsən, üzgün olarsan,
“Nəşədən xəyala dalan ” deyərlər!

Düşündüm Allahdan, salamdan yazdım,
Dedilər şairin ağlı qaçıbdı.
Bir az hiddətləndim, bir az da qızdım,
Dedilər keflənib, şərab içibdi!

Sevgidən yazsaydım, eşqdən yazsaydım,
Qazancım afərin, əhsən olardı.
Mey kimi könülə, ruha sızsaydım,
Vallahi, ünvanım “yeksən” olardı!

Odur ki, ay şair yurd fikri etmə,
Salam verənlərin salamın alma.
Qələmə sarılıb dərinə getmə,
Qarış cəmiyyətə, geridə qalma!

Onsuz da riyakar, saxta adamlar,
Sərvət topladıqca harınlayıblar.
Bu odun adamlar, taxta adamlar,
Ürəyi unudub, qarınlayıblar!

Xalqının şairi olmağın üçün,
Təvəkkül, sevincdən, şadlıqdan döşə!
Cəhalət odunda yandıqca için,
İnanma şansına insanlıq düşə!

09.07.2019

MÜƏLLİF: TƏVƏKKÜL GORUSLU MƏMMƏDOV

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

GƏRAY GÖYYURD

GƏRAY GÖYYURD “ÜÇ YARPAQ”

SƏNİ SEVDİM, ANA VƏTƏN

Göylərinlə dərinləşdim ,
Bulağınla duruldum .
Hər əmrinə hazır oldum ,
Saat kimi quruldum .
İlk eşqim o, son sevgim sən ,
Təzdən sənə vuruldum !
Səni sevdim, ana vətən !

Dağlarınla vüqrlandım ,
Dərdlərinlə qübarlandım ,
Eşqin heç zaman sönmədi ,
Sevginlə yandım, qorlandım ,
Səni sevdim, ana vətən !

Yaran mənim yaram oldu ,
Ürək parça -param oldu !
Yağı tapdağında qaldın ,
Ömür mənə haram oldu ,
Səni sevdim, ana vətən !

==============================================

BU VƏTƏNİ SEVMƏK

Bu vətəni sevmək 
insanlıqdı.
sevməmək 
nadanlıqdı .
Bu vətəni sevmək 
böyüklükdü.
sevməmək 
dönüklükdü.
Bu vətəni sevmək 
səadətdi.
sevməmək
xəyanətdi !
Bu vətəni sevmək 
imanandı 
sevməyən
onandı !

=======================================

AY ŞANLI ORDUM MƏNİM

Apardığın bu döyüş 
Vətən, yurd döyüşüdü .
Bu savaş, aslan savaşı ,
Bu döyüş qurd döyüşüdü !

Zəfər var, qələbə var 
Bu döyüşün sonunda .
Qəhrəmanlıq bu xalqın 
Canındadır, canında !

Vətən sənə güvənir ,
Millət sənə inanır .
Lələ Təpə üstündə 
Bayrağım dalğalanır .

Bu bayrağı sən çatdır 
Xankəndinə, Şuşaya !
Şücaətin, zəfərin 
Qoy səs salsın dünyaya !

Sənin ilə fəxr edir 
Millətim,yurdum mənim .
Hücuma keç, dayanma ,
Ay şanlı ordum mənim !

Müəllif:GERAY GOYYURD

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

“G” HƏRFİNƏ AİD ŞEİR

“ G “

Hər Günəşin doğması

Yeni günü başlayır,

Günəş qürub edəndə

Demək, gün başa çatır.

Günəş özü möcüzə

Sirr dolu varlığıyla,

“Bir gün” isə məsajdır

Dünyaya, insanlığa!

Müəllif: Zaur Ustac

© Zaur USTAC,2018. Bakı.
WWW.YAZARLAR.AZ və WWW.USTAC.AZ

Qeyd:

Əlifbamızın bütün hərflərinə və rəqəmlərə air şeirlər:

HƏRFLƏRƏ AİD ŞEİRLƏR

HƏRFLƏRƏ AİD ŞEİRLƏR

Arzu Göytürk – “Qayıtma…”

“QAYITMA QURBAN OLUM”…

Çıxıb getmək olmayır,
zülümdü bu ayrılıq.
Bilirəm ömrüm-günüm,
ölümdü bu ayrılıq…

Ürək fəryad eyləyər
sinədə, səsi çıxmaz.
Göz yaşına boğular
adam…nəfəsi çıxmaz…

Son dəfə gözümə bax,
son dəfə tut əlimi.
“Hicran mələyi” gəlir,
aparmağa dəlini…

Ayrılaq gözüm nuru,
əzablı olsa da get.
Ümüdüm göz yaşımda
batıb, boğulsa da get…

Ayrılığın gözəlin,
məsumunu yaşayaq.
Taleyə nə yazılıb
susaq, onu yaşayaq…

Get, səni “ulduzların
günəşin” gözləyir get.
Sən özgə çırağısan
atəşin gözləyir get!..

Bilirsən ki dəliyəm,
bilinməz sağım-solum.
“Geri qayıt” desəm də,
qayıtma qurban olum….

Müəllif: ARZU GÖYTÜRK

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Arzu Göytürk -“Ölüb qal”

A MÜRVƏTSİZ…

Getdiyin yol… yol deyil ki, haramdı,
“Qüsul, namaz, dəstəmazsız, kəbinsiz”.
Axirəti fanilərə dəyişdin,
Ay allahsız, a imansız, a dinsiz…

Göz yaşımı ovuc -ovuc içirəm, 
Acımadın gözlərimin yaşına.
Mən də elə yalvaracam Allaha, 
Özün boyda daş salacaq başına…

Mənim qəlbim mehmanxana deyil ki,
Gah çıxıb get, gah peşman ol gəlib qal.
Yad ocağın tüstüsünə kor oldun, 
Geri dönmə, elə orda ölüb qal!..

Müəllif: ARZU GÖYTÜRK

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

ARZU GÖYTÜRK – DAŞ ADAM

DAŞ ADAM

Mən özüm sevmişdim o daş adamı,
O “Daş” əzir məni qınayammıram…
Mən “kədər qadınam” xoşbəxt olanda,
Güzgüdə özümü tanıyammıram…

Əynimə gen olur sevinc libası,
İztirab boyuma biçilib mənim.
Dünya yaratmışdım o “Daş adamdan”,
Dünya gözlərimdə kiçilib mənim…

Tanrıya bənzəyir sevgim…nə cismi,
Nə rəngi,nə də ki qoxusu yoxdur.
Gözümü dəyişdim başqa göz ilə,
İndiki gözümün yuxusu yoxdur…..

Müəllif: ARZU GÖYTÜRK

WWW.YAZARLAR.AZ VƏ WWW.USTAC.AZ

#zaurustac #yazarlaraz #ustacaz #yazar #ustac #zaur_ustac

#sevin_ki_seviləsiz  #yaşayaq_yaradaq  #yazarlar_ancaq_yazarlar

Əlaqə:  Tel: (+994) 70-390-39-93     E-mail: zauryazar@mail.ru

=========================================================