Zaur Ustac – Nə istəyim şeiri

Zaur Ustacdan bir şeir

NƏ İSTƏYİM

Mən vurğunam, qələm qaşa
Şux qamətin bir tamaşa,
Yanağında xallar qoşa,
Daha səndən nə istəyim?
* * *
Təkrarsızdı xətti-xalın
Al rəngi var, yanağının,
Qıvrım telin, qulac saçın,
Daha səndən nə istəyim?
* * *
Ustac deyər sözün düzün,
Nə əksilməz, öyməz özün,
İlham pərim qara gözün,
Daha səndən nə istəyim?

15.04.1991. Yusifcanlı.

Müəllif: Zaur Ustac

© Zaur USTAC,2019. Bakı.

WWW.YAZARLAR.AZ VƏ WWW.USTAC.AZ

ƏFSANƏ RƏVAN

Əfsanə Rəvan “üç yarpaq” – da

Ayağım düşməz

Mən biləni düz deyildi gedişin,
O getdiyin yer də sənə yaraşmır.
Sən olduğun yerin səmalarında,
Ulduzlarda bir-birinə qovuşmur.

Ta o vaxtdan söyləmişdim tələsmə,
Mənə qalsa qoymazdımki gedəsən.
Sən dirəndin getmək üçün əzizim,
Gedənlərə qapı açıq biləsən.

Bilirdinki məndən getmək yasaqdı,
Özün seçdin yasaqları pozmağı.
Mən də daha söz verirəm bu gündən,
Tərgidəcəm sənə şeir yazmağı.

Öz içimdə bitirdim e mən səni,
Yüz il keçə məni heçnə dəyişməz.
Bütün çıxmazlarla kəsişər yolum,
Sizin küçənizə ayağım düşməz.

<<<<əFSANƏ —- RƏVAn>>>>

Birdənəm

Sarılıram qorxulara, düşünürəm görəsən,
Hərdən içinə dolurmu məni atmaq istəyi?
Asta-asta, aram-aram yox oluram birdənəm,
Məni məndən aparıbdı, sənə çatmaq istəyi.

Dizlərimi qucaqlayıb küncə qonaq oluram,
Sus-pus olub yıxılıram sən düşəndə yadıma.
Yalvarıram, qayıt mənə, sənə vətən olaram,
Bizi bölən şəhərləri qurban elə adıma.

Hər şeyə öyrəşib üzüm şərə, böhtana belə,
Yıxılana zərbə vuran nə çox olurmuş adam.
Bilirsənmi, canımüçün düz deyirəm birdənəm,
Ruh bəndənnən ayrılmamış da, yox olurmuş adam.

Qayıt, içimdə bitməmiş, çölümdən çıxıb gedən,
Özgə evin ocağına qızınmaq olmaz heç vaxt.
Məndə sən var, səndə də mən ayıb olar birdənəm,
Başqa-başqa yataqlara uzanmaq olmaz heç vaxt.

<<<<ƏFSANƏ —- RƏVAN>>>>

Bax deyirəm

Bax deyirəm –
Mən olmasam pozulacaq,
həyatının düzəni.
Bağışlama, məndən başqa
Səni hər gün üzəni.
Mən olmasam tək dolaşma, 
gəzmə dar küçələrdə.
Şeir deyib, reqs eləmə,
mənsiz kar küçələrdə.

Dost-tanışla vaxt keçirib,
baş qatmağa çalışma.
Mən olmasam gecələri,
təkliyinlə barışma.
Yeddi binə yada çevir,
doğmaları, dostları.
Yağdır hər gün şərəfimə,
sağlıqları, tostları.

Çünki sən olmasan mənim,
qan donar damarımda.
Çünki sən olmusan mənim,
dövlətim də, varım da.
Səndən yana darıxmağ e,
məni sürüdü, yıxdı.
Bilirsənmi mənim üçün,
səndən sonrası yoxdu!

Bax deyirəm sən olmasan,
bu saçı süsən qadın.
Hər kəlmədən tez inciyib, 
hər sözdən küsər qadın.
Sən olmasan, bu qadının 
ruhu çəkilər şişə,
Bu kimsəsiz, tənha qadın 
bax beləcə, dəli kimi,
səni sevir həmişə.

Müəllif: ƏFSANƏ RƏVAN

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Mayıl Dostu – Belə sev…

Mayıl Dostudan bir şeir

BELƏ SEV, SEVƏNDƏ

“Sevirəm” kəlməsin gətirmə dilə,
Bu sözü o gözlər, baxışlar desin.
Barmaqlar toxunsun pərişan telə,
Üzündə sehirli naxışlar desin.
***
“Dərdindən ölürəm” demə, amandı,
Sevən ürəklərin dili lal olur.
Ürək pıçıltısın dil demir bəzən,
Him – cimlə sevişmək, inan, bal olur.
***
Ədəbi, kamalı yerli — yerində,
Riyadan çox uzaq düzünə vurul.
Sevgisi ürəkdə, eşqi dərində —
Qəlbinin aynası gözünə vurul.
***
Sevgində sadiq ol, dəyişmə, gülüm,
Seçilmək azarı tutmasın səni.
Sadəlik, dürüstlük sirdaşın olsun,
Bayağı görüntü udmasın səni.
***
Gözlərin sevgidən imtahan versin,
Həyalı üzünə riya qonmasın.
Dinən baxışların ürəyə girsin,
İsti baxışların, heç vaxt donmasın!

Müəllif: MAYİL DOSTU

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

QƏMƏR ANA – SÖZ

QƏMƏR ANADAN BİR ŞEİR 

MƏNİMLƏ BİR ÖMÜR, YAŞIYARSANMI?

Deyirsən sevirəm, inandım sənə, 
Vuruldum yar, sənin gülər gözünə,
Baldan dadlı şirin, şəkər sözünə,
Mən xoşbəxt edən, yar olarsanmı.?

Sən açılan gülsən, mən şeyda bülbül, 
Sənə aşiq olub, bu dəli könül, 
Çırpınır ürəyim, sevinir, gülür,
Mənimlə ömerlük yar, qalarsanmı?

Talehim qarşıma çıxardı səni, 
Mən səndə yar, tapdım məhəbbətimi,
Başıma tac etsəm, sevgilim səni, 
Mənimlə bir ömür, yaşıyarsanmı?

Gəl çıxaq seyrinə gülün, çəmənin, 
Qoxlayaq ətrini, tər bənövşənin, 
Laləli düzlərin, yaşıl meşənin, 
Gəzərək mənimlə, gül dərərsənmi?

Qəmərdə çox sevdi, vuruldu sənə,
Gözəlim sevirəm, cavab ver məmə,
Başıma tac etsəm, de söylə yenə,
Mənlə ömrü başa, de vurarsanmı?

Müəllif: Qemer Ana

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

BALAYAR SADİQ

sənə yazmadıqlarımı sənsizliyə yazdım…

SƏNSİZLİK MƏKTUBLARI

BİRİNCİ MƏKTUB

Sən gedən yolların baxışlarında,
Əcəl kəndiri tək yellənir həyat.
Səni pıçıldayır sinəmdə ölüm,
Gəl bu pıçıltını ətrinlə oyat.

Adın doluxsunub dodaqlarımda,
Cavabsız məktubdu gözümün yaşı.
Bir nəfəs yaxın gəl, ay ömrüm-günüm,
Gəl sənin zülmündən sənə danışım.

Fələyin daşları ağlar başımda,
Qançir-qançir olub bəxtin dizləri.
Sinəmə çəkdiyin dağlar başında,
Gülür sənsizliyin ayaq izləri…

...s ə n s i z l i k… سه نسیزلیک

İKİNCİ MƏKTUB

Sahildə can verən balıq kimidir,
Yanaqda çırpınan bir cüt göz yaşı.
Sənin saçlarının qaranlığında,
Mənim əllərimin azıb yaddaşı.

Yağışı başlayıb xatirələrin,
Varağın üstündə adın islanır.
Qiyamət odunu geyib əyninə,
Gözümdə bir misra qadın islanır.

Qərib oxşamadı, qərib ağıdır,
Bu yetim sevginin yetim sözləri.
Kövrək duyğuların hıçqırığıdır,
Dodaqda çırpınan dodaq izləri.

...s ə n s i z l i k… سه نسیزلیک

ÜÇÜNCÜ MƏKTUB

Susur qəmli-qəmli ayaq izlərin,
Yollar xəcalətdən baxmır üzümə.
Çiçəyi çırtlayıb ayrılıqların,
Bunu dərd eləyib ömrünü üzmə.

Ovcumda bir ovuc səsin üşüyür,
Əlim çatmır onu isidim bir az.
Axirət dünyası, Sirat körpüsü –
Mənə məktubları bu ünvana yaz.

Gözum lepələnən kədər dənizi,
Ümidim qəzaya düşən gəmidir.
Sənsizlik içində titrəyən bu yol,
Sahildə can verən balıq kimidir.

...s ə n s i z l i k… سه نسیزلیک

DÖRDÜNCÜ MƏKTUB

Dodaqda çırpınan dodaq izlərI
Dodağı qurumuş sözdü, sətirdi.
Küləyin üzündən öpürəm hər gün,
Bir ovuc ətrini bəlkə gətirdi.

Sənin həsrətindən köksünü tutub,
Varaqlar üstündə misra qıvrılır.
Gəl dinsiz könlümdə ibadətə bax,
Gah küfr eyləyir, gah namaz qılır,

Səbrin çöllərində can iməkləyir ,
Sinəmdə qanayib sözün ürəyi.
Ayrılıq alovu üşüdür yaman,
Açıb yaxasinı həsrət küləyi…

...s ə n s i z l i k… سه نسیزلیک

BEŞİNCİ MƏKTUB

Nazlanır ömrümün yolları üstə,
Ətrinə bələnmiş bir dəli misra.
Bu şeirirn içində duran adamın,
Bir əli- ayrılıq, bir əli- misra.

Dərd durub sinəmdə üzü qibləyə,
Üşüyür saçımda bir payız yolu.
Günahın gözündən öpüb gəlmişəm,
Bir misra gülümsə, qurbanın olum.

Səbrim çiliklənib, ahım dağılıb,
Sən gedən yolların dodağı üstə.
Əcəl varaqlayır göz yaşlarımı,
Sinəmə çəkdiyin bu dağın üstə.

...s ə n s i z l i k… سه نسیزلیک

ALTINCI MƏKTUB

Solub ilmə-ilmə ömür xalçası,
Solğun naxışların rəngi üşüyür.
Sənsiz işğal olmuş Vətən kimiyəm,
Ruhumda bir ovuc «Cəngi» üşüyür.

Arzular həsrətdən kövrəlib bu gün,
Yazım yazıq oldu, yazı yiyəsi.
Bəxtimi çöllərə salana söylə,
Bu ömrün içində azıb yiyəsi.

Payız yarpağı tək tökülüb illər,
Bircə naxışı da qalmadı vaxtın.
Görən qulağına nə pıçıldayım,
Açılsın ürəyi bu qara baxtın…

...s ə n s i z l i k… سه نسیزلیک

KAŞ SƏNƏ YAZAYDIM, SƏNSİZLİYƏ YOX….

Müəllif: BALAYAR SADİQ

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Adilə Nəzər – Söz

Adilə nəzərdən bir şeir

SƏNİ TANIMADAN…

Getdin, vaxt da keçmir baxmaqla şəklə,
Çoxumu apardın, qalıbdı azım.
İndi mən bu qırıq, yarım ürəklə,
Sənə xoş sözləri de necə yazım.

Gözümü silməyə əlim yetişmir,
Sanki, əllərimdə şüşə qırığı..
Bu qədər tezlikdə niyə tanıdım,
Səni tanımadan kor ayrılığı…

Göz yaşım bahadı, qızıldan baha,
Gizlədib gülürəm, – sanım, adım var. 
(Bir gizli qorxuda bürünüb aha, 
Aşkarda fədakar olur qadınlar..)

Gəlib məni tapdı dərd yapışmağa,
Başqa yaxa yoxdu dünyada sanki.
Yazıram… ayrı yer yox tapışmağa,
Boş ver, mən yaxşıyam, yenə həminki…

Həyatda hər kəsin bir taleyi var,
Mənim də həsrətə düşdü hər yanım..
Düzdür, olmasa da sevilmək qədər,
Səni anlamaq da gözəldi, canım.

Bilmirəm, nə idi yaşadıqlarım,
Duyğular yarandı belə dərindən.
Susuram, yenə də sən orda dinlə,
Burada səsimin batan yerindən.

09.08.2019

Müəllif: ADİLE NEZER

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

SEVİNC ARZULU

Sevinc ArzulUNUN SÖZ DÜNYASI

DÖNMÜŞƏM SƏNİN

O qədər suala cavab sordum ki,
Başını-beynini yaman yordum ki,
Gözümü açıb da bir də gördüm ki,
Ay aman, Leylinə dönmüşəm sənin.

Işıqla oynayar qara kölgələr,
Zülmətə qərq olar yaxın bölgələr
Könül dənizimdə mavi “bəlkələr”,
Ay güman, meylinə dönmüşəm sənin.

Zamanın səddini hey aşır ahım,
Yenə də hicranla dalaşır ahım.
Gözümün önündə dolaşır ahım,
Ay duman, xeylinə dönmüşəm sənin

= = = =

BİŞİRDİM

Deyiləsi sözlərimi,
Geyiləsi sözlərimi,
Yeyiləsi sözlərimi.
Mən çiy yapdım, 
kəm bişirdim.

Şahdağında, Murovunda,
Gecənin sərt qırovunda.
Ürəyimin alovunda,
Dərd yandırdım,
qəm bişirdim.

Şəbi-hicran bəstəsində,
Xan Kərəmin tüstüsündə,
Həsrətinin istisində,
Gün, ay, ili
cəm bişirdim.

= = = =

MƏNİM MƏHƏBBƏTİM

Baxışla qandırar səni,
Gözdü mənim məhəbbətim.
Toxunma yandırar səni,
Közdü mənim məhəbbətim.

Ürəyimdə yurd qurunca,
Yaşar bu dünya durunca.
Kim deyir ki, qupquruca,
Sözdü mənim məhəbbətim.

Bənzəməz ki,qara quşa,
Dönər gözəl qaranquşa.
Gülüm, neçə qara,qışa,
Dözdü mənim məhəbbətim.

= = = =

GÜLÜM

Vaxtsız sevda batar vüsal gölündə,
Nədən hicran düşər mənə bölümdə.
Kədər səhrasında, həsrət çölündə,
Quraram qüssədən alaçıq, gülüm.

Gözəl qız həmişə işvəkar olar,
Tez tora düşməyən ov, şikar olar.
Bir anda hamıya aşikar olar,
Duyğular səma tək apaçıq, gülüm.

Ulduzlar sayrışar ehtişam kimi,
Yanaram oduna qara şam kimi.
Qəlbimdə yurd salan arzu-kam kimi,
Sevdam da qalıbdır yarımçıq, gülüm.

Müəllif: SEVİNC ARZULU

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Həqiqət Həqiqi

DƏRMANSAN,DAƏVASAN, MƏLHƏMSƏN MƏNƏ…

ŞƏFASAN MƏNƏ

Sevgidən bihuşam, lap məst kimiyəm,
Eşqin şərabından sərməst kimiyəm,
Sən mənim bir hissəm, əzam kimisən,
Mən sənsiz əzizim, şikəst kimiyəm.

Dərmansan, dəvasan, məlhəmsən mənə,
Könlümün istəyi,şəfasan yenə,
Sənsiz yaşamağım mənasız olar,
Öpüşdən don biçdin eşqin əyninə.

İnan nəfəs kəsər sənsiz günlərim,
Sanki, yaşanmayıb sənsiz illərim,
Əzizim səninlə ətrini saçır, 
Könül bağçamdakı solğun güllərim.

Səsinə gəlmisən eşq harayının,
Rəssamı olmusan qəlb sarayımın,
Sevgi fırçasını alıb əlinə,
Şəklini yaratdın sən hər ayımın.

03.08.2019.

Müəllif: HƏQİQƏT HƏQİQİ

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

MƏMMƏD QƏDİR

sevgi şairindən sevgi şeirləri

Səndə mən

İşığında üzə çıxdım, Ayüzlüm,
Görünmürdüm dumanda mən, çəndə mən.
Anlamıram səhv edirəm, ya düzgün,
Bələdçiyəm bəlli olan kəndə mən.

Nə ətirli eşq cücərdi qışımdan,
Bir sevdalıq möhlət aldım daşımdan,
Boylananda papaq düşür başımdan,
Gör nə boyda ucalmışam məndə mən.

Necə çıxır baxanların cızdağı,
Bu ucalıq görənlərin göz dağı,
Damla-damla yoxa çıxıb buz dağı,
Allah, necə ərimişəm səndə mən.

Əridikcə candan çıxır acı su,
Gözdən axır ayağına uca su,
Şirinləşmir ayrılığın acısı,
Ha çəkirəm şəkərə mən, qəndə mən.

Eşq əzabı aşiq ömrün mabədi,
Saf sevgindi ürəyimin məbədi,
Qurban olum, bax, neynirsən Məmmədi,
Bu sevdada Tanrı sənsən, bəndə mən.

= = = =

Keçəcək

Gözlərinə de, daşmasın,
Su gecə məndən keçəcək.
Ehmallı ol, bulaşmasın,
Yu, gecə məndən keçəcək.

Keçən keçər, gül, ya ağla,
Dammaz qəlbə, batmaz ağla,
Qanadına işıq bağla,
Qu gecə məndən keçəcək.

Ruhumu yıxıb içimdən,
Ürəyim çıxıb içimdən,
Həyatım axıb içimdən,
Bu gecə məndən keçəcək.

Taleyim lək, bu gecə dən,
Güc edəcək bu gec edən,
Mən keçməsəm bu gecədən,
Bu gecə məndən keçəcək.

= = = =

Bu qədər olmaz

Hər şey mizanından çıxsa məhv olur,
Ayüzlüm, intizar bu qədər olmaz!
Həsrət keyf çəkir, ruhum qəhr olur,
Əzizim, dərd-azar bu qədər olmaz!

Gör nə ruhdan düşüb ruhun adamı,
Daha gecə doğur ruhumun danı,
Tökülər gecəyə ruhumun qanı,
Köynəyimə sızar,- bu qədər olmaz!

Susduğum sinəmdən min ah qoparar,
Savabı çəkənlər günah qoparar,
Qorxuram sevgini yuyub aparar,
Ağladıqca zar-zar, bu qədər olmaz!

Səbrim böyüdükcə kəsib soymuşam,
Qızdıran başıma cuna qoymuşam,
Vallah, sənsizlikdən cana doymuşam,
Adam candan bezar bu qədər olmaz.

Məmməd, yar dərdini yarıdana de,
Yarısın qüruba, yarı dana de,
Yara gücün çatmır, Yaradana de,
Vallah, giley-güzar bu qədər olmaz.

Müəllif: MEMMED QEDİR

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

GÜLSEN AKSOY

SEVGİ ŞEİRLƏRİ – Gülsen Aksoydan bir şiir

SOLUĞUM SENSİN 

Güneşin doğuyor can bana sen varken
Yaşamama neden o gülüşün derken .
Ruhuma ruhun 
oluyorsa çeken
Seni nasıl sevmem görmem sevgili.
Soluğum sensin.

Nefesim tükense soluğum bil sensin.
Gecelerimi tek aydınlatan sensin. 
Yel olan okşayan teni saran sensin.
Seni nasıl sevmem görmem sevgili. 
Soluğum sensin.

Yığınla taş,kaya engel olan dağlar.
Özlemim tükenmez gözler durmaz ağlar.
Baharlar gitmiş tek kalan karlı kışlar
Seni nasıl sevmem görmem sevgili.
Soluğum sensin.

Cehennemi,cennet tatlı yapan ruhlar. 
Can aşka sevdaya gönüllere şahlar.
Yaşansın vuslatlar bitsin artık ahlar.
Seni nasıl sevmem, görmem sevgili.
Soluğum sensin.

Aksoy geleceğin gün iple çekerim.
Banada bayram yar dönüşün beklerim. 
Aşkımız yücedir yola gül dökerim.
Ne zaman gelirsin söyle sevgili.
Soluğum sensin.

8/ 5 /2017
Müəllif: Gülsen Aksoy

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru