Buzlu suların qonağı

Rövşən Abdullaoğlu:

“Antarktida səyahəti insana daha bir sahədə öz sərhədlərini aşmaq fürsəti verir: arzu etsən, buzlu okean sularına baş vura bilərsən.

110 nəfərlik komandamızdan cəmi on nəfər suya girməyə razılıq verdi. Təlim zamanı baş verə biləcək fəsadları izah etmişdilər: soyuqdan insanda qəfil qıcolma, yaxud ürək tutması baş verə bilər. Bir sözlə, hazırlıqsız adam qəfildən buzlu suya yıxılsa, sadəcə ölə bilər. Ancaq həkimlər mənə səhhətimin bununçün uyğun olduğunu demişdilər.

Hər kəsin belindən kəndirlə bağladılar ki, ehtiyac olsa, dərhal sudan çıxara bilsinlər. Qayıqda iki nəfər xilasedici də kömək üçün hazır idi. Suyun neçə dərəcə olduğunu dəqiq bilmirəm, ancaq gəmidə termometr havanın -4`C olduğunu göstərirdi.

İlk anda nə hiss etdim? Bədənin sənə tabe olmaqdan imtina edir. Buz kimi su bütün bədəninə sarmaşır və bütün əzələlərin qıc olur, yandığını, yoxsa donduğunu ayırd edə bilmirsən. Ürək şiddətlə döyünür, nəfəsalma çətinləşir. Çətinliklə də olsa, əllərimi tərpətməyi bacardım, bədənimdə hərəkət yarandı. İçimdə bir əminlik baş qaldırdı, sanki bir qədər də cəhd etsəm, artıq üzə bilərmişəm.

Bəzən deyirlər ki, filan iş mənim arzumdur, məqsədimdir. Yox, belə bir düşüncəm yox idi, mən sadəcə fürsət düşmüşkən öz sərhədlərimi yoxlamaq, bu təcrübəni da yaşamaq istədim. Çox fərqli bir hiss idi, sözlə tamlıqla ifadəsi də çətindir. Sudan çıxdıqdan sonra qəribə bir gümrahlıq yaranır. Yenidən baş vurmaq istədim, bu dəfə icazə vermədilər. Çox maraqlı, unudulmaz təcrübə idi.”

Rövşən Abdullaoğlu South Pole, Antarctica adlı yerdədir.

 Amundsen-Scott South Pole Station, Antarktida · 

Okeanda çimənlərə özəl barbekü qonaqlığı

Özü də açıq havada. Zarafat edirəm, sırf bizə özəl deyildi, hər kəs iştirak edirdi.

Aşpazımız Cənubi Afrika Respublikasındandır. Onunla elə ilk günlərdə tanış olduq. Biləndə ki, biz Afrikada olmuşuq, çox sevindi. Necə bir hissdirsə, bu buzlar ölkəsində belə insanlar özlərinə bir köynək yaxın birini görən kimi istər-istəməz ona qarşı nəsə fərqli bir mehribanlıq bir doğmalıq hiss edirlər; bizim bu aşpaz da sanki özünə həmvətən tapmışdı, minlərlə kilometr uzaqdakı bu gəmidə onun vətənini tanıyan, vətəni barədə danışa biləcəyi insanlara rast gəldiyi üçün sevinirdi.

Səfər boyu onunla tez-tez görüşmək imkanımız oldu. Bizi Cənubi Afrikaya dəvət etdi. Oradakı görməli yerlər barəsində elə maraqla danışdı ki, artıq düşünürəm, bir dəfə də oralara getmək lazımdır.

O gündən bəri aşpazımız bizi möhtəşəm əl qabiliyyəti ilə təəccübləndirməyə davam edir. Demək olar ki, hər dəfə ofisiantlar bizə “şefdən özəl” yeməklər gətirirlər. Səfərdən 7-8 ay əvvəl bütün səyyahlar üçün menyu tərtib olunur və hər kəs öz rasionunda üstünlük verdiyi qidaların siyahısını yazır. Biz seçimimizi balıq məhsullarından yana etmişdik.

Biz azərbaycanlıların da damaq zövqünə verdiyi önəm danılmazdır, odur ki, özü Afrikadan olsa da, aşpazlıq təhsilini Fransada almış bu möhtəşəm usta ilə dostluq lap yerinə düşdü.

Uğurlu yollar!!! Səfər boyu məlumat verəcəyik.

Mənbə: Rövşən Abdullaoğlu / Rovshan Abdullaoglu

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

BAYRAM BAYRAMOV – 101

11 DEKABR ONUN DOĞUM GÜNÜDÜR

(Ruhu şad olsun. Allah qəni-qəni rəhmət eləsin.)

Sovet dövrünün gəncləri olan bizlər onu “Arakəsmələr”, “Xəzinə”, “Bəlalı sevgim”, “Fəhlə qardaş”, “Yarpaqlar”, “Cıdır düzü” romanları ilə tanıdıq, sevdik. Və kitablarını sevdiyimiz kitabların yanına qoyduq, özünü isə sevdiyimiz ədiblərimizlə bərabər tutduq. 

Söhbət görkəmli nasir, Xalq yazıçısı Bayram Bayramovdan gedir. Sevilən yazıçımızın keçdiyi həyat və yaradıcılıq yoluna nəzər salaq:” Bayram Salaman oğlu Bayramov1918-ci il dekabrın 11-də Qarabağ bölgəsinin Ağdamın rayonunun (o vaxtkı Yelizavetpol quberniyasının Şuşa qəzası) Şivənd kəndində anadan olub. 1934-1938 –ci illərdə Yeddiillik kənd məktəbini bitirib Ağdam Pedaqoji Texnikumunda təhsilini davam etdirib. 1938-1942-cı illərdə Tərtər rayonundakı Qusanlı kənd natamam orta məktəbində müəllim , Müsəlmanlar kəndində natamam orta məktəbin tədris hissə müdiri, Xoruzlu kənd yeddiillik məktəbində məktəb müdiri işləyib. 

1942-ci ildə Böyük Vətən müharibəsində Mozdok uğrunda döyüşlərdə iştirak edib, ağır yaralanıb . Hərbi xəstəxanada sağaldıqdan sonra altı ay Yevlax rayonunun Qoyunbinəsi kənd yeddiillik məktəbində müdirlik edib. 1943-cü ilin aprelində yenidən Sovet Ordusu sıralarında qulluğa yola düşüb. 1944-1945-ci illərdə tərxis olunub doğma kəndlərinə qayıdarkən burada pedaqoji fəaliyyətini davam etdirib yeddiillik məktəbin müəllimi işləyib. 1945-1971-ci illərdə ADU-nun fılologiya fakültəsində təhsil alıb. Sonra N.K.Krupskaya adına kitabxanaçılıq texnikumunda müəllim , Azərbaycan radiosunun ədəbi dram verilişləri redaksiyasında məsul redaktor, “Azərbaycan” jurnalı redaksiyasında ədəbi işçi, Azərbaycan Yazıçılar İttifaqında nəsr üzrə məsləhətçi işləyib. Dövlətnəşrkomda sədr müavini kimi çalışıb. 1984-cü ildə Azərbaycan Xalq yazıçısı fəxri adına, 1990-cı ildə Azərbaycan Dövlət mükafatına layiq görülüb. 1988-ci ildə Qarabağ hadisələri başlayanda fəal ictimai mövqeyi ilə seçilib. Qarabağa Xalq Yardımı Komitəsinin sədri vəzifəsində fəaliyyətini davam etdirərək Azərbaycan Respublikası Ali Sovetinin deputatı (1990) seçilib. Bədii yaradıcılığa 1950-ci ildə “Azərbaycan gəncləri” qəzetində çıxan “Körpü” adlı ilk hekayəsi ilə başlayıb. Həmin vaxtdan dövri mətbuatda müntəzəm çıxış edib. “Arakəsmələr”, “Xəzinə”, “Bəlalı sevgim”, “Fəhlə qardaş”, “Yarpaqlar”, “Cıdır düzü” və s. romanların müəllifidir. Sovet dövründə ən çox oxunan yazıçılardan biri olub. Əsərləri SSRİ-də, eyni zamanda xarici ölkələrdə tərcümə və nəşr olunub. Dilinin sadəliyi, axıcılığı, əsərlərində yeniliyin hər dəfə mühafizəkarlığa qalib gəlməsi onu oxuculara sevdirən başlıca cəhətlərdən biriydi. Bayram Bayramovun 80-ci illərin axırlarında “Azərbaycan” jurnalında “Üzlü-astarlı günlər” adlı avtobioqrafik romanı çap olundu. Həmin romanı gənclər çox maraqla oxuyurdu. 

Yazıçı bu əsərdə özünün məşəqqətli və əzablı həyat yolu haqqında oxucuya məlumat verməklə yetinmir, həmçinin 30-40-50-ci illərin ictimai-siyasi, mənəvi mənzərəsini göstərir. Yazıçının “Karvan yolu” romanı xalqımızın ən işıqlı simaları Cəlil Məmmədquluzadənin və onun həyat yoldaşı, əslən Qarabağdan olan ziyalı, maarifçi Həmidə xanım Cavanşirin həyat və fəaliyyətlərinin əzablı, müsibətli dövründən bəhs edir. Bayram Bayramov həmçinin “Mən ki gözəl deyildim” “Firəngiz” “Onun bəlalı sevgisi” filmlərinin ssenari müəllifidir.

Müəllif: Əntiqə Rəşid

İlkin mənbə:Bayram Bayramov doğum günüdür – 101 yaş

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru


Antaraktidadan xəbər var

Rövşən Abdullaoğlu Orne Harbour, Antarctica adlı yerdədir.

 Glendale, Amerika Birləşmiş Ştatları · 

Orne buxtası, nəfəskəsən gözəllik.

Hava çox küləklidir, şaxtalıdır, okean da dalğalıdır. Gəmimiz buxtaya girdi. Buxta kiçik körfəz deməkdir, yəni burada okeanın bir parçası quruya daxil olub, gümüşü sular üç tərəfdən dümağ dağlar, təpəliklərlə çevrələnib.

Həmişəki kimi yenə bələdçilər motorlu qayıqlarla sahili müşahidə etməyə getdilər. Çox keçmədən xoş xəbər aldıq, havanın çox soyuq olmasına baxmayaraq, sahilə yan ala biləcəkdik.

Qruplarla sahilə endik, buradan da dağın başına doğru çıxmalı idik. Bizdən öncə sahili təhqiq etmiş bələdçilər hərəkət trayektoriyasını müəyyənləşdirmiş, keçid yerlərinə qırmızı bayraqlar sancmışdılar. Hər bir halda, əksər ekspedisiya üzvləri üçün zirvəyə dırmanmaq heç də asan olmadı. Getdikcə hava pisləşirdi, külək adamı yıxır, duman görüntünü bir qədər də məhdudlaşdırırdı. Bütün bunlara sinə gərib bir müddət sonra zirvəyə yetişdik.

Dəyərmiş. Gördüyümüz mənzərə bütün təsvirlərin fövqündə idi, möhtəşəm bir gözəllik. Bütün buxta və bütün Antarktida ovcumuzun içində idi. Real aləmdə olduğumuza bizi sağa sola yırğalanaraq hərəkət edən pinqvin sürüləri inandırdılar. Sürü deyirəm sizə, özü də dağın başında. Təəccüblü idi, çünki biz adətən onlara adaların suya yaxın aşağı hissələrində rast gəlirik, orada qida tapmaq da daha asandır. Bu dəfə isə tam əksini görürdük, dağın başı pinqvinlərlə dolu idi. O özünəməxsus yerişləri ilə bura necə dırmanıblar, maraqlıdır. Pinqvinlər təpəliklərin üstündə o yan-bu yana gedir, bəzən də təpədən aşağı sürüşürdülər.

Bir neçə saat bu gözəlliyin qoynunda keçirdik. Sonra qayıtmaq vaxtı olduğunu dedilər. Aşağı düşmək çıxmaqdan çox çətin idi. Yeriyərək çıxmışdıq, ancaq indi külək ayaq üstə durmağa imkan vermirdi. Yamac çox dik və sürüşkən idi, aşağı yuvarlanmaq riski çox böyük olduğundan hamımız məcbur kürəyi üstə sürüşərək enməli olduq.

İndi artıq gəmidəyik. Bu gün Antarktida səfərinin, bəlkə də bütün səyahətlərimin ən unudulmaz epizodlarından birini yaşadım.

Rövşən Abdullaoğlu South Pole, Antarctica adlı yerdədir.
 Amundsen-Scott South Pole Station, Antarktida · 

Buzlaqlar, aysberqlər – bu təbiət möcüzəsini öz gözümüzlə görmək fərqli duyğudur. Ara vermədən yağan qar bərkiyərək torpağın üzərində bəzən qalınlığı bir kilometrdən çox olan buz təbəqəsinə çevrilir.

Aysberqlər də bu buz təbəqəsindən qopmuş parçalardır. Şimal qütbündə aysberqlərin əksəriyyəti Qrenlandiyada, cənubda isə Antarktidada əmələ gəlir. Dünyada ən böyük aysberq məhz Antarktidadadır. Sahəsinin 11 min kv.km olduğu deyilir, təsəvvür edin ki, Bakıdan beş dəfə böyükdür.

Materikə yaxınlaşdıqca aysberqlərin, buz lövhələrinin sayı da çoxalır. Gəmimizin sürəti də azalır, kapitan bu buz qayalarını əvvəlcədən görür və buna uyğun istiqamət götürür. Buz lövhələrinin ölçüsü böyük olduqca yarada biləcəkləri təhlükə də artır. Bir də hərəkət etdiklərini düşündükdə təhlükəni daha real təsəvvür etmək olur.

Üstəlik, aysberqin çox kiçik hissəsi görünür, təxminən 90 %-i suyun altında olur. Hündürlükləri də fərqlidir, buralarda 30-40 metrə çatan aysberqlər var. Yayda onların sudan çöldə qalmış hissələri qismən əriyir, lakin yay ayları elə də uzun sürmədiyindən tezliklə ərimiş bu hissə yenisi ilə əvəzlənir və beləliklə də buz lövhələri daha da böyüyür. İndi bu prosesin illərcə davam etdiyini düşünün. Bir də bu nəhəng soyuq qayalara lap yaxınlaşanda, gölgəsi üzərinə düşəndə soyuq havayla birgə içinə dolan möhtəşəmlik duyğusu var…

Rövşən Abdullaoğlu Orne Harbour, Antarctica adlı yerdədir.

 Glendale, Amerika Birləşmiş Ştatları · 

Aysberqlər nə rəng olur, sizcə? Ağ, buz mavisi… Doğrudur. Amma bir də göy, çəhrayı, hətta qara aysberqlər varmış.

Bəs bu fərqliliklərə səbəb nədir? Aysberq hərəkət edərkən onda çatlar əmələ gəlir, bu çatlara dolan okean suyu donanda artıq ağ yox, göyümsov rəngdə olur. Həqiqətən də kənardan aysberqə baxanda ağ-göy zolaqlı olduğunu görürsən. İldən ilə aysberqin səthi bir az boşalıb yenidən donunca tərkibindəki hava qabarcıqları çıxır və aysberqin rəngi tündləşir, beləliklə, dümağ buz parçalarının hələ çox cavan olduğunu ayırd edə bilirik.
Bəzən gün işığında açıq çəhrayı rəngə də çalırlar, möhtəşəm görüntüdür.

Qara aysberqlərə hələ ki rast gəlməmişik. Aysberqin alt hissəsinin rəngi qopduğu torpaqdan, yaxud da üzərkən okeanın dibindən götürdüyü qumdan, süxurlardan tündləşir. Yayda aysberq qismən əriyəndə bəzən çevrilir və qaralmış hissə səthə çıxır, bu çevrilmə təkrarlananda aysberqdə tünd rəngli laylar əmələ gəlir, uzaqdan baxanda bütünlükdə rəngi dəyişmiş olur. Qabaqlar dənizçilər qara aysberqlərin uğursuzluq gətirdiyinə inanarmışlar. Hardasa haqlıdırlar, çünki gecə qara, aysberq də qara olunca, onu vaxtında görmək çətinləşir və qəza təhlükəsi artır. Deyilənə görə, məşhur “Titanik” gəmisi də məhz qara aysberqlə toqquşaraq okeanda qərq olub.

“Titanik” demişkən, gəmidəki ilk təlimlərdə bizə izah etdilər ki, gəmi qəzaları zamanı suya düşmüş adam suda maksimum bir neçə dəqiqə qala bilir və çox keçmədən donur. EGE Hospitalda müayinə zamanı dostumuz Xayyam həkimlə bu barədə danışmışdıq, odur ki, mümkün fəsadları təsəvvür edə bilirəm: ani qıcolma, ürək tutması. Hər şeyə rəğmən, Cənub okeanının buzlu sularına baş vurmaq təklifi o qədər cazibdir ki. Neçə gündür, uyğun hava şəraitinin yaranmasını gözləyirəm, əlbəttə, bu yerlərdə uyğun hava şəraiti bizim bildiyimizdən fərqlənir.

Uğurlu yollar!!! Səfər boyu məlumat verəcəyik.

Mənbə: Rövşən Abdullaoğlu / Rovshan Abdullaoglu

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Gülü – Gülüzə Mustafayeva

AD GÜNÜNÜZ MÜBARƏK !!!

Bu gün (11 dekabr 2004) gənc yazar, rəssam, musiqiçi və eyni zamanda dərs əlaçısı, həmçinin döyüşkən ruhlu vətənpərvər bir xanım olan Gülü – Gülüzə Mustafayevanın doğum günüdür. Ad günü münasibəti ilə Gülü xanımı təbrik edir, Uca Yaradandan uzun ömür, can sağlığı və bütün işlərində müvəffəqiyyətlər arzu edirik!!! Uğurlarınız bol olsun, Gülü xanım!!! Vətənə layiqli övlad olun!!!

QISA ARAYIŞ:

Gülü  xanım – Mustafayeva  Gülüzə  Zaur  qızı 2004-cü ildə Dekabrın 11-də Bakı şəhərində anadan olub. Lap  körpəlikdən yazıb-oxumaqla yanaşı musiqiyə, rəsm çəkməyə də böyük maraq göstərir.

Hal-hazırda Bakı şəhər 20 nömrəli tam orta  məktəb-liseydə təhsilini davam etdirir. Gülü xanım dərs əlaçısı olmaqla bərabər ictimai işlərdə də xüsusi fəallıq göstərir. Demək olar ki, məktəbin bütün tədbirlərində iştirak edir və  nəticə olaraq diplomlarla, fəxri fərmanlarla,  xüsusi mükafatlarla  mükafatlandırılır. Bütün bunlardan əlavə Gülü xanım  haqqında  2012 – ci  ildə Lalə Qəzənfərqızının tərtib etdiyi “ZƏKA” kitabının 4-cü cildinin 218 – ci səhifəsində  geniş  şəkilli məqalə verilmişdir.  O, “Oxumağa nə var ki…”,“Duyğular”, “Rənglərin dili” adlı kitabların  və  hələ çap olunmamış maraqlı, orijinal hekayələrin, onlarla rəsm  əsərlərinin müəllifidir.  Ən maraqlı rəsm əsərlərindən biri “Rənglərin dili” adlı öz kitabının üzqabığında verilmiş rəsm və “KƏRƏMLİ – 700” layihəsi çərçivəsində ərsəyə gəlmiş Əliş bəy Sübhan oğlu Kərəmlinin bədii ədəbiyyat nümunələrindəki təsvirlərdən ilhamlanaraq yaratdığı “Getməliyəm, Anna” əsəridir. Respublika səviyyəli olduqca müxtəlif maarifləndirici-kütləvi tədbirlərin, tele-layihələrin, bilik müsabiqələrinin iştirakçısı və mükafatçısıdır.

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Nəbi Xəzri – 95

NƏBİ XƏZRİ – 95

Bu gün təbiət və nəğməkar şair, ictimai xadim, evdə övladları üçün xəzri küləyi qədər sərt olan vətənpərvər Türkün doğum günüdür. Gözdən Əlillərin Mərkəzi Kitabxana rəhbərliyinin təşəbbüsü və istəyi ilə sözləri və nəğmələri dildən düşməyən Nəbi Xəzrinin 95 illik tədbiri baş tutdu. Hamımızı gəlişi ilə şərəfləndirən şairin oğlu Arzu Babayev öz həzin və kövrək xatirələri vasitəsilə gözümüzün önündə bir vəfalı ATA, sədaqətli ƏR və Vətəni sevən böyük Kişi obrazını yarada bildi. Bu xatirələr fonunda şair Sahib Kəlbəcərlinin saz ifaları lap yerinə düşdü. Filoloq Kamran müəllim də Nəbi Xəzri ilə bağlı bilgilərini tədbir iştirakçıları ilə paylaşdı. Ədəbiyyatda ilk qədəmlərini atan Zəkəriyyə Qurbanov öz hafizəsinə güvənərək Nəbi Xəzri əsərlərindən fraqmentlər söylədi. Respublikamızın Xalq Artisti Eldost Bayram özünəməxsus tərzdə şairin şeirini oxumaqla gurultulu alqışlar qazandı.Kitabxanaçı Mahirə Şəmşiyevanın maraqlı suallarını cavablandıran Arzu Babayev heyrətini gizlətməyərək vurğuladı ki, bu məkanda keçirilən anım tədbiri öz səmimiyyətinə görə əvvəlkiləri üstələmiş oldu.
Tədbirin uğulu alınmasında pay sahibi olmuş bəndəniz Nəbi Xəzri ilə olan görüşlərindən söz açdı və onun əbədiyaşar poeziyası haqqında yüksək fikir söylədi. Sonda tədbir iştirakçıları şairin oğlu ilə şəkil çəkdirdilər:

Mənbə: Giya Paçxataşvili

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Ədalət Bədirxanlı

HƏCC ZİYARƏTİ
(poema)

Proloq
Bir daş düşdü göydən yerə,
Ayə gəldi Peyğəmbərə.
Zəvvar kimi həccə getmək
Buyruq oldu bəndələrə.
Bu düşən daş Kə’bə daşı,
Bilinməyir dəqiq yaşı.
Yer kürəsi üzükdürsə,
Kə’bə daşı onun qaşı.

l hissə
HAQQIN YOLU

Rəbbim özü izin verə,
Qibləgahım olan yerə
Gedə bilim ziyarətə,
Zəvvar kimi bircə kərə.
***
Arzumdur ki, hazırlaşım,
Özüm gedim ziyarətə.
Kimsə məni göndərməsin,
Heç düşməsin əziyyətə.
Bir qurban da orda kəsim,
Haqqa yetsin orda səsim.
Günahlarım bağışlansa,
Yetər, artıq mənim bəsim.
Tövbə edim xətalara,
Daş da atım, şeytanlara.
Hər nə varsa oruc olum,
Cavab tapım suallara.
Təvaf edim yeddi dəfə,
Anım Qur’an kəlamların.
Bəşər üçün nə lazımsa,
Edim bütün duaların.
Qalxım orda Nur dağına,
Enim Zəmzəm bulağına.
Məkkədəki əzan səsi
Həkk olunsun qulağıma.
Şükür sənə Ulu Tanrı,
Reallaşdır arzuları.
Döndər bizi Haqq yoluna,
Bizdə Həccə gedək barı.

ll hissə
NİYYƏT

Dərk edərək bu dünyanı,
Edək Allah buyuranı.
Gözümüz üstə qoruyaq
İmanı, haqqı, Qur’anı.
Allah bizə buyurduğu
Əməllərin dördün seçək.
Namaz, oruc, fitrə, zəkat,
Tam öyrənib, əməl edək.
Ən vacibi, səmimiyyət,
İlk olaraq niyyət edək.
Beşincisi, ən nəhayət,
Şərəfli yol, Həccə gedək.
İçimdəki bu niyyəti,
Bu alovlu məhəbbəti.
İnsanlarla bölə bilim,
Bu möhtəşəm səadəti.
Halal zəhmət olan yerdə,
Alın təri süzsün gərək.
Tam əməlin saleh olsun,
Düz kəsilsin duzla çörək.
Xəstələrə baş da çəkək,
Təmiz qəlblə çayın içək.
Son görüşə tələsmədən
Könül verib, xoşhal edək.
Barışmayan könüllərə
Qapı acaq, körpü salaq.
Qəlbən təcrid olanlara,
Heç olmasa dayaq olaq.
Xeyril-əməl işlər görən,
İnsanlığa dəstək verək.
Sübhan Allah razı olsa,
Bəli, onda Həccə gedək.

lll hissə
BORCLAR

Xətalarım o qədər ki,
Dualarım çatışarmı?
Səfər də çox ağır səfər,
Görən Allah bağışlarmı?
Borcum çoxdu insanlara,
Qulluğumda duranlara.
Kaş ki, qaytara biləydim,
Mən borcumu olanlara.
Mümkün ola Ata borcun,
Ana borcun, qaytarasan.
Ata olsan, ata borcun,
Övladına qaytararsan.
Ana haqqı müqəddəsdir,
Əbədidir, əvəzsizdir.
Qızıl heykəl qoydursan da,
Onun üçün gərəksizdir.
***
Ən böyük borc Allahadı,
Allah bizi yaradandır.
Tək Allahdı xəlq eləyən,
Onun borcu dualardır.
Borcum çoxdur təbiətə,
Borc verdiyi hər nemətə.
Ağac əkib, bağ becərib,
Qaytarsaydım cəmiyyətə.
Bilərdim ki, həyat üçün,
Borc sayılan ondan birin,
Cəmiyyətə qaytarmaqda,
Xeyri olub zəhmətimin.
Zəhmət ilə yaşamağın,
Çox böyükdür fəlsəfəsi.
Torpağı çox sevəsən ki,
Bitə tumun hər dənəsi.
***
Şumlayasan, işləyəsən,
Tərlədikcə, hey siləsən.
İdman zalı kimə gərək,
Canın cövhərin biləsən.
Yaxşı nədir saxlayasan,
Yararsızı atmayasan.
Qış sərt olar, samanıda,
Ot əvəzi axtararsan.
Soyuq başla işə başla,
Əvvəl bir az düşün barı.
Nəsihətdən uzaq olma,
Dinlə hər an qocaları.
Əbəs yerə deyilməyib:
“Dəlidən də doğru xəbər.”
-Müdriklərin dedikləri
Hər bir vədə kara gələr.

lV hissə
ELMİN TACI

Elmə söykən, elmin tacı,
Müdriklərin başındadır.
Ən qiymətli zərif daşlar,
El taxtının qaşındadır.
Alimlərdən nə soruşsan,
Qoy söyləsin sonunacan,
Dinmə, sakit, təmkinli ol,
Sözün kəsmə axıracan.
Eşitdiyin kəlmələrdən,
Özün üçün bir qala qur.
Qiybət etmə, məntiqli ol,
Şərə uyma, kənarda dur.
***
Müdriklərin kəlamları,
Alimlərin söz açarı,
Nə qədər də paslı olsa,
Açar bağlı qapıları.
***
Hər an olan hadisəyə,
Nəzərincə yetməlisən.
Bircə anlıq düşüncəni,
Ona da sərf etməlisən.
Bir ev oddan alışarsa,
Yardımına tez ara yer.
Ağla qara dalaşarsa,
Üstünlüyü ağlara ver.
Qara xəbər, qara yaylıq,
Qara gündə, qara çadır,
Düşmən belə arzulayar,
Bil ki, bu bir imtahandır.

V hissə
ƏXLAQ və İNSANLIQ

Əxlaq:Salam verib, almaq,
Tam insanlıq məqamıdır.
Sülhə səs ver, salamı al,
Verməyənlər günahkardır.
Bunlar səni heç üzməsin,
“Salam” Allah kəlamıdır.
Düzgündürsə əməllərin,
Doğru bilən tək Allahdır.
Onun taxtı çox ucadır,
İnsanlara yol göstərir.
Yaratdığı bu dünyada,
Haqqı bərqərar istəyir.
Tanrı gözü bəsirətdir,
Hər gizlini özü görür.
Zəkanı da özü verib,
Vadar edir, düşündürür.
***
Bəlkə, deyir:”Haqqa gəlin,
Mən yaratdım sizi, bilin?
Hər nə varsa mənimkidir,
Var-dövlətdən siz əl çəkin.
Şükür elə verdiyimə,
Şərik yoxdur, bilin mənə.
Ər Rəhmanam, rəhimliyəm,
Allah kimdir, deyin mənə?
Üsyan etmə mənə qarşı,
Nə dövlətə, şaha qarşı.
Təbiətdən qidalanıb,
Düşmən olma ona qarşı.
Buyurduğum sualların,
Özün axtar cavabların.
Səbirli ol, nəfsini bas,
Yolun getmə şeytanların.”

Vl hissə
EŞQİN MƏNBƏYİ

Allah birdir, qüdrətlidir,
Şəriksizdir, rəhimlidir,
Külli-aləm, yerin, göyün,
Kainatın rəhbəridir.
Rüşvət almır, pay istəmir,
Qidalanmır, heç nə yemir.
Yatır, yatmır, oyaq qalır,
Nə edirsə heç kim bilmir.
Yaratdığın özü seçir,
Hərəyə bir ağac əkir.
Hər seçimdə insanları,
Bir-bir imtahana çəkir.
Məktəblər həyat yoludur,
Təhsil onun bir qoludur.
Ondan öyrən nə öyrənsən,
Öyrənməsən küt alətsən.
Bir sevdam var, bilən bilir,
Allah eşqi tükənməzdir.
Bir Günəşdir başım üstdə,
Bu məhəbbət silinməzdir.
Ona könül bağlamışam,
Təəssüf… gec anlamışam,
Dərk edərək sevdim onu,
Bu sevdadan doymamışam.
Bəli, mən də anladım ki,
Biz Allahın bəndəsiyik.
Bizləri Allah yaradıb,
Yaradanı sevməliyik.
Həccə gedib ad qazanmaq,
Lovğalanmaq istəyim yox.
Bu ad altda daldalanan,
Tanıdığım, küsdüyüm çox.
Ən vacibi əsas budur,
Mən namaza qayıtmışam.
Ən uğurlu doğru yoldur,
Cavan ikən qanmamışam.

Vll hissə
EŞQİN QAPILARI

Öncədən bil: -Ulu Tanrı
Göstəribdir düz yolları.
Cəhənnəmə, cənnətə də,
Açıq qoyub qapıları.
Özün düşün, ver qərarı,
Hər atanda addımları.
Çalış dizin büdrəməsin,
İndidən seç qapıları.

MƏŞƏD:
İlk öncə Məşədə gedim,
İmam Rza dərgahına.
Əl qaldırım, dua edim,
Baş da qoyum məzarına.
Bibiləri yad edim mən,
İlk Məşədə yetməmişkən.
Özü belə demiş İmam
Dərgahına getməmişkən.
***
Suqra bibi Bakıdadı,
Qalanları İrandadı.
Vusta bibi İsfahanda,
Kubra bibi bil Qumdadı.
Düşündürüb insanları,
Uxra bibinin güzarı.
Uzun illər axtarıblar,
Rəştdə tapılıb məzarı.
Bibiləri yad edəndə,
Niyyət tutum ürəyimdə,
Torpağında qan axmasın,
Müsəlmanlar olan yerdə.

KƏLBƏLA:
Sonra Kəlbəlaya gedim,
Hüseyni ziyarət edim,
Kəlbəla şəhidlərinin,
Məzarını öpüm, dedim.
Bu anları gözüm görsün,
Göz yaşlarım selə dönsün.
Həzin- həzin ağlayım ki,
Həsrətimin közü sönsün.
Füzulinin dərgahında,
Dayanaraq salım yada.
Sual edim sevda nədir,
Söz ustadı qarşısında?

QARABAĞ:
Qayıdanda Kəlbəladan,
Bir kisə torpaq gətirim.
Qarabağın torpağıyla,
Qarışdırım gül bitirim.
Müjdə olsun Xarı bülbül,
Şəhid imam torpağından.
Qarabağda bitən bu gül,
Ayrılmasın budağından.

Epiloq
Şükür olsun yaradana,
Məni saldı eşq oduna.
Düşüb əqlim bu illərdə,
Bir ziyarət sevdasına.
Cıdır düzün qaytaraq ki,
Vicdanımız olsun təmiz.
Doğma elə tez dönək ki,
Hasil olsun niyyətimiz.
***
Ədalətəm, haqq gəzirəm,
Niyyətim var, səsləyirəm.
Gümanım çox, izləyirəm,
Həcc səfərin gözləyirəm.
***
Həccə getmək istəyirəm.
Həccə getmək istəyirəm!..

Son…
20-23.01.2013

Müəllif: ƏDALƏT BƏDİRXANOV

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Zaur Ustac – ƏLİFBAM mahnısı

ƏLİFBAM 

(Nəğmə)

A, Be, Ce, Çe, De, E, Ə

Nə gözəl yaraşır

Şirin dilimə.

Fe, Ge, Ğe, He, Xe, I, İ

Bəzəyir, sevdirir

Şirin dilimi.

Je,Ke,Qe, eL, eM, eN, O

Az qaldı unudum

Ka da var baho.

NƏQARƏT:

Ka da çox vacibdir

Bilməli hamı.

Kartofu yeməyi

Sevirik axı.

Ö-sü var, Pe-si var, eR-i var bunun,

Se-si var, Şe-si var, Te-si var bunun.

U-su var, Ü-sü var, Ve-si var bunun,

Sonunda, Ye-si var, Ze-si var bunun.

10.12.2019. (9:00 -10′) Bakı.

Müəllif: Zaur Ustac

© Zaur USTAC,2019. Bakı.

WWW.YAZARLAR.AZ VƏ WWW.USTAC.AZ

==========================================================

BÜTÜN HƏRFLƏRƏ AİD ŞEİRLƏR:

HƏRFLƏRƏ AİD ŞEİRLƏR

HƏRFLƏRƏ AİD ŞEİRLƏR

VACİB MƏLUMATLAR SİZİN ÜÇÜN:

İNGİLİS DİLİ

ANALAR ÜÇÜN

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

QEYD:

30 İYUN 2019 -CU İLƏDƏK MÖVCUD OLAN YAZARLAR.AZ

Tapdıq Yolçu

AD GÜNÜNÜZ MÜBARƏK !!!

Bu gün ( 10 dekabr 1959 ) tanınmış şair Tapdıq Yolçunun doğum günüdür. Ad gününüz mübarək, Tapdıq müəllim!!! Sizə Uca Yaradandan uzun ömür, can sağlığı və bütün işlərinizdə müvəffəqiyyətlər arzu edirik!!! Uğurlarınız bol olsun!!!

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Rasimə Könül

RASİMƏ KÖNÜLÜN SÖZ DÜNYASI

TƏKİ VƏTƏN VAR OLSUN!

Qalx ayağa,vətən oğlu,zamandı!
Bəsdir daha yurdun-yuvan talandı!
Ulu xalqım bu durumdan usandı!
Qov yağını vətənimdən, xar olsun!
Şəhid olsaq, təki vətən var olsun!

Yurdlarımı min hiyləylə aldılar.
Ellərimi yurddan qaçqın saldılar.
Xainliklə yuvamıza doldular.
Qov yağını vətənimdən ,xar olsun!
Təki anam Azərbaycan var olsum!.

Qorxu nədir bilməyib mərd babalar.
Qanlarını daşıyır qurd balalar.
Qalxıb vətən qisasını alarlar.
Qov yağını vətənimdən,xar olsun!
Təki Bütöv Azərbaycan var olsun!

Qafqazların vüqarını qaytaraq.
Elin gözəl növrağını qaytaraq.
Girov vətən torpağını qaytaraq!
Qov yağını vətənimdən,xar olsun!
Qazi olaq, təki vətən sağ olsun!

Qulaq asaq ruhumuzda fəryada.
Ana vətən qalmaz yağıya-yada.
Başı uca yaşamaqçün dünyada,
Qov yağını vətənimdən ,xar olsun!
Elim-obam-yurdum-yuvam var olsun!

Qorxu bilməz Mübarizə bənzəyək!
Fuad kimi doğru sözə bənzəyək!
Elə Nadir babamıza bənzəyək!
Qov yağını vətənimdən, xar olsun!
Təki Bütöv Azərbaycan var olsun!

Azad olsun Qarabağ şikəstəsi.
Eşidilsin Xarı Bülbül naləsi!
Oyatsın Şuşamı azanın səsi!
Qov yağını vətənimdən,xar olsun!
Təki anam Azərbaycan var olsun!

Yer, dünyaya göz açınca yurd olar.
Azərbaycan igidləri mərd olar.
Qorumasaq vətənsizlik dərd olar!!!
Qov yağını vətənimdən,xar olsun!
Təki azad Azərbaycan var olsun!

<<<< RASİMƏ KÖNÜLÜN SÖZ DÜNYASI >>>>

BİZİM SEVGİMİZ.

Sandım,unudaram sənli günləri …
Sandım,o günlərə dönmərəm daha .
Qəlbimi yaxsa da xatirələri …
Ürəyim yansa da dinmərəm daha …

Bilməzdim ,bu sevda hopub qəlbimə,
özümdən xəbərsiz yaşayacaqmış …
Bilməzdim,gözümdə çevrilib nəmə ,
Qəlbimə naxışlar toxuyacaqmış …

Bu sevda gül üstə səhər şəbnəmi ….
Bu sevda düzülüb kipriklərimə …
Bu sevda yaşadır ,həyatda məni ,
dönərək könlümdə nəğmələrimə …

Xoş arzular imiş,bizim sevgimiz ..
Kül altda qor imiş, bizim sevgimiz ..
Əbədi var imiş bizim sevgimiz …
Bir dünya dar imiş ,səninlə-mənə…

Ulduzumuz yenə barışacaqmı ?
Ruhumuz göylərdə qovuşacaqmı ?
Mələklər bu eşqdən danışacaqmı ?
Baxıb məhəbbətin əfsanəsinə …

<<<< RASİMƏ KÖNÜLÜN SÖZ DÜNYASI >>>>

ANA DEDİM

Ana dedim, uçan quşlar dayandı.
Laylasıyla gecəm nura boyandı.
Ay da gəlib pəncərəmə boylandı.
Sehirli bir sədası var ANANIN!

Ana dedim,tumarlandı tellərim.
Hənirləndi buza dönmüş əllərim.
Ana sözü bəzəyidir dillərin.
Qulağımda duası var ananın.

Ana dedim, dilə gəldi təbiət.
Küləklər də etdi mənimlə söhbət.
Bu üç hərfdə dünya boyda məhəbbət.
Tükənməyən sevdası var ananın!

Qəlbimizdə-ruhumuzda yaşayır.
Həyat elə analardan başlayır.
Xoşbəxt olan ana adı daşıyır.
Bir sehirli dünyası var ananın!

Söz çatammaz bəzəməyə adına.
Od çatammaz istisinə-oduna.
Hamımıza həyat verən qadına,
Dünya boyda sevdası var hamının!

<<<< RASİMƏ KÖNÜLÜN SÖZ DÜNYASI >>>>

SÖZ

Bircə hecası var,min-bir mənası.
Ağıl-düşüncədir sözün xanası.
Yersiz deyilərsə bircə dənəsi,
Ocaqsız-tüstüsüz yandırandı söz.

Söz var qaranlığa çıraq kimidir.
Söz var hikmətli bir kitab kimidir.
Söz var çağlayan bir bulaq kimidir.
Hicranı-həsrəti söndürəndi söz.

Ağıllı baxışlar gözüdür sözün.
Gözəli,doğrusu-düzüdür sözün.
Sevgi ləzzətidir-duzudur sözün.
Kədəri-sevincə döndərəndi söz.

Könül dediyini söz deyə bilsə,
Bütün dil-dodaqlar düz deyə bilsə,
Ağıl həqiqəti yaz, deyə bilsə,
Bütün mətləbləri qandırandı söz.

Nəfsi ədalətə kölgə salanlar.
Qalmasa danışan inan, yalanlar.
Olardı doşt-qardaş-doğma, insanlar.
Dünyanı cənnətə döndərərdi söz

<<<< RASİMƏ KÖNÜLÜN SÖZ DÜNYASI >>>>

NƏ SUALA ÇƏKİRSƏN?

Yenə məni nə suala çəkirsən,
Ruhumu cismimdə ağladan könül?
Çəkdiyimi gözlərimə köçürsən,
Nələri görərsən aynadan, könül!

Bu fani dünyanın uyma halına,
Uyma gərdişinə,cah-cəlalına,
Qalan deyil vəfalıya-zalıma,
Hamsı köç eyləyir dünyadan,könül!

O gördüyüm sıra-sıra dağları,
Gəzdiyim çiçəkli göy yaylaqları,
Suyundan içdiyim buz bulaqları,
İndi seyr edirəm röyadan,könül!

Yetim qalan bir obam var uzaqda.
İsti yuvam olub qışda-sazaqda,
Yadlar cövlan edən doğma oylaqda.
Xəyalım üşüyür şaxtadan,könül!

Bahar ayaq açır yenə dağlara,
Dağlar çiçəklənər,dönər gülzara.
Sinəmdə həsrətdən açılan yara,
Sağalar bir keçsəm oradan, könül!

Ruhumuz doğmaykən tək yaradana.
Nədən qənim olub insan-insana?
Qayıda xoş günlər,dönə zəmanə,
Ayrılıq köç edə aradan ,könül!

<<<< RASİMƏ KÖNÜLÜN SÖZ DÜNYASI >>>>

BİRLƏŞİN!

Ürəyi yara vətənim.
Çəkilir dara,vətənim!
Bu para-para vətənin,
Tökülür qanı,birləşin!

Pərən-pərən düşüb elim.
Gülüstanda solur gülüm!
El iğidim,el gözəlim,
Pirim-cavanım, birləşin!

Miaçum! Deyən yağılar,
Xanın kəndinə yığılar!
Qarabağ cihad çağırar!
Dərya-ümmanım,birləşin!

Xan Arazım aşar-daşar,
İki sahil qucaqlaşar!
Bütöv Azərbaycan yaşar!
Deyən insanım,birləşin!

Arazın o yan- bu yanı.
Tanı sərhəddini, tanı!
Yazmağa zəfər dastanı,
Dağım-aranım,birləşin!

Qarabağsız yoxdu vətən!
Şəhidlərə bayraq kəfən!
Vətən üçün candan keçən,
Südü halalım,birləşin!

<<<< RASİMƏ KÖNÜLÜN SÖZ DÜNYASI >>>>

BİRİ VARDI, BİRİ YOX.

Bir şirin nağıldı həyat.
Noğultək dağıldı həyat.
Körpədi,ahıldı həyat.
Biri vardı, biri yox…

Bu ömrü sevgi yaşadır
Sevgisiz ömür boşadır.
Sevinc-kədərlə qoşadır.
Biri vardı, biri yox.

Deməyək boşa yazılıb.
Taleydir,başa yazılıb.
Sirlər- sirdaşa yazılıb.
Biri vardı, biri yox.

Xəyallarımız yol gedər.
Beşikdən məzara qədər.
Arzu bitməz,ömür bitər…
Biri vardı, biri yox.

Müəllif: RASİMƏ KÖNÜL

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Aida Adıgözəl

AİDA ADIGÖZƏL “ÜÇ YARPAQ”-DA

Təsəlli

Sıxma ürəyini gözünə qurban,
mən nələr itirdim, sən nələr tapdın ?!
Həyat da bu imiş ..gözəl deyilən
bacarırsan yaşa, bəxtdən nə qapdın.

Olar çiçək açar ömrün payızı ,
olar çiçək bitməz təpə , dağında .
Payızda yağışa həsrət qalarsan ,
bircə toxum bitməz yazda bağında.

Olar sevinərsən xoşbəxtəm deyə ,
olar dərdlənərsən bu nə bəxt , yazı ?!
Görərsən əlində olsa da qələm ,
sənlik deyil imiş bu yazı , pozu .

Bircə ürəyim var əlimdə qalan ,
o da paramparça , sınıb tökülmüş .
Demirəm tikiş at ,demirəm sağalt ,
bir azca təsəlli , evi tikilmiş …

Sıxma ürəyini gözünə qurban ,
mən nələr itirdim ,sən nələr tapdın ?!
Həyat də bu imiş …gözəl deyilən ,
bacarırsan yaşa , bəxtdən nə qapdın !
03.12.2014

<<<AİDA ADIGÖZƏL>>>

Özündən qaçış

Bir gün yıxılarsan ürəyin üstə ,
acı etirafdan :- “sevmirəm səni”…
o gündən taparsan dərdi, kədəri,
canından çıxmayan qəmi qüssəni .

anlarsan…
Sevmək də dəhşətmiş , sevilməmək də !

Sınıb dağılarsan qaranlıqlara ,
hər qırıq bağrında min yara açar ,
inamın yıxılar , güvənin itər ,
daha şübhələrin min yerə qaçar .

anlarsan…
Unudulmaq dəhşətmiş , unutmamaq da !

Özünü aldadıb inandırmağa
tapıb yapışarsan saman çöpündən ,
ömrün uzadarsan xəyallarının ,
çıxmaq istəməzsən yalan gölündən .

anlarsan …
Getmək də dəhşətmiş , gedəmməmək də !

Uduzmaq ağırmış ,həzm etmək çətin ,
ölmək istəyərsən dəyərin üçün ,
bir gün anlayarsan demə dəyməzmiş ,
səni istəməyən birisi üçün .

anlarsan…
Ölmək də dəhşətmiş, öləmməmək də !
05.12.2019

<<<Aida Adıgözəl>>>

Tanış hekayələr

Sənlə rastlaşanda payız gəlmişdi ,
sənin saçlarına nə qədər qırov
mənim gözlərimə sazaq düşmüşdü .
Biz üşüyürdük !

İkimiz ağ saçlı , gözü eynəkli ,
soyuqlar düşəndə canı ağrıyan ,
ümidsiz sevgidən qəlbi göynəkli…
Biz tanış idik !

Bəlkə şeir idi bizi bağlayan ,
bəlkə misraların tilsimindəydik ,
bəlkə sözlər idi bərk əfsunlayan ?
Biz sözə aşiqdik !

İndi qarşımızda bir fincan tünd çay ,
gözümüz yumulu barmaqlar qatdaq ,
görüş günümüzü hesabla say, say …
Biz darıxırdıq !

Qarışmış bu ara bir az duyğular ,
pərdə arxasında qara kölgələr ,
ortalıq qarışıq , artıb qayğılar
Biz uzaqlaşırdıq !
05.12..2019

Müəllif: AİDA ADIGÖZƏL

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru