Sevda İbrahimli tədbirdə

Sağdan Musa Nağıyevin nəvəsi Dilarə Nağıyeva, Yeganə Mahmudova, Sevda İbrahimli və Sona Abbasəliqızı.

Foto 25 dekabr 2019 – cu il Muğam Mərkəzində çəkilib. Bakı ş.

Foto: Fərrux Səfəroğlu

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

“Əbədiyyət üfüqündə doğan günəş” – Nəsimi ilinə töhfə

Bu gün -25 dekabr tarixində Beynəlxalq Muğam Mərkəzində Azərbaycan Respublikası Mədəniyyət Nazirliyinin, Yeni Azərbaycan Partiyasının Səbail Rayon Təşkilatının, Azərbaycan Qadınları Respublika Cımiyyətinin Səbail Rayon Şöbəsinin sədri Yeganə Mahmudovanın və Yazıçılar Birliyinin şöbə müdiri tanınmış yazıçı, əbiyyatşünas Sayman Aruzun birgə təşəbbüsü və təşkilatçılığı ilə dahi Azərbaycan şairi, filosofu İmadəddin Nəsiminin 650 illiyinə həsr olunmuş “Əbədiyyət üfüqündə doğan günəş” adlı təntənəli ədəbi-musiqili tədbir keçirildi. Tədbir məşhur müğənni Sami Yusifin ulu Nəsiminin “Sığmazam” qəzəli əsasında yaratdığı musiqi kompozisiyanın sədaları ilə açıldi. Daha sonra tıdbirin təşkilatçıları Yeganə xanım Mahmudova və Sayman Aruz giriş nitqində “NƏSİMİ İLİ” ilə bağlı keçirilın geniş tədbirlərdən söz açdllar, böyük Nəsimi dühasının dırinliyindın danışaraq, ölkə rəhbırinin ədıbiyyata və mədəniyyətə diqqətini xüsusi vurğuladılar.
Daha sonra tədbirdə iştirak edən Milli Məclis üzvlərindən YAP Səbail rayon təşkilatının sədri Şəmsəddin Hacıyev Nəsimi yaradıcılığına diqqıtin hələ çox illər əvvəldən onun 600 illiyinin ulu Öndər H.Əliyev tərıfindən qeyd olunmasını diqqıtə çatdlrdl. Hörmətli Prezident İlham Əliyev cənablarının Nəsiminin 650 illik yubileyi ilə əlaqədar Sərəncamı bu mənəvi yolun davamı kimi müstəsna seciyyə daşıyır.
Nısiminin 650 illik yubileyi ölkənin hüdudlarından kənarda da təntənəli şəkildı qeyd olunmaqdadır. Bu istiqamətdı H.Əliyev Fondunun xidmətləri çox diqqətəlayiq və yaddaqalandır.
Təntənəli mərasimdə AMEA nın Humanitar Elmlər Bölməsinin akademik katibi, Əlyazmalar İnstitunun direktoru , akademik Teymur Kərimli, professor Qəzənfər Paşayev, Yazıçılar Birliyinin katibi İlqar Fəhmi, Yunis Əmrə İnstitutunun direktoru Cihan Özdəmir, Xalq artisti Əbdul Mahmudov və başqaları çıxış edırək, böyük mütıfəkkir, filosof, şair , dözüm və yenilmızlik simvolu olan Nəsiminin xalqlmızın tarixində və milli-mənəvi qüdrətinin ehtivasındakı rolundan söz açmişlar.
Tədbirin ədəbi-musiqi hissələri də iştirakçılar tərəfindən maraqla qarşılanmışdır.
Sonda xatirə şəkilləri çəkilmişdir. Tədbirdən fotolar:

Fotoqraf: Fərrux Səfəroğlu

Müəllif: SONA YUSİF – ABBASƏLİQIZI

USTAC.AZ

WWW.YAZARLAR.AZ  VƏ  WWW.USTAC.AZ

Kərim Tahirov “Ziyadar” mükafatına layiq görüldü

Azərbaycan Milli  Kitabxanasının direktoru, professor Kərim Tahirov  “Nəsimi ili”nə töhfə olaraq “Azərbaycanın görkəmli şəxsiyyətləri” seriyasından İmadəddin Nəsimi fundamental biblioqrafiyasının nəşri olan, ” İmadəddin Nəsimi. Biblioqrafiya” kitabının işıq üzü görməsi münasibəti ilə “Ziyadar” Mükafatına layiq görülüb. Mükafat kitabın təqdimat mərasimində “Yazarlar” jurnalının Baş redaktoru şair – publisist Zaur Ustac tərəfindən təqdim olunub.

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Milli Kitabxanada təqdimat

Bu gün – 24 dekabr 2019 cu il tarixində – Milli Kitabxanada Azərbaycan Respublikasının Mədəniyyət Nazirliyi və Milli Kitabxana birgə yazıçı-publisist, professor Hüseynbala Mirələmovun Böyük Azərbaycan şairi İmadəddin Nəsiminin 650 illik yubileyinə həsr olunmuş “Son səfər” povestinin,  Azərbaycan Milli Kitabxanasının “Azərbaycanın görkəmli şəxsiyyətləri” seriyasından professor Kərim Tahirovun elmi redaktorluğu ilə nəşr olunmuş “İmadəddin Nəsimi. Biblioqrafiya” kitabının və “İmadəddin Nəsimi–650” Elektron məlumat bazasının təqdimat mərasimini keçirib.

Tədbiri giriş sözü ilə açan Azərbaycan Milli  Kitabxanasının direktoru, professor Kərim Tahirov çıxışında bu gün təqdimatı keçirilən kitabların əlamətdar günə, möhtərəm Prezidentimiz cənab İlham Əliyevin doğum gününə təsadüf etdiyini söyləyib və ölkə rəhbərinə xoş arzularını ifadə edib. İmadəddin Nəsiminin ədəbi irsinin dövlətimiz tərəfindən yüksək qiymətləndirildiyini söyləyən Prof. Kərim Tahirov ulu öndər Heydər Əliyevin təşəbbüsü ilə 1973-cü ildə UNESCO səviyyəsində Nəsiminin 600 illik yubileyinin, Azərbaycanın Birinci vitse-prezidenti Mehriban xanım Əliyevanın təşəbbüsü ilə 2017-ci ildə, Parisdə UNESCO-nin baş qərargahında Nəsiminin vəfatının 600 illiyinin, 2018-ci ildə Heydər Əliyev Fondunun vitse-prezidenti Leyla Əliyevanın təşəbbüsü ilə ölkəmizdə ilk dəfə Nəsimi İncəsənət Festivalının, o cümlədən 2019-cu ildə Azərbaycan Respublikasının Prezidenti cənab İlham Əliyevin müvafiq sərəncamlarına əsasən respublikamızda və onun hüdudlarından kənarda Nəsiminin 650 illik yubileyinə və “Nəsimi ili”nə  həsr olunmuş geniş miqyaslı tədbirlərin keçirilməsinin mühüm əhəmiyyət daşıdığını, böyük mütəfəkkir İmaddən Nəsiminin Azərbaycan şairi kimi dünyada tanıdılmasında xüsusi rolu olduğunu qeyd edib.

Prof. Kərim Tahirov çıxışında qeyd edib ki, “Nəsimi ili” çərçivəsində böyük mütəffəkkirin zəngin ədəbi irsini əks etdirən nəfis tərtibatda kitablar nəşr olunub, o cümlədən Milli Kitabxana tərəfindən “Mədəni sərvətlərimizin vətənə qayıdışı” layihəsi üzrə dünyanın bır sıra ölkələrindən İmadəddin Nəsiminin 30-a yaxın əlyazmaları, eyni zamanda Nizami Gəncəvinin 3 əlyazmasının surətləri əldə edilib və orijinallığı qorunaraq nəfis tərtibatda çap edilib. Bu layihənin davamı olaraq Sankt-Peterburqda olan Azərbaycanın görkəmli şəxsiyyətlərinin əsərlərinin nadir nüsxələri, qiymətli əlyazmalarının və digər materialların, o cümlədən klassik Azərbaycan yazıçı və şairlərinin əlyazmalarının və XIX-XX əsrin əvvəllərində çap olunmuş dövri mətbuat materiallarının araşdırılaraq siyahısının tərtib olunmasına başlanılıb. Professor çıxışında Milli Kitabxana tərəfindən eyni zamanda “Nəsimi ili”nə töhfə olaraq “Azərbaycanın görkəmli şəxsiyyətləri” seriyasından İmadəddin Nəsimi fundamental biblioqrafiyasının nəşr edildiyini və “İmadəddin Nəsimi–650” elektron məlumat bazasının hazırlanaraq geniş ictimaiyyətə təqdim edildiyini söyləyib.

Prezident İlham Əliyevin doğum günündə belə təqdimatın keçirilməsini yüksək qiymətləndirən Mədəniyyət naziri Əbülfəs Qarayev deyib ki, bu gün ölkə başçısının uğurlu daxili və xarici siyasəti nəticəsində Azərbaycan dünya səviyyəsində nümunəyə çevrilib, regionun qabaqcıl dövlətləri sırasındadır. Tədbir iştirakçıları adından ölkə başçısını təbrik edən nazir 2019-ci ilin “Nəsimi ili” elan olunmasını bütövlükdə mədəniyyətimizin uğuru kimi dəyərləndirib.

Ölkə rəhbərliyi səviyyəsində Nəsimi yaradıcılığına daim diqqət göstərildiyini deyən nazir 1973-cü ildə ulu öndər Heydər Əliyevin təşəbbüsü ilə İmadəddin Nəsiminin 600 illik yubileyinin UNESKO səviyyəsində qeyd olunduğunu bildirib. Qeyd edib ki, ümummilli liderin qətiyyəti sayəsində Bakıda Nəsiminin heykəli ucaldılıb, bədii film çəkilib, metro və rayon şairin adına adlandırılıb, onun əsərləri ana dilində kütləvi çap olunub.

Müstəqillik dövründə isə Prezident İlham Əliyevin imzaladığı sərəncamların şairin əsərlərinin çapında, dünyada təbliğində mühüm rol oynadığını söyləyən Mədəniyyət naziri ölkə rəhbərliyinin təşəbbüsü ilə Nəsimi irsinin daha geniş şəkildə tədqiq və təbliğ olunduğunu söyləyib.

Əbülfəs Qarayev deyib ki, “Nəsimi ili” çərçivəsində silsilə tədbirlər davam edir. “Nəsimi ili”nə töhfə olan daha bir incəsənət layihəsi dekabrın 27-də təqdim olunacaq. Həmin gün Heydər Əliyev Sarayında görkəmli bəstəkar, Xalq artisti, professor Firəngiz Əlizadənin “Nasimi passion” əsəri əsasında vokal-xoreoqrafik tamaşanın nümayişi nəzərdə tutulub. “İmadəddin Nəsimi. Biblioqrafiya”sının hazırlanmasını “Nəsimi ili”nə dəyərli töhfə hesab edən nazir vurğulanıb ki, bu il Nəsimi ilə bağlı çap olunan əsərlər içərisində tanınmış yazıçı Hüseynbala Mirələmovun “Son səfər” povesti də xüsusi yer tutur.

Daha sonra İmadəddin Nəsimi haqqında qısa film nümayiş edilib.

AMEA-nın Əlyazmalar İnstitutunun direktoru, akademik Teymur Kərimli çıxışında bildirib ki, “Nəsimi ili” çərçivəsində təkcə AMEA-da 30-a yaxın kitab çap olunub və həmin kitablarda Nəsiminin yaşadığı dövrdən və özündən sonrakı nəsillərə nüfuz edən fəlsəfi ideyaları öz əksini tapıb. Akademik çıxışında onu da qeyd edib ki, Azərbaycan xalqının ölməz humanist şairi İmadəddin Nəsimiyə həsr olunmuş bu kitabların gələcək nəsillərə ərmağan olacaq və nə qədər ki, Azərbaycan xalqı var, Nəsimi bu gün də, sabah da yaşayacaq.

Azərbaycanda Atatürk Mərkəzinin direktoru, akademik Nizami Cəfərov çıxışında İmadəddin Nəsiminin zəngin yaradıcılığından söhbət açaraq, onun yaradıcılığında həm özünün şəxsiyyəti, ideologiyası, həm də dili və milli mənəvi mənliyinin dayandığını  qeyd edib. Akademik onu da qeyd edib ki, Azərbaycan, fars və ərəb dillərində çoxsaylı əsərlərin müəllifi olan Nəsiminin yaradıcılığını dilçilik, eləcə də Azərbaycan türkcəsinin tarixini öyrənmək baxımından xüsusi əhəmiyyətə malikdir.

Milli Məclisin deputatı, professorHadı Rəcəbli, “Azərbaycan qəzeti”nin baş redaktoru, Milli Məclisin deputatıBəxtiyar Sadıqov, Azərbaycan Yazıçılar Birliyinin katibi, “525-ci qəzet”in baş redaktoru Rəşad Məcid, Əməkdar elm xadimi, professor Qəzənfər Paşayev, AMEA-nın Z.Bünyadov adına Şərqşünaslıq İnstitutunun şöbə müdiri, filologiya üzrə fəlsəfə doktoru Səadət Şıxıyeva, Nəsimi adına Dilçilik İnstitutunun direktoru, akademik Möhsün Nağısoy və prof. Rüstəm Kamal  çıxış edərək Seyid İmadəddin Nəsiminin zəngin ədəbi irsindən geniş söhbət açaraq, Nəsiminin böyük söz sənətkarı və mütəfəkkiri olaraq, bir çox türk xalqlarının ədəbiyyatı və poeziya dilinə güclü təsir göstərdiyini söyləyiblər. Natiqlər Milli Kitabxananın “Azərbaycanın görkəmli şəxsiyyətləri” seriyasından nəşr etdiyi “İmadəddin Nəsimi. Biblioqrafiya”sını fundamental nəşr adlandırıb, eyni zamanda Hüseynbala Mirələmovun “Son səfər” povestində şair-mütəfəkkir Nəsimini hər şeydən əvvəl XX əsrin ikinci yarısının ədəbiyyatında yaradılmış ideal insandan daha çox təbii və real kamil insan kimi təsvir edildiyini bildiriblər.

Yazarlar adından tədbirin gedişi zamanı şair – publisist Zaur Ustac tərəfindən müəlliflərə “Ziyadar” mükafatı təqdim edilib.

Daha sonra Milli Kitabxananın “Elektron Kitabxananın İnkişafı şöbəsi”nin əməkdaşları tərəfindən hazırlanmış “İmadəddin Nəsimi–650” elektron məlumat bazası şöbənin müdiri Rübabə Səfərova tərəfindən təqdim edilib.

Gənc şair Sevindik Nəsiboğlu İmaddədin Nəsimiyə həsr etdiyi şeiri ifa edib.SondaYazıçı-publisist, professor Hüseynbala Mirələmov çıxış edərək Azərbaycan Respublikasının Mədəniyyət Nazirliyinə, Azərbaycan Milli Kitabxanasının kollektivinə təşəkkürünü bildirib. 

TƏDBİRDƏN FOTOLAR:

Fotoqraf: Fərrux Səfəroğlu

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Hüseynbala Mirələmov

Azərbaycan Respublikasının Mədəniyyət Nazirliyi və Milli Kitabxana birgə yazıçı-publisist, professor Hüseynbala Mirələmovun Böyük Azərbaycan şairi İmadəddin Nəsiminin 650 illik yubileyinə həsr olunmuş “Son səfər” povestinin,  Azərbaycan Milli Kitabxanasının “Azərbaycanın görkəmli şəxsiyyətləri” seriyasından nəşr etdiyi “İmadəddin Nəsimi. Biblioqrafiya” kitabının və “İmadəddin Nəsimi–650” Elektron məlumat bazasının təqdimat mərasimini keçirəcəkdir.Tədbir 24 dekabr 2019-cu il tarixində saat 15:00-da Azərbaycan Milli Kitabxanasında keçiriləcəkdir .

İLKİN MƏNBƏ: Milli Kitabxanada yazıçı-publisist, professor Hüseynbala Mirələmovun Böyük Azərbaycan şairi İmadəddin Nəsiminin 650 illik yubileyinə həsr etdiyi “Son səfər” povestinin, “İmadəddin Nəsimi. Biblioqrafiya” kitabının və “İmadəddin Nəsimi–650” Elektron məlumat bazasının təqdimat mərasimi keçiriləcək – AMK (ANL)

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

SONA ABBASƏLİQIZI

SAYMAN ARUZUN “NƏSİMİ” DÜNYASI

Azərbaycan Prezident cənab İlham Əliyevin xalqımızın ədəbiyyatına,incəsənətinə,bütöblükdə mədəni həyatına həmişə böyük diqqət və qayğı göstərir.Bünün parlaq təzahürlərindən biri də dahi Azərbaycan şairi və filosovu,böyük Şərq mütəfəkkiri İmadəddin Nəsiminin 650 illik yubileyi ilə əlaqədər imzalanan sərəncamdır.Möhtərəm Prezident 2019-cu ili “Nəsimi ili”elan etdi.Böyük şairin yubileyi təkcə ölkəmizdə deyil,beynəlxalq miqyasda qeyd olundu,onun mütərəqqi fikirləri elmi mədəni müstəvidə geniş təsdiq edildi.Bu münasibətlə geniş elmi araşdırmalar,ədəbi- bədii əsərlər,rəssamlıq nümunələri,musiqi əsərləri yaranmaqdadır.
Bu istiqamətdə görülən tədbirlər sırasında ədəbi mühitdə canlanmanı xüsusi qeyd etmək lazımdır.Son zamanlar böyük Nəsimiyə həsr olunmuş dəyərli və orijinal əsərlərdən biri də tanınmış şair-yazıçı,ədəbiyyatşünas-tədqiqatçı Sayman Aruzun “Nəsimi”mənzum dramıdır.


Cənubi Azərbaycanın Silduz şəhərində dünyaya gəlmiş,Təbrizdə və Bakıda ali təhsil almış müəllif sanballı bir əsər yaratmış “Nəsimi” mənzum dramı irfan elementləri ilə zəngin,islam fəlsəfi, düşüncəsinin müxtəlif sahələrinə bələdliyin çağdaşlıq rəngi ilə sənətkarlığın harmoniyasıdır.
Bu dəyərli əsər onun müəllifinin şərq və qərb düşüncə tərzinə,islami düşüncələrdəki təbədullatlara vaqif olmasından xəbər verir.
Sayman Aruz bu əsərində tətqiqatçı-ədəbiyyatşünas təfəkkürünü geniş şair fəhmiylə uzlaşdıra bilmişdir.Milli təfəkkürün,irfani düşüncənin və tarixə məxsusi yanaşmanın bir bədii tarixi və irfani müstəvidə canlandırması Sayman Aruzun sənətkarlıq məharətidir. Demək olar ki,”Nəsimi,”mənzum dramı ədəbiyyatımızı zənginləşdirən sanballı əsərlər sırasındadır.
17.12.2019

Müəllif: SONA YUSİF – ABBASƏLİQIZI

USTAC.AZ

WWW.YAZARLAR.AZ  VƏ  WWW.USTAC.AZ

ETİBAR HƏSƏNZADƏ

Daşkəsənli gənc şair Etibar Həsənzadə “Nəsimiyə töhfə” adlı tədbirlə oxucularının görüşünə gəlib

Dekabrın 16-da Daşkəsən rayon Mədəniyyət mərkəzində daşkəsənli gənc şair Etibar Həsənzadənin “Nəsimiyə töhfə” adlı ədəbi gecəsi təşkil olunub.
Tədbirdə Daşkəsən Rayon İcra Hakimiyyətinin əməkdaşları, rayon ziyalıları və ictimaiyyət nümayəndələri, gənc şairin qələm dostları iştirak ediblər.
Əvvəlcə Etibarın İmadəddin Nəsimiyə həsr olunmuş şeirinin videoçarxı nümayiş olunub.
Tədbirdə çıxış edən Daşkəsən Rayon İcra Hakimiyyətinin məsul işçisi, Azərbaycan Yazıçılar Birliyinin üzvü Elmar Əliyev-Vüqarlı bildirib ki, Prezident cənab İlham Əliyevin böyük Azərbaycan şairi İmadəddin Nəsiminin 650 illik yubileyinin qeyd edilməsi və 2019-cu ilin “Nəsimi ili” elan edilməsi haqqında Sərəncamına uyğun olaraq ölkəmizin bütün bölgələrində olduğu kimi, Daşkəsən rayonunda da silsilə tədbirlər keçirilir. Klassik Azərbaycan poeziyasının görkəmli nümayəndəsi, mütəfəkkir şair İmadəddin Nəsiminin insanın böyüklüyünə, onun gözəlliyinə, xalqın taleyinə və azadlıq arzularına həsr olunmuş şeirləri bu gün də dillər əzbəridir.
Etibar Həsənzadənin yaradıcılığı barədə danışan Elmar Əliyev-Vüqarlı qeyd edib ki, o, fiziki imkanlarının məhdud olmasına baxmayaraq, daha böyük nəcib işlərlə məşğul olur, həyata, vətəninə bağlılığı bütün gənclərə nümunədir. Etibar xoşbəxt gəncdir ki, öz fitri istedadı, qabiliyyəti ilə qısa vaxt ərzində geniş oxucu rəğbəti qazanmış, həmyaşıdlarından fərqlənməyi bacarmışdır.
Tədbirdə iştirak edə bilməyən görkəmli ədəbiyyatşünas alimlər video müraciət vasitəsilə Etibar Həsənzadənin yaradıcılığı və onun “Nəsimi” şeiri barədə öz yüksək fikirlərini çatdırıblar, haqqında xoş sözlər söyləyiblər.
Daha sonra Gəncə Dövlət Dram Teatrının aktyorları Nəsiminin qəzəllərini ifa ediblər.
Gənc şair Etibar Həsənzadə yaradıcılığına hər zaman diqqət və qayğı ilə yanaşdığı üçün Daşkəsən Rayon İcra Hakimiyyətinin başçısı Əhəd Abıyevə təşəkkürünü bildirib. Tədbirdən fotolar:

Elmar ƏLİYEV
Daşkəsən RİHBA-nın İctimai-siyasi və humanitar məsələlər
şöbəsinin müdir müavini – dini qurumlarla işin təşkilatçısı

Mənbə: Daşkəsən Rayon İcra Hakimiyyəti

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

NAZİM YAQİBOĞLU – NƏSİMİ

NƏSİMİ

(Nəsiminin 650 illiyinə)
****
“Ənəlhəq”söylədi,”Haqq mənəm ” dedi ,
Dinin keşiyində durdu Nəsimi .
Dönməz vüqarıyla , cəsarətiylə
Həyata möhrünü vurdu Nəsimi .
****
Qorxmadı , qorxunun daşını atdı ,
Mənsur Hüseyninin yolunu tutdu .
Ucaldı , ən uca məqama çatdı ,
Taxtını göylərdə qurdu Nəsimi .
****
Cəsarət olubdur dövləti , varı ,
Pozmadı heç zaman əhdi , ilqarı .
Candan artıq sevdi doğma diyarı ,
Vətəni , Milləti , Yurdu Nəsimi .
****
Fitrətdən yaranıb , açılmaz sirdi ,
Əvəz olunmazdı , təkcədi , birdi ,
Sınanmış ocaqdı , müqəddəs pirdi ,
Əbədi sönməyən nurdu Nəsimi .
****
Zəkası siğmadı bizim cahana ,
Böyük dəyər verdi kamil insana .
Yaşadı , yaratdı hey yana – yana ,
Alovdu , atəşdi , qordu Nəsimi .
****
Soyuldu , amma ki , ” Ağrımaz ” dedi ,
Şəhid olsam belə , ağrım az dedi .
Nə zalım sultana , şaha baş əydi ,
Nə də öz əhdini qırdı Nəsimi .
****
Dindən qaynaqlandı ilki , əzəli ,
Çaldı ürəyini Təbriz gözəli .
Ellərin dilində əzbər qəzəli ,
Rastdı , Çahargahdı , Şurdu Nəsimi .
****

12 . 03 . 2019.

Müəllif: NAZİM YAQUBOĞLU

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Sami Yusif – Nasimi (Nəsimi)

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

“İmadəddin Nəsimi – 40 qəzəl”

Bu gün noyabrın 12-də “Kitab Evi” İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə reallaşdırdığı “İmadəddin Nəsiminin farsca şeirlərinin Azərbaycan dilinə tərcüməsi və nəşri”layihəsi çərçivəsində “İmadəddin Nəsimi – 40 qəzəl” adlı kitabın və qəzəllərin səsləndirildiyi audiodiskin təqdimatını keçirib.

Layihənin rəhbəri “Kitab Evi” İctimai Birliyinin sədri, filologiya üzrə fəlsəfə doktoru Adilə Nəzərova tədbir iştirakçılarını salamlayıb, bu məsuliyyətli layihənin uğurlu nəticəsinə sevindiyini bildirib və kitab haqqında yığcam məlumat verib.

Kitabın redaktoru və ön sözün müəllifi tarixçi alim, şair Şahin Fazil tərcümə olunan qəzəlləri yüksək qiymətləndirib, qəzəllərin orijinal mətninin, sətri tərcüməsinin və bədii tərcüməsinin bir yerdə verilməsinin məqsədəuyğun olduğunu bildirib. Sonra qəzəlləri farscadan tərcümə edən Dalğa Xatınoğlu çıxış edərək Nəsiminin hürufizmi inkişaf etdirməklə insan ruhunun kamilləşməsinə aparan yolu izah etdiyini bildirib.

Təqdimatda alimlər, şairlər, yazıçılar, media nümayəndələri, oxucular; Səfər Alışarlı, Fazil Güney,  Məti Osmanoğlu, Hümeyir Əhmədov, Elçin Alıoğlu, İlqar Türkoğlu, İlahə Bayandur, Əli Şamil, Əkbər Qoşalı, Aləm Kəngərli, Mübariz Məsimoğlu, Əntiqə Qonaq, Aysel Xanlarqızı Səfərli, Narıngül Nadir, Xalidə Nuray, Süleyman Abdulla, Gülnar əhmədova və başqaları iştirak edərək, mövzu ilə bağlı çıxışlar ediblər. Onlar İ.Nəsiminin əxlaqi-didaktiv görüşlərini, dini-fəlsəfi baxışlrını tərənnüm edən qəzəllərindən bəhs ediblər, şairin əsərlərində ana xətt olan insan, kainat və bütövlükdə varlığın Allahla vəhdətdə olması ideyasından danışıblar. Tədbirdən fotolar:

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru