Səbahət Lənkəranlı

BAKI

Gəlmişəm hüsnünü görməyə sənin,

Sən mənim sevimli canımsan Bakı.

Nə qədər ömrüm var , istərəm sənsiz ,

Olmasın bir günüm, bir ayım Bakı .

Gəzib dolansam da bütün mahalı,

Mən , sən də görmüşəm əqli , kamalı .

Sənsən ürəyimdən silən məlalı,

Qurbandı yolunda bu canım Bakı.

Halal südündəndir bədəndə canım ,

Amalım, biliyim,fikrim, ərkanım.

Şanlı Vətənimsən Azərbaycanım,

Behiştim, cənnətim, rizvanım Bakı.

Bülbültək sevmişəm bahar çağını,

Gəzib dolanmışam bağça – bağını.

Gəlmişəm öpməyə gül yanağını,

İstərəm başına dolanam Bakı.

02.07.2019

Müəllif: Səbahət Ismayilova

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Səbahət Lənkəranlı

LƏNKƏRANIM

Səndən ayrı düşəndə mən,

Rahat olmur bir an canım.

Ürəyim sənə bağlıdır ,

Ana yurdum Lənkəranım.

Könlüm səni daim anar,

Sən olmasan cismim donar.

Sənsiz ürəyim dayanar,

Ana yurdum Lənkəranım.

Gül-çiçəkdir dörd bir yanın,

Göz oxşayır gülüstanın.

Ucalıbdır şöhrət-şanın,

Ana yurdum Lənkəranım.

Portağalın , limonun var,

Ətirlisən gözəl diyar.

Səndə ömrüm şən, bəxtiyar,

Ana yurdum Lənkəranım.

Bir tərəfin mavi dəniz,

Təbiətin əsrarəngiz

Sənsən mənə candan əziz,

Ana yurdum Lənkəranım.

03.06.2019.

Müəllif: Səbahət Ismayilova

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru