Zaur Ustac “DAĞLAR”-ı təqdim edərkən – “SARI AŞIQ ” ƏM

19 yanvar 2020 – ci il tarixində Badamdar qəsəbəsi BƏYOĞLU şadlıq sarayında “SARI AŞIQ ” adına sazlı – sözlü ədəbi məclisinin növbəti yığıncağı zamanı “Yazarlar” jurnalının təsisçisi və baş redaktoru şair -publisist Zaur Ustac Dədə Ələsgərin anadan olmasının 200 illiyi ilə əlaqədar yubiley tədbirləri çərçivəsində nəşr olunmuş “DAĞLAR” kitabını məclis iştirakçılarına təqdim etdi. Məhdud sayda kitablar bu günə qədər əldə etməmiş iştirakçlara hədiyyə olundu. Ustad aşıq – şair Adil Cəfakeş və araşdırmaçı yazar Niftalı Göyçəli kitab haqqında xoş sözlər dedi. 



“USTAC.AZ” FƏRDİ İNKİŞAF və YARADICILIQ PORTALI

<<<<XİDMƏTLƏR>>>>

Müəllif: Əminə Elsevər

USTAC.AZ 

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Mehman Göytəpəli

Bu gün – 18 yanvar- gözəl insan, səmimi dost, sevimli şair ‎Mehman Göytəpəlinin ad günüdür. Bu gün münasibəti ilə şairi təbrik edir , can sağlığı, uzun ömür, yeni-yeni yaradıcılıq uğurları arzu edirik!!! Ad gününüz mübarək, Mehman müəllim!!!

QEYD:

Yeri gəlmişkən sabah sevimli şair ‎Mehman Göytəpəlinin yeni kitabının təqdimatı olacaq. Giriş sərbəst. Gəlmək istəyənləri elanda qeyd olunan ünvanda gözləyirik:

ELAN !
Salam dəyərli saz – söz adamları və dəyərli saz – söz sevərlər :
“SARI AŞIQ ” adına sazlı – sözlü ədəbi məclisinin növbəti yığıncağı 19 yanvar 2020 – ci il tarixində saat 11 – 00 da Badamdar qəsəbəsi BƏYOĞLU şadlıq sarayında keçiriləcək. Məclisimizin bu sayı çox dəyərli insan, “HAQQIN SƏDASI ” qəzetinin , “MOLLA NƏSRƏDDİN ” jurnalının təsisçisi və redaktoru, “SƏDA” TV – nin rəbəri, “SARI AŞIQ “ƏM – nin bədii rəhbəri publisist , şair Mehman Göytəpəlinin doğum gününə və “İÇİMDƏN PAYIZ KEÇİB ” kitabının çap olunması ərəfəsinə təsadüf etdiyi üçün, məclisin bu sayında məclisdə Mehman Göytəpəli yaradıcılğından danışmaq qərarına gəldik.
Hər bir poeziyasevəri Mehman Göytəpəli poeziyasının işığına dəvət edirəm.
Məclisdə iştirak etmək istəyənlərin nəzərinə çatdırmaq istəyirəm ki, 53 nömrəli avtobusun istiqamət xəttində dəyişiklik olduğu üçün, ELMLƏR AKADEMİYASI metrosunun qarşısından 3 nömrəli avtobusla gəlib Badamdarda ARAZ MARKETİİN qarşısında düşüb yol aşağı BƏYOĞLU ŞADLIQ sarayına çox rahat gedə bilərlər. Ara məsafəsi təxminən 200metrə qədərdir.
Keçmiş Əzizbəyov heykəlinin yanından isə 53 nömrəli avtobusla gəlib düz BƏYOĞLU şadlıq sarayının qarşısında düşüb saraya daxil olsunlar.
20 yanvar və Azərbaycan nəşriyyatının qarşısından isə 29 nömrəli avtobusla gəlib həmin avtobusun son dayanacağında düşərək soruşub rahat şəkildə həmin ünvana gedə bilərsiniz. Ara məsafəsi təxminən 200metrə qədərdir.
İçəri şəhər istiqamətindən isə 31 nömrəli avtobusla gəlib Badamdarda 29 nömrəli avtobusun son dayanacaqda düşüb yenə soruşub rahat şəkildə həmin ünvana gedə bilərsiniz.
Göstərilən tarixdə və ünvanda məclis sizləri gözləyir.
Hər biriniz məclisə dəvətlisiz dəyərli saz – söz adamları.
Bu şəraiti bizim üçün yaradıb sarayın qapılarını üzümüzə taybatay açan sarayın rəhbəri Bəybala müəllimə və bütün əməyi olanları hər birinə öz adımdan və bütün məclis iştirakçıları adından təşəkkür edirəm.
Gəlməkdə çətinlik çəkənlər və maraqlananlar bu nömrə ilə mənimlə əlaqə saxlaya bilər.
070 233 30 79.

XÜSUSİ QEYD:

“DAĞLAR” almanaxının iştirakçılarından bu günə qədər kim əldə edə bilməyibsə, məhdud sayda kitab müəlliflərə hədiyyə olunacaq.


“USTAC.AZ” FƏRDİ İNKİŞAF və YARADICILIQ PORTALI

<<<<XİDMƏTLƏR>>>>

Təqdim edir: Zaur Ustac

USTAC.AZ 

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

“Missiya” kitabının təqdimatı keçirilib – Aynurə Əliyeva

Professor Mahirə Hüseynovanın ümummilli lider Heydər Əliyev şəxsiyyətinə mənəvi borcun və ehtiramın bariz nümunəsi olan “Missiya” kitabının təqdimatı keçirilib.

Bu gün – yanvarın 14-də Azərbaycan Dövlət Pedaqoji Universitetində (ADPU) Filologiya fakültəsinin dekanı, filologiya elmləri doktoru, professor Mahirə Hüseynovanın ümummilli lider Heydər Əliyevin çoxşaxəli ictimai-siyasi fəaliyyətinə, xüsusilə Azərbaycan dilinin qorunması və inkişafı, onun dövlət dili səviyyəsinə qaldırılması, xalqın ədəbiyyat və mədəniyyətinə, həmçinin ədəbiyyat və mədəniyyət xadimlərinə qayğısı ilə bağlı böyük bir dövrü-1969/87-ci illəri əhatə edən “Missiya” kitabının təqdimatı keçirilib.
Kitabın elmi redaktoru və ön sözün müəllifi akademik İsa Həbibbəyli, elmi məsləhətçisi tarix elmləri doktoru, professor Cəfər Cəfərov, rəyçiləri filologiya elmləri doktorları Himalay Qasımov və Buludxan Xəlilovdur.​ 
ADPU-nun Heydər Əliyev adına Lektoriyasında baş tutan təqdimatda universitet rəhbərliyi, professor və müəllim heyəti, AMEA-nın Ədəbiyyat İnstitutundan gələn qonaqlar iştirak edib.
Giriş sözü ilə tədbiri açıq elan edən ADPU-nun rektoru professor Cəfər Cəfərov ilk olaraq tədbir iştirakçılarını salamlayıb. Daha sonra Mahirə Hüseynovanın “Missiya” kitabının məziyyətlərindən söz açan professor Cəfər Cəfərov “iki ictimai-siyasi quruluşda Azərbaycana rəhbərlik edən” Heydər Əliyevin Azərbaycan iqtisadiyyatını möhkəmlətdiyini, onun şöhrətini, nüfuzunu yüksəklərə qaldırdığını​ tarixi faktlar və əsaslı dəlillərlə oxucuya çatdırılmasında müəllifin ustalığını nəzərə çatdırıb. O qeyd edib ki, professor Mahirə Hüseynova həyatın bütün sahələrində Ümummilli Liderin fəaliyyətini dialektik vəhdətdə götürür. Bir siyasi rəhbər kimi Heydər Əliyev strategiyasının uğurunu onun əvvəl dövlət yaratması, daha sonra​ ​ şəxsiyyətin mənəvi dəyərlərini uca tutmasında görür.​ 
Mahirə Hüseynova kitabda​ ümummilli lider Heydər Əliyevin ölçüyəgəlməz xidmətlərinin miqyasını və əhəmiyyətini uğurlu şəkildə təqdim edir və onun vahid ümumi məqsədə yönələn çoxşaxəli fəaliyyətinin əsas şaxələrindən birinin, Azərbaycanda elmin və təhsilin, ədəbiyyat və mədəniyyət mühitinin inkişafında oynadığı rolu faktlarla göz önündə canlandırır. Bu da həmçinin müəllifin Heydər Əliyev irsinə bağlılığından, bələdliyindən və sevgisindən irəli gəlir.​​ 
Professor Cəfər Cəfərov nəzərə çatdırıb ki, kitab gənc nəslə Azərbaycanın görkəmli dövlət xadimi, ümummilli lideri Heydər Əliyevin daha yaxından tanıdılması istiqamətində mühüm rol oynayacaq.​ 
ADPU-nun Elm və innovasiyalar üzrə prorektoru professor Asəf Zamanov milli ideologiyamızın yaranması və formalaşmasında Ulu Öndər Heydər Əliyevin xidmətlərindən geniş bəhs edib. O, professor Mahirə Hüseynovanın böyük siyasi rəhbərin ictimai fəaliyyətinə dərindən bələd olduğunu və odur ki, məqama uyğun olaraq müasir Azərbaycan dövlətçiliyinin banisi Heydər Əliyevin həyatından anoloji epizodlara yer verməklə gənc nəslə hər bir xalqın ali siyasi iradəsinin təzahürü olan dövləti qorumağın nə qədər​ həyati bir məsələ olduğunu xüsusi vurğulayır.
​ Müəllif dövlət xadimi və ədəbiyyatımızın layiqli nümayəndəsi Nəriman Nərimanova Bakının ən görməli yerində möhtəşəm abidə ucaltdıran Heydər Əliyevin​ heykəlin açılışında söylədiyi nitqini​ xatırlatmaqla ümummili liderin ədəbiyyata və ədəbiyyat xadimlərinə münasibətini, həmin münasibəti şərtləndirən qayğısını ölməz əməllərindən biri kimi diqqətə çəkir.
Çıxışının sonunda Asəf Zamanov qeyd etdi ki, “Missiya”​ Ümummilli Liderin siyasi-ictimai fəaliyyətindən bəhs edən uğurlu və faydalı bir kitabdır, bu münasibətlə o, professor Mahirə Hüseynovaya, həmçinin kitabın ərsiyə gəlməsində əziyyəti olan hər kəsə dərin təşəkkürünü bildirdi.​​ 
Sonra söz AMEA-nın Nizami Gəncəvi adına Ədəbiyyat İnstitutunun direktor müavini, filologiya elmləri doktoru, dosent Əlizadə Əsgərliyə verilib. O çıxış edərək “Missiya” kitabını bir neçə gün öncə əldə edib çox diqqətlə oxuduğunu, ümumi məlumat aldığını qeyd etdi. Əlizadə Əsgərli kitabın uğurlu alındığını bildirərək Mahirə Hüseynovanı təbrik etdi və kitab haqqında fikirlərini təqdimat iştirakçıları ilə bölüşdü.
Kitabın gənclik üçün elmi və mənəvi qaynaq olduğunu qeyd edən Əlizadə Əsgərli yeni nəslin belə kitabları öyrənməklə, onlardan qidalanmaqla özlərinin dövlətçilik, idarəetmə bacarıq və biliklərini zənginləşdirəcəklərini, məhz bu yolla gələcəkdə dövlətçiliyimizin idarə edilməsində layiqli yerlərini tutacaqlarına inandığını bildirdi. Kitabın gənclik üçün əhəmiyyətinin böyük olduğunu vurğulayan Əlizadə Əsgərli “Missiya” kitabının müəllifi Mahirə Hüseynovanın uğurunun bütövlükdə Azərbaycan Dövlət Pedaqoji Universitetinin uğuru olduğunu və bu münasibətlə Universitet əməkdaşlarını təbrik etdiyini söylədi.
ADPU Yeni Azərbaycan Partiyası təşkilatının sədri professor Himalay Qasımov isə çıxışında elmi yaradıcılığı ilə bədii yaradıcılığı üzvi sintez təşkil edən Mahirə Hüseynovanın Heydər Əliyevin Azərbaycan ədəbiyyatının inkişafı ilə bağlı fəaliyyətinin elmi-metodoloji yanaşmasına münasibət bildirib. Onun “insan qəlbinin mühəndisləri” olan​ zümrəyə – şairlərə, yazıçılara tövsiyəsini rəhbər missiyasının tutduğu yol kimi qiymətləndirən Himalay Qasımov çıxışında vurğulayıb ki, dünya türklərinin lideri sayılan Heydər Əliyev təkcə Azərbaycan dilinin qayğısına qalmaqla kifayətlənməmiş, müasir türk xalqlarını yaxınlaşdırmaq,​ onlar arasında mənəvi, mədəni, iqtisadi​ bağlılığı daha da dərinləşdirmək üçün çox işlər görmüşdür. Mahirə Hüseynova bu mənada Heydər Əliyevin Azərbaycana rəhbərlik etdiyi birinci dönəmdə olduğu kimi, müstəqil Azərbaycan Respublikasının Prezidenti olduğu dövrdə də Azərbaycan dilinin qorunub saxlanılması ilə yanaşı, onun inkişafı məsələsinə xüsusi önəm verməsini diqqətə çəkmişdir ki, bu da əsərin yüksək məziyyətlərindən sayılır.
Tədbirdə professor Zahid Xəlil, professor Yaqub Babayev, professor Elman Quliyev, dosent Nazilə Abdullazadə, dosent Bilal Həsənli çıxış edərək Ulu Öndərsiz yaşadığımız bir dövrdə Heydər Əliyevin xalqına həsr olunmuş həyat yolunun hələ çox səhifələrinin araşdırılması, hərtərəfli öyrənilməsi, siyasi-ictimai fəaliyyətinin ayrı-ayrı məqamlarının işıqlandırılmasına ehtiyac olduğunu, ümummilli liderin şəxsiyyəti və ruhu qarşısında müstəqil filologiya elmləri doktoru, professor Mahirə Hüseynovanın “Missiya” kitabını sədaqət və fədakar xidmətin bariz nümunəsi adlandırıblar.
Tədbirdə müəllif – professor Mahirə Hüseynova çıxış edərək təqdimatda iştirak edən və kitabın ərsəyə gəlməsində əməyi keçən hər kəsə minnətdarlığını bildirib, Ulu Öndərin şəxsiyyətinə mənəvi borcun və ehtiramın bariz nümunəsi olan “Missiya” kitabının geniş oxucu kütləsi tərəfindən maraqla qarşılaşacağına və gənc nəslə faydalı olacağına inandığını vurğulayıb.
Tədbirin sonunda təqdimat iştirakçılarına müəllifin imzası ilə “Missiya” kitabı hədiyyə edilib və xatirə şəkli çəkdirilib. Tədbirdən fotolar:

Mənbə: Aynurə Əliyeva

“WWW.USTAC.AZ” BURADA : >>>>>>>>  WWW.USTAC.AZ

Qeyd:

Keçid tam təhlükəsiz və pulsuzdur: >>  WWW.USTAC.AZ

Zahid Sarıtorpaqdan yeni kitab

Bu gün “Kitabevim.az” da yazıçı Zahid Sarıtorpağın “Quşların intiharına ağlamayın” kitabının təqdimatı olub. Tədbirdən fotolar:

Mənbə: Gülnar Əhmədova

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Milli Kitabxanada təqdimat

Bu gün – 24 dekabr 2019 cu il tarixində – Milli Kitabxanada Azərbaycan Respublikasının Mədəniyyət Nazirliyi və Milli Kitabxana birgə yazıçı-publisist, professor Hüseynbala Mirələmovun Böyük Azərbaycan şairi İmadəddin Nəsiminin 650 illik yubileyinə həsr olunmuş “Son səfər” povestinin,  Azərbaycan Milli Kitabxanasının “Azərbaycanın görkəmli şəxsiyyətləri” seriyasından professor Kərim Tahirovun elmi redaktorluğu ilə nəşr olunmuş “İmadəddin Nəsimi. Biblioqrafiya” kitabının və “İmadəddin Nəsimi–650” Elektron məlumat bazasının təqdimat mərasimini keçirib.

Tədbiri giriş sözü ilə açan Azərbaycan Milli  Kitabxanasının direktoru, professor Kərim Tahirov çıxışında bu gün təqdimatı keçirilən kitabların əlamətdar günə, möhtərəm Prezidentimiz cənab İlham Əliyevin doğum gününə təsadüf etdiyini söyləyib və ölkə rəhbərinə xoş arzularını ifadə edib. İmadəddin Nəsiminin ədəbi irsinin dövlətimiz tərəfindən yüksək qiymətləndirildiyini söyləyən Prof. Kərim Tahirov ulu öndər Heydər Əliyevin təşəbbüsü ilə 1973-cü ildə UNESCO səviyyəsində Nəsiminin 600 illik yubileyinin, Azərbaycanın Birinci vitse-prezidenti Mehriban xanım Əliyevanın təşəbbüsü ilə 2017-ci ildə, Parisdə UNESCO-nin baş qərargahında Nəsiminin vəfatının 600 illiyinin, 2018-ci ildə Heydər Əliyev Fondunun vitse-prezidenti Leyla Əliyevanın təşəbbüsü ilə ölkəmizdə ilk dəfə Nəsimi İncəsənət Festivalının, o cümlədən 2019-cu ildə Azərbaycan Respublikasının Prezidenti cənab İlham Əliyevin müvafiq sərəncamlarına əsasən respublikamızda və onun hüdudlarından kənarda Nəsiminin 650 illik yubileyinə və “Nəsimi ili”nə  həsr olunmuş geniş miqyaslı tədbirlərin keçirilməsinin mühüm əhəmiyyət daşıdığını, böyük mütəfəkkir İmaddən Nəsiminin Azərbaycan şairi kimi dünyada tanıdılmasında xüsusi rolu olduğunu qeyd edib.

Prof. Kərim Tahirov çıxışında qeyd edib ki, “Nəsimi ili” çərçivəsində böyük mütəffəkkirin zəngin ədəbi irsini əks etdirən nəfis tərtibatda kitablar nəşr olunub, o cümlədən Milli Kitabxana tərəfindən “Mədəni sərvətlərimizin vətənə qayıdışı” layihəsi üzrə dünyanın bır sıra ölkələrindən İmadəddin Nəsiminin 30-a yaxın əlyazmaları, eyni zamanda Nizami Gəncəvinin 3 əlyazmasının surətləri əldə edilib və orijinallığı qorunaraq nəfis tərtibatda çap edilib. Bu layihənin davamı olaraq Sankt-Peterburqda olan Azərbaycanın görkəmli şəxsiyyətlərinin əsərlərinin nadir nüsxələri, qiymətli əlyazmalarının və digər materialların, o cümlədən klassik Azərbaycan yazıçı və şairlərinin əlyazmalarının və XIX-XX əsrin əvvəllərində çap olunmuş dövri mətbuat materiallarının araşdırılaraq siyahısının tərtib olunmasına başlanılıb. Professor çıxışında Milli Kitabxana tərəfindən eyni zamanda “Nəsimi ili”nə töhfə olaraq “Azərbaycanın görkəmli şəxsiyyətləri” seriyasından İmadəddin Nəsimi fundamental biblioqrafiyasının nəşr edildiyini və “İmadəddin Nəsimi–650” elektron məlumat bazasının hazırlanaraq geniş ictimaiyyətə təqdim edildiyini söyləyib.

Prezident İlham Əliyevin doğum günündə belə təqdimatın keçirilməsini yüksək qiymətləndirən Mədəniyyət naziri Əbülfəs Qarayev deyib ki, bu gün ölkə başçısının uğurlu daxili və xarici siyasəti nəticəsində Azərbaycan dünya səviyyəsində nümunəyə çevrilib, regionun qabaqcıl dövlətləri sırasındadır. Tədbir iştirakçıları adından ölkə başçısını təbrik edən nazir 2019-ci ilin “Nəsimi ili” elan olunmasını bütövlükdə mədəniyyətimizin uğuru kimi dəyərləndirib.

Ölkə rəhbərliyi səviyyəsində Nəsimi yaradıcılığına daim diqqət göstərildiyini deyən nazir 1973-cü ildə ulu öndər Heydər Əliyevin təşəbbüsü ilə İmadəddin Nəsiminin 600 illik yubileyinin UNESKO səviyyəsində qeyd olunduğunu bildirib. Qeyd edib ki, ümummilli liderin qətiyyəti sayəsində Bakıda Nəsiminin heykəli ucaldılıb, bədii film çəkilib, metro və rayon şairin adına adlandırılıb, onun əsərləri ana dilində kütləvi çap olunub.

Müstəqillik dövründə isə Prezident İlham Əliyevin imzaladığı sərəncamların şairin əsərlərinin çapında, dünyada təbliğində mühüm rol oynadığını söyləyən Mədəniyyət naziri ölkə rəhbərliyinin təşəbbüsü ilə Nəsimi irsinin daha geniş şəkildə tədqiq və təbliğ olunduğunu söyləyib.

Əbülfəs Qarayev deyib ki, “Nəsimi ili” çərçivəsində silsilə tədbirlər davam edir. “Nəsimi ili”nə töhfə olan daha bir incəsənət layihəsi dekabrın 27-də təqdim olunacaq. Həmin gün Heydər Əliyev Sarayında görkəmli bəstəkar, Xalq artisti, professor Firəngiz Əlizadənin “Nasimi passion” əsəri əsasında vokal-xoreoqrafik tamaşanın nümayişi nəzərdə tutulub. “İmadəddin Nəsimi. Biblioqrafiya”sının hazırlanmasını “Nəsimi ili”nə dəyərli töhfə hesab edən nazir vurğulanıb ki, bu il Nəsimi ilə bağlı çap olunan əsərlər içərisində tanınmış yazıçı Hüseynbala Mirələmovun “Son səfər” povesti də xüsusi yer tutur.

Daha sonra İmadəddin Nəsimi haqqında qısa film nümayiş edilib.

AMEA-nın Əlyazmalar İnstitutunun direktoru, akademik Teymur Kərimli çıxışında bildirib ki, “Nəsimi ili” çərçivəsində təkcə AMEA-da 30-a yaxın kitab çap olunub və həmin kitablarda Nəsiminin yaşadığı dövrdən və özündən sonrakı nəsillərə nüfuz edən fəlsəfi ideyaları öz əksini tapıb. Akademik çıxışında onu da qeyd edib ki, Azərbaycan xalqının ölməz humanist şairi İmadəddin Nəsimiyə həsr olunmuş bu kitabların gələcək nəsillərə ərmağan olacaq və nə qədər ki, Azərbaycan xalqı var, Nəsimi bu gün də, sabah da yaşayacaq.

Azərbaycanda Atatürk Mərkəzinin direktoru, akademik Nizami Cəfərov çıxışında İmadəddin Nəsiminin zəngin yaradıcılığından söhbət açaraq, onun yaradıcılığında həm özünün şəxsiyyəti, ideologiyası, həm də dili və milli mənəvi mənliyinin dayandığını  qeyd edib. Akademik onu da qeyd edib ki, Azərbaycan, fars və ərəb dillərində çoxsaylı əsərlərin müəllifi olan Nəsiminin yaradıcılığını dilçilik, eləcə də Azərbaycan türkcəsinin tarixini öyrənmək baxımından xüsusi əhəmiyyətə malikdir.

Milli Məclisin deputatı, professorHadı Rəcəbli, “Azərbaycan qəzeti”nin baş redaktoru, Milli Məclisin deputatıBəxtiyar Sadıqov, Azərbaycan Yazıçılar Birliyinin katibi, “525-ci qəzet”in baş redaktoru Rəşad Məcid, Əməkdar elm xadimi, professor Qəzənfər Paşayev, AMEA-nın Z.Bünyadov adına Şərqşünaslıq İnstitutunun şöbə müdiri, filologiya üzrə fəlsəfə doktoru Səadət Şıxıyeva, Nəsimi adına Dilçilik İnstitutunun direktoru, akademik Möhsün Nağısoy və prof. Rüstəm Kamal  çıxış edərək Seyid İmadəddin Nəsiminin zəngin ədəbi irsindən geniş söhbət açaraq, Nəsiminin böyük söz sənətkarı və mütəfəkkiri olaraq, bir çox türk xalqlarının ədəbiyyatı və poeziya dilinə güclü təsir göstərdiyini söyləyiblər. Natiqlər Milli Kitabxananın “Azərbaycanın görkəmli şəxsiyyətləri” seriyasından nəşr etdiyi “İmadəddin Nəsimi. Biblioqrafiya”sını fundamental nəşr adlandırıb, eyni zamanda Hüseynbala Mirələmovun “Son səfər” povestində şair-mütəfəkkir Nəsimini hər şeydən əvvəl XX əsrin ikinci yarısının ədəbiyyatında yaradılmış ideal insandan daha çox təbii və real kamil insan kimi təsvir edildiyini bildiriblər.

Yazarlar adından tədbirin gedişi zamanı şair – publisist Zaur Ustac tərəfindən müəlliflərə “Ziyadar” mükafatı təqdim edilib.

Daha sonra Milli Kitabxananın “Elektron Kitabxananın İnkişafı şöbəsi”nin əməkdaşları tərəfindən hazırlanmış “İmadəddin Nəsimi–650” elektron məlumat bazası şöbənin müdiri Rübabə Səfərova tərəfindən təqdim edilib.

Gənc şair Sevindik Nəsiboğlu İmaddədin Nəsimiyə həsr etdiyi şeiri ifa edib.SondaYazıçı-publisist, professor Hüseynbala Mirələmov çıxış edərək Azərbaycan Respublikasının Mədəniyyət Nazirliyinə, Azərbaycan Milli Kitabxanasının kollektivinə təşəkkürünü bildirib. 

TƏDBİRDƏN FOTOLAR:

Fotoqraf: Fərrux Səfəroğlu

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Hüseynbala Mirələmov

Azərbaycan Respublikasının Mədəniyyət Nazirliyi və Milli Kitabxana birgə yazıçı-publisist, professor Hüseynbala Mirələmovun Böyük Azərbaycan şairi İmadəddin Nəsiminin 650 illik yubileyinə həsr olunmuş “Son səfər” povestinin,  Azərbaycan Milli Kitabxanasının “Azərbaycanın görkəmli şəxsiyyətləri” seriyasından nəşr etdiyi “İmadəddin Nəsimi. Biblioqrafiya” kitabının və “İmadəddin Nəsimi–650” Elektron məlumat bazasının təqdimat mərasimini keçirəcəkdir.Tədbir 24 dekabr 2019-cu il tarixində saat 15:00-da Azərbaycan Milli Kitabxanasında keçiriləcəkdir .

İLKİN MƏNBƏ: Milli Kitabxanada yazıçı-publisist, professor Hüseynbala Mirələmovun Böyük Azərbaycan şairi İmadəddin Nəsiminin 650 illik yubileyinə həsr etdiyi “Son səfər” povestinin, “İmadəddin Nəsimi. Biblioqrafiya” kitabının və “İmadəddin Nəsimi–650” Elektron məlumat bazasının təqdimat mərasimi keçiriləcək – AMK (ANL)

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

“Kitab Evi” təqdim etdi

“KİMLƏR KEÇDİ SƏNDƏN QILINCLI YOLU”

Bu gün “Kitab Evi” İctimai Birliyinin təşkilatçılığı ilə  Mirheydar Sadiqin (Abbasov) “KİMLƏR KEÇDİ SƏNDƏN QILINCLI YOLU” adlı şeirlər kitabının təqdimatı keçirilib.

Təqdimatı Birliyin rəhbəri,  filologiya üzrə fəlsəfə doktoru Adilə Nəzərova açıb və kitab haqqında fikirlərini qeyd edib.

Tədbirdə şair, publisist Alim Gülmalıyev və Şəmsəddin Canıyev şairin ümumi yaradıcılığı haqqında məruzə ediblər.

Tədbirdə tanınmış yazıçı Səfər Alışarlı, şairlərdən Ayaz Arabaçı, kitabın ön söz müəllifi şair Mehman Göytəpəli, Təvəkkül Yadigar, Lilpar Cəmşidqızı, Amaliya Murad, Aləm Kəngərli, Akif Hacıyev, Fatima Kamranzadə və b. cıxış ediblər. Çıxış edənlər Müasir Azərbaycan poeziyasının keçdiyi yoldan, bu yolda hər şairin özünəməxsus izindən və orada Mirheydar Sadiqin də vətənpərvər, sosial tələbatlara cavab verən şeirlərinin xüsusi yeri olduğunu vurğulayıblar.  

A.Nəzərova çıxışlararası şairin şeirlərini səsləndirib.

Mirheydar Sadiq öz növbəsində iştirakçıları salamlayıb, qarşıdan gələn yeni ildə illərdir üzünü duman, çən örtən Qarabağ torpağına Günəşin doğmasını arzulayıb, müəllif eyni zamanda gələn qonaqlara poetik nümunələrlə öz dərin təşəkkükürü bildirib. 

Tədbirin sonunda xatirə şəkilləri çəkilib:

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Qələndər Xaçınçaylı “Vintsas” Mükafatına layiq görüldü

zərbaycan Yazıçılar Birliyinin Natəvan klubunda tanınmış jurnalist, şair-publisist Qələndər Xaçınçaylının “Dəyişmirik” kitabının təqdimatı keçirildi. Tədbiri filologiya üzrə elmlər doktoru, folklorşünas İslam Sadıq açraq bu gün tanınmış və istedadlı şair Qələndər Xaçınçaylının ”Dəyişmirik” adlı yeni kirabının işığına yığışdığını dedi: “Sözügedən kitaba son dövürlərdə qələmə aldığı şeirləri və “Dəyişmirik” poeması daxil edilib.

Müəllif müasirlərinin və eləcə də bütövlükdə yeni dünya adamının düşüncə aləminə nüfuz etməyə çalışır. Bu aləmdə duyduqlarını poetik sözə çevirir. Q. Xaçınçaylının poeziya dili rəvan və aydındır. Fikirləri başadüşülən, qavranılandır, O, şeirlərində publisistikada olduğu kimi, öz oxucuları ilə birbaşa danışa bilir. Qələndərin özü kimi şeirləri də saf və bütövdür. Onun yaradıcılığının əsas qayəsini  Qarabağ dərdi, yurd həsrəti. bu gün işğal altında qalmış doğulduğu Ağdam yanğısı  təşkil edir. Bir sözlə, Qələndər vətənpərvər şairdir”.

Ədəbiyyatşünas, tənqidçi alim Qurban Bayramov söylədi ki, Qələndər Xaçınçaylı Kolanı elində doğulub, böyük bir nəslin övladıdır: “Babası Behbud kişi müsavatçı olub. Ona “Kolanı Behbud” deyə müraciət edərdilər, çox qorxmaz kişi olub. Rus imperiyasına, bolşeviklərə qarşı vuruşub. Azərbaycan Cümhuriyyətinin yaradılmasında bir cəsur döyüşçü kimi, o kişinin də böyük xidmətləri olardı. Erməni daşnakları onun adından qorxardılar. Qələndər də babası kimi mərddir, istedadlı şairdir. Keçən əsrin 80-ci illərindən ədəbiyyata gəlib. Qələndər Xaçınçaylı öz yazılarında aktual mövzulara, düşündürücü problemlərə toxunur, milli-mənəvi dəyərlərin carçısı kimi çıxış edir. Şeirlərində də belədir. O həmişə çalışır ki, mühüm əxlaqi-mənəvi məsələlərə toxunsun… Qələndər Xaçınçaylı bütün varlığı, ruhu ilə şairdir. Onun qələmi milliliyimizin, dövlətçiliyimizin, müstəqilliyimizin möhkəmlənməsinə, milli-mənəvi dəyərlərimizin qorunmasına xidmət edir. Mən Qələndərin Azərbaycan Respublikası  Cümhuriyyətinin yaradılmasının 100 illiyinə həsr elədiyi “Güllə işığında” povestinə ön söz yazmışam. Hadisələr 20 Yanvar qırğını günlərində və erməni işğaıçıları ilə Qarabağda gedən bölgələrində cərəyan edir. Çox gözəl bir əsərdir. Qələndərin yaradıcılığının böyüklüyü ondan ibarətdir ki, müasirliyi ilə seçilir, köhnəlikdən çox uzaqdır, yaradıcılığına yenilik gətirib. Real hadisələrdən yazır. Həyatda olan insanlardan yazır, adlarını da olduğu kimi göstərir. Bu da hər bir oxucuda xoş təəssürat yaradır.

Bir sözlə, səmimiyyət, saflıq, vətənpərvərlik duyğuları onun şeirlərinin əsas leytmotividir. Bununla yanaşı, Vətən həsrəti, Qarabağ dərdi şairin  yaradıcılığının ana xəttini, mənəvi qatını rəşkil edir”.

Onu da qeyd edək ki, təqdimatda  professor Qurban Bayramov çox şirin və munis söhbəti, qəlbəyatımlı nitqi ilə Natəvan klubunda Qarabağ əhval-ruhiyyəsi yaratdı. Qurban müəllim Qələndər Xaçınçaylının yaradıcılığını təhlil etməklə yanaşı, tariximizə, mənəvi dəyərlərimizə də toxunaraq, yaxın-uzaq keçmişə qayıtdı, əzəmətli və möhtəşəm məkanı – Ağdamı gözlərimizin önündə canlandırdı. Şuşadan söhbət saldı, Xan əmini xatırladı, sanki bir daha hansı yurdu erməni tapdağında qoyduğumuzu bizlərə bəyan etdi…

Söz adamlarından Ramiz Məmmədzadə, Allahverdi Eminov, Musa Ələkbərli, Hikmət Xudiyev, AYB Sumqayıt bölməsinin sədri Gülnarə Cəmaləddin,Təranə Məmməd, Maşallah Məftun, Zaur Ustac, Sərvaz Hüseynoğlu  və başqaları Qələndər Xaçınçaylının yaradıcılığından söz açdılar, şeirlərinin özəl xüsusiyyətlərini qeyd etdilər.

Sonda şair – publisist Zaur Ustac yazarlar adından Qələndər Xaçınçaylıya “Vintsas” mükafatını təqdim etdi.

Olduqca maraqlı və digər analoji tədbirlərdən xüsusi ab-havası ilə fərqlənən məclis (bütün çıxış və söhbətlər, demək olar ki, Qarabağ, Vətən mövzusu üzərində qurulmuşdu) Qələndər Xaçınçaylının şeirlərindən nümunələr səsləndirilməsi ilə başa çatdı. Kitablar imzalandı, xatirə şəkilləri çəkdirildi.

Müəllif: Azad Əliyev

MƏNBƏ:Hafta.az – Onlayn  ictimai-siyasi  qəzet (22.11.2019) Azad Əliyev

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Qələndər Xaçınçaylı “Dəyişmirik” kitabı

Bu gün -noyabrın 14-də Azərbaycan Yazıçılar Birliyinin Natəvan klubunda tanınmış jurnalist, şair-publisist Qələndər Xaçınçaylının “Dəyişmirik” kitabının təqdimatı keçirildi. Filologiya üzrə elmlər doktoru, folklorşünas İslam Sadığın moderatorluğunda keçən möhtəşəm tədbirdə görkəmli alimimiz Qurban Bayramov, söz adamlarından Ramiz Məmmədzadə, Allahverdi Eminov, Musa Ələkbərli, Təranə Məmməd, Maşallah Məftun, Zaur Ustac, Sərvaz Hüseynoğlu, Gülnarə Cəmaləddin, Hikmət Xudiyev və başqaları Qələndər Xaçınçaylının yaradıcılığından söz açdılar, şeirlərinin özəl xüsusiyyətlərini qeyd etdilər.

Qələndər Xaçınçaylının “Dəyişmirik” kitabının təqdimatında Qurban Bayramovun çıxışı isə daha çox yadda qalan oldu. Çox şirin və munis söhbəti, qəlbə yatımlı nitqi ilə o Natəvan klubunda Qarabağ əhval-ruhiyyəsi yaratdı. Qurban müəllim Qələndər Xaçınçaylının yaradıcılığını təhlil etməklə yanaşı tariximizə, mənəvi dəyərlərimizə də toxunaraq yaxın-uzaq keçmişə qayıtdı, əzəzmətli və möhtəşəm məkanı – Ağdamı gözlərimizin önündə canlatdı. Şuşadan söhbət saldı, Xan əmini xatırladı. Sanki bir daha hansı yurdu erməni tapdağında qoyduğymuzu bizlərə bəyan etdi…

Sonda şair – publisist Zaur Ustac yazarlar adından Qələndər Xaçınçaylıya “Vintsas” Mükafatını təqdim etdi.

Olduqca maraqlı və digər anoloji tədbirlərdən xüsusi abu-havası ilə fərqlənən məclis (bütün çıxış və söhbətlər demək olar ki, Qarabağ, Vətən mövzusu üzərində qurulmuşdu) Qələndər Xaçınçaylının şeirlərindən nümunələr səsləndiriməsi ilə başa çatdı. Kitablar imzalandı. Xatirə şəkilləri çəkdirildi. Tədbirdən fotolar:

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

“İmadəddin Nəsimi – 40 qəzəl”

Bu gün noyabrın 12-də “Kitab Evi” İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə reallaşdırdığı “İmadəddin Nəsiminin farsca şeirlərinin Azərbaycan dilinə tərcüməsi və nəşri”layihəsi çərçivəsində “İmadəddin Nəsimi – 40 qəzəl” adlı kitabın və qəzəllərin səsləndirildiyi audiodiskin təqdimatını keçirib.

Layihənin rəhbəri “Kitab Evi” İctimai Birliyinin sədri, filologiya üzrə fəlsəfə doktoru Adilə Nəzərova tədbir iştirakçılarını salamlayıb, bu məsuliyyətli layihənin uğurlu nəticəsinə sevindiyini bildirib və kitab haqqında yığcam məlumat verib.

Kitabın redaktoru və ön sözün müəllifi tarixçi alim, şair Şahin Fazil tərcümə olunan qəzəlləri yüksək qiymətləndirib, qəzəllərin orijinal mətninin, sətri tərcüməsinin və bədii tərcüməsinin bir yerdə verilməsinin məqsədəuyğun olduğunu bildirib. Sonra qəzəlləri farscadan tərcümə edən Dalğa Xatınoğlu çıxış edərək Nəsiminin hürufizmi inkişaf etdirməklə insan ruhunun kamilləşməsinə aparan yolu izah etdiyini bildirib.

Təqdimatda alimlər, şairlər, yazıçılar, media nümayəndələri, oxucular; Səfər Alışarlı, Fazil Güney,  Məti Osmanoğlu, Hümeyir Əhmədov, Elçin Alıoğlu, İlqar Türkoğlu, İlahə Bayandur, Əli Şamil, Əkbər Qoşalı, Aləm Kəngərli, Mübariz Məsimoğlu, Əntiqə Qonaq, Aysel Xanlarqızı Səfərli, Narıngül Nadir, Xalidə Nuray, Süleyman Abdulla, Gülnar əhmədova və başqaları iştirak edərək, mövzu ilə bağlı çıxışlar ediblər. Onlar İ.Nəsiminin əxlaqi-didaktiv görüşlərini, dini-fəlsəfi baxışlrını tərənnüm edən qəzəllərindən bəhs ediblər, şairin əsərlərində ana xətt olan insan, kainat və bütövlükdə varlığın Allahla vəhdətdə olması ideyasından danışıblar. Tədbirdən fotolar:

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru