ABBAS İLHAM

SEVƏNLƏRİN MƏSKƏNİ

Xəzərin sahilində 
Bir gözəl söyüd vardı…
Uzun qıvrım saçları
Yeri qucaqlayardı.

”Sevənlərin məskəni”,-
Deyərdilər adına.
Uzun illər ötsə də 
Tez-tez düşər yadıma…

Yağış yağası olsa,
Bizə çətir tutardı.
Hava qəmli olanda
Özü də ağlayardı…

Deyərdin:-ayrı düşsək,
Bu söyüdün yanında
Səni gözləyəcəyəm –
Hətta yetmiş yaşında.

Qırılmazdı ümidim
Hər gələndə Vətənə-
O söyüdün altında
Bəlkə rast gələm sənə.

Çox oldu belə anlar…
Sayı – hesabı itdi.
O ”Sevgi məskəni”nin
Sən demə, ömrü bitdi…

Bir vaxt gəldiyim zaman,
Səntək görmədim onu…
Kimlərin əli qıydı? –
Səntək itirdim onu…

Xəzərin sahilində,
Bir gözəl söyüd vardı…
Uzun qıvrım saçları
Yeri qucaqlayardı…

Avqust, 2016

Müəllif: ABBAS İLHAM

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

ABBAS İLHAM

GÖZLƏRİM

( Ömür kitabının “Cavanlıq” fəslindən bir şeir )

Görəndə ilk dəfə gözlərim səni,
Elə bil, dünyanı verdilər mənə.
Yol boyu izlədi izlərim səni,
Beləcə, bir anda vuruldum sənə.

O zaman çiçəkli bir bahar idi,
Küçədən ötərdin arabir… hərdən.
Sənin də gözlərin mənə baxardı…
Bir sevgi umardım o şən gözlərdən.

Sonralar görüşdük…hər gün, hər axşam
Gözlər dediyini ürəklər dedi…
Sən getdin xəbərsiz…sənin adından 
”Əlvida!” sözünü küləklər dedi…

Gözlərim hələ də axtarır səni,
Axtarır..tapmayır…qəlbim odlanır.
Gəl, sil qəlbimdəki qəmi-qüssəni,
Gözlərim özünü günahkar sanır…

Müəllif: ABBAS İLHAM

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

NƏCİBƏ İLKİN

BİLMİRƏM

Sən ömür baharı, mən könül qışı,
Haraya gedəcək bu yol, bilmirəm.
Mən bəxtin önündə payız yağışı,
Alırsan könlümü gəl al, bilmirəm.

Ayrılıq deməyə gəlmədi üzüm,
Verdiyin vədəndə qışladı sözün,
Həsrəti eyləyib dağ, dərə, düzüm,
Çəkdin sinəm üstə min yol, bilmirəm.

Könlümün evinə bir yol uçduğun,
Gözümdən gizlənib, nədən qaçdığın,
Hər məni görəndə geniş açdığın,
Kimlərə açılır o qol, bilmirəm.

Deməyin, sərxoşam xumar çəkibdi,
Mənə nə dağ çəkib o yar çəkibdi,
De kimin saçına tumar çəkibdi,
Əlimdə buzlayan o əl, bilmirəm.

= = = =

Dərdim sənsizliyin dərdini çəkir…

Bir səhər üz tutdum dənizə sarı,
Görüş yerimizdə ayaq saxladım.
Öpdü həsrət məni sən əvəzinə,
Töküldü gözümdən leysan, ağladım.

Mənə elə gəldi dəniz bu saat,
Coşaraq tez məni qucaqlayacaq.
Köksümə sığmayan hicran qəmini,
Sənin əllərinlə sığallayacaq.

Açıb gözlərimi nəmli baxışla,
Boylandım dənizə xəyala dönüb,
Sahili qucan o ləpələr kimi,
Sənə sarılmışdım suala dönüb.

Görmək istəməzdim sənsizliyimi,
Ağlar gözlərimi yumdum yenidən,
Hönkürtü səsimi batırmaq üçün,
Asılı qalmışdım bircə zəngindən.

Bu necə səadət, bu necə zülüm?!
Birisi inləyir, biri kef çəkir,
Nə yaxşı yenə də sən varsan gülüm,
Dərdim sənsizliyin dərdini çəkir.

Müəllif: NECİBE ILKİN

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

SALAM İBRAHİMOĞLU

“MƏZƏLİ ƏHVALATLAR” KİTABI

Redaktoru Eldar Qəhrəmanov olan bu kitabda Qarabağın məşhur rəngkar-yazarı Salam İbrahimoğlunun fırça təbiətli özünəməxsus qələmindən çıxmış kiçik “hekayə – felyeton” ları toplanmışdır. Uca Yaradanın heç nə əsirgəmədiyi bu diyarın – Qarabağın dilbər guşələrindən biri olan, olduqca mülayim iqlimli Yusifcanlı kəndinin baməzə-qonaqpərvər insanlarının başına gələn hadisələri Salam İbrahimoğlu orijinal bir dillə, incə yumorla, ibrət alınacaq şəkildə oxuculara təqdim edir. Kitabdakı əhvalatlarının böyük əksəriyyətinin qəhrəmanı Cümşüd Kişi (Qəhrəmanov Cümşüd) həyatda olmuş real şəxsdir və səmimi, sadəlövh, ürəyiaçıq, əliaçıq olduğu qədər də yeri gələndə ciddi, sərt, zəhmli, qatı dindar bir şəxsdir. Adı çəkilən kitab Salam İbrahimoğlunun sayca onuncu kitabıdır. Yazar bu kitaba görə “Ziyadar” Mükafatına layiq görülüb. Salam müəllimə can sağlığı və yeni-yeni yaradıcılıq uğurları arzu edirik.

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

TAHİRƏ İLYASQIZI

AD GÜNÜNÜZ MÜBARƏK!!!

Bu gün hamımızın sevimlisi şairə Tahirə İlyasqızının doğum günüdür. Bu xoş gün münasibəti ilə Tahirə xanımı təbrik edir, yeni-yeni yaradıcılıq uğurları arzu edirik. Uğurlarınız bol olsun, Tahirə xanım…

Tahirə İlyasqızından bu günlə bağlı bir şeir:

Ad günüm…

Mənim ad günümdü bu gün bilirsən?
Təbəssüm “nur”unu üzümə yaxır,
Amma ki, könlümün açılmır aynı,
Ötən çağlarıma boylanıb baxır.

İllərin bu qədər tez ötdüyünü,
Yalnız ad günümdə hiss eləyirəm,
Üst-üstə yığılan xatirələrmi,
Kövrələ-kövrələ vərəqləyirəm.

Xoş anlar gözümün önünə gəlir,
Duyğulanır könlüm elə çağlayır,
Bu özəl günümdə doğum günümdə,
Xəyallar qəlbimə məlhəm yağlayır.

Səhər oyananda elə bilirəm,
Atamın-anamın səsi gələcək…,
Məni əzizləyir həmişəki tək,
Öpüb qucaqlayıb təbrik edəcək…

Tahirəyəm,indi xatirələrimi,
Sıxıb ürəyimə həkk eyləmişəm,
Ehh, gəncliyim məni tərk etdiyini,
Xəbərim olmayıb heç bilməmişəm.
10.07.2019.

Müəllif: Tahira İlyas Qızı

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

ABBAS İLHAM

NƏ SƏN SƏNSƏN… NƏ MƏN MƏNƏM

İlk eşqimin ilk sonası,
Eşq oduna biz yanası,
Görüşməyin nə mənası? –
Nə sən sənsən…
nə mən mənəm…

Xəyalımda bir qız gəzir,
Bir oğlan da yalqız gəzir.
Hər ikisin hicran üzür… 
Nə sən sənsən… 
nə mən mənəm…

Saçlarıma düşübdü dən,
Gözlərimə düman və çən.
Gəl incimə, gülüm məndən? –
Nə sən sənsən…
nə mən mənəm…

Yana-yana sönürük biz,
Xatirəyə dönürük biz.
Nağıllaşır bü sevgimiz –
Nə sən sənsən… 
nə mən mənəm…

Dekabr, 2016

Müəllif: ABBAS İLHAM 


USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

“İ“ HƏRFİNİN ŞEİRİ

“ İ “ HƏRFİ HAQQINDA ŞEİR

“ İ “

İlqar sevir, idmanı

Hey hoppanır ip üstdən,

İz axtarır bağçada,

O, tez tapır itindən.

Müəllif: Zaur Ustac

© Zaur USTAC,2018. Bakı.
WWW.YAZARLAR.AZ və WWW.USTAC.AZ

Qeyd:

Əlifbamızın bütün hərflərinə və rəqəmlərə air şeirlər:

HƏRFLƏRƏ AİD ŞEİRLƏR

HƏRFLƏRƏ AİD ŞEİRLƏR