“M“ HƏRFİNƏ AİD ŞEİR

“ M “ HƏRFİNƏ AİD ŞEİR

“ M “

Malik məktəbə

Bu ildən gedir.

Müəllim ona

Ancaq beş verir.

Heç bir məsələ

Deyil qaranlıq.

Malik düşünür,

Yalnız bir anlıq.

Müəllif: Zaur Ustac

© Zaur USTAC,2018. Bakı.
WWW.YAZARLAR.AZ və WWW.USTAC.AZ

Qeyd:

Əlifbamızın bütün hərflərinə və rəqəmlərə air şeirlər:

HƏRFLƏRƏ AİD ŞEİRLƏR

HƏRFLƏRƏ AİD ŞEİRLƏR

“L“ HƏRFİ HAQQINDA ŞEİR

“ L “ HƏRFİ HAQQINDA ŞEİR

“ L “

Lalə  dostların yenə

Topladı ətrafına,

Axı, mən nənəmgilə

Getmişdim Lənkərana!?

Orda bir ağac vardı,

Meyvələri sapsarı.

Leyla  dadına baxdı,

Büzüşdü dodaqları.

ŞEİRİ TƏQDİM EDİR EYVAZOVA LEYLA:

Müəllif: Zaur Ustac

© Zaur USTAC,2018. Bakı.
WWW.YAZARLAR.AZ və WWW.USTAC.AZ

Qeyd:

Əlifbamızın bütün hərflərinə və rəqəmlərə air şeirlər:

HƏRFLƏRƏ AİD ŞEİRLƏR

HƏRFLƏRƏ AİD ŞEİRLƏR

“K“ HƏRFİNİN ŞEİRİ

“ K “ HƏRFİ HAQQINDA ŞEİR

“ K “

Kirpi kələmlə bir gün

Gəldi kəllə-kəlləyə.

Dedi, çəkil yolumdan,

Kələm, güldü kirpiyə.

Sonra, gördü ciddidi

Dedi, əkil başımdan.

Bura mənim yerimdi,

Bir də keçmə qarşımdan!

Kartofla, kök dözməyib,

Yetişdilər köməyə.

Kirpi başa düşdü ki,

O, məcburdu dönməyə.

Müəllif: Zaur Ustac

© Zaur USTAC,2018. Bakı.
WWW.YAZARLAR.AZ və WWW.USTAC.AZ

Qeyd:

Əlifbamızın bütün hərflərinə və rəqəmlərə air şeirlər:

HƏRFLƏRƏ AİD ŞEİRLƏR

HƏRFLƏRƏ AİD ŞEİRLƏR

ABBAS İLHAM

NƏ SƏN SƏNSƏN… NƏ MƏN MƏNƏM

İlk eşqimin ilk sonası,
Eşq oduna biz yanası,
Görüşməyin nə mənası? –
Nə sən sənsən…
nə mən mənəm…

Xəyalımda bir qız gəzir,
Bir oğlan da yalqız gəzir.
Hər ikisin hicran üzür… 
Nə sən sənsən… 
nə mən mənəm…

Saçlarıma düşübdü dən,
Gözlərimə düman və çən.
Gəl incimə, gülüm məndən? –
Nə sən sənsən…
nə mən mənəm…

Yana-yana sönürük biz,
Xatirəyə dönürük biz.
Nağıllaşır bü sevgimiz –
Nə sən sənsən… 
nə mən mənəm…

Dekabr, 2016

Müəllif: ABBAS İLHAM 


USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

“ J “ HƏRFİNƏ AİD ŞEİR

“ J “ HƏRFİNƏ AİD ŞEİR

“ J “

Jalə aldı jurnalı

Baba, ver baxacağam!

Böyüyəndə istəsəm,

Jurnalistolacağam!

Müəllif: Zaur Ustac

© Zaur USTAC,2018. Bakı.
WWW.YAZARLAR.AZ və WWW.USTAC.AZ

Qeyd:

HƏRFLƏRƏ AİD ŞEİRLƏR

HƏRFLƏRƏ AİD ŞEİRLƏR

DALĞA XATINOĞLU

Hər şey sözdən doğmuş…

Yenə də heç nə yox
Hadı, bir şeylər söylə,
Hər şey sözdən doğmuş…

Səbəbsizmi sevişib, Nədənsizmi ayrıldıq?
Yox canım,
Uşaqlar doğulmaq istərmiş,
Biri səndən (mənsiz)
Biri Məndən (sənsiz).
Heç də eybi yox…

Yenə bir şeylər söylə Çiçək,
İyirmi il olar bir göz qırpımında sevişib,
Elə orada ayrıldıq.
Nə olacaq ölümdən sonramız?
– Doğumdan öncəki kimi heç bir şey…

Səbəbsizmi sevişib, Nədənsizmi ayrıldıq?
Yox canım,
Yoxsa,
Hansı dəli günəşin batışına əl yellədəcəkmiş?
Yoxsa,
Hansı ağıllı əl verib, bir ağacın budağını sıxacaqmış?
Yoxsa,
Hansı çiçək əsnəyib, ayılırkən bir “salam” eşidəcəkmiş?

… Sənin heç oğlun oldumu?
Kişinin oğlu, tam kişinin qızı olur əlbət.
Mənim heç qızım olmadı doğulandan bəri
Yenə bir şeylər söylə Çiçək,
Bəs, hansı kişi qızına “siz” deyəcək ilk kəz?…

Səni unutmayım deyə,
Hər gün əyilib, gözlərimin içinə baxdım,
Hər gün yalanlarımı çıxardım…

Müəllif: Dalğa Xatınoğlu

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

“ I “ HƏRFİNƏ AİD ŞEİR

“ I “ HƏRFİNƏ AİD ŞEİR

“ I “

I – nı yazmaq asandı,

Asan da yadda qalır.

Kim tanımır, tanısın

Lap çomağa oxşayır.

Müəllif: Zaur Ustac

© Zaur USTAC,2018. Bakı.
WWW.YAZARLAR.AZ və WWW.USTAC.AZ

Qeyd:

Əlifbamızın bütün hərflərinə və rəqəmlərə air şeirlər:

HƏRFLƏRƏ AİD ŞEİRLƏR

HƏRFLƏRƏ AİD ŞEİRLƏR

QÜDRƏT QULU

AD GÜNÜNÜZ MÜBARƏK!!!

Bu gün ( 6 July 1955 ) şair ruhlu. həssas qəlbli. gözəl insan, dostumuz Qüdrət Qulunun doğum günüdür. Bu münasibətlə Qüdrət müəllimi təbrik edir. Möhkəm can sağlığı, uzun ömür, bütün işlərində uğurlar arzu edirik… Var olun, Qüdrət müəllim, yaşayın, yaradın…

…və yeni yaş, yeni gün münasibəti ilə Qüdrət müəllimin qələmə aldığı “İLLƏR NƏ TEZ GƏLDİ-KEÇDİ…” şeirini təqdim edirik:

İLLƏR NƏ TEZ GƏLDİ-KEÇDİ…

Qüdrət Qulu

İllər nə tez gəldi-keçdi,
Ömür necə qısa idi,
Bilmədim uşaqlıq, gənclik
Hardan gəldi, hara getdi.

İyirmilərdə dayçaydım,
Otuzlarda köhlən atdım,
Qırxı başa vuranadək
Səmalarda mən tərlandım.

Necə də xoşbəxtdim, Tanrım,
Anam, qardaş, bacılarım,
Dostlar, doğmalarım ilə
Canlanırdı arzularım.

Keçmiş oldu əllilərdə,
Çox arzular, ümidlər də,
Boylandım geriyə gördüm
Ömür qalmış keçmişlərdə.

Sevgim qaldı keçmişlərdə,
Ürək qaldı keçmişlərdə,
Qəlbimin ən əziz, ülvi
İzi qaldı o illərdə…

Artıq keçmiş zamanlardan,
Xatirələr, ümmanlardan,
Boylanır doğmalar, dostlar,
Şirin-acı duyğulardan.

Həyat bir gün keçmiş olur,
Gerçəklər xatirə olur,
İllərin yaddaş mücrüsü 
Keçmiş soraqlarla dolur…

Yaş altmışı haqlayanda,
Zirvədən düzə baxanda,
Xoşbəxtsən keçdiyin yolda
Xeyir əməllər qalanda.

Xoşbəxtsən, çünki sevmisən,
Kin, ədavət bilməmisən,
Dərd-kədəri bölüşdürüb,
Sevinclərə sevinmisən.

Kimsəni aldatmamısan,
Özgə haqqın çalmamısan,
Sən öz halal zəhmətinlə,
Yaşamısan, ucalmısan.

Hədər keçməmişdir ömrün,
Qüdrət, gəncdir hələ könlün,
Yaşa, yarat, fəth eylə sən
Yeni zirvələrin ömrün!

5 İyul, 2019-cu il

Müəllif: GUDRAT GULU

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

ƏBÜLFƏT HEYDƏR

Hörmətli sənətkarımız Sultan Abbasovun mənə ünvanladığı “Bu dağı sənnən” şerininə cavab. 

BU DAĞI SƏNNƏN

Bir elli, bir dərdli Əbülfət Heydərə
——————
Gəl xəyal bağında bir yuva quraq,
Qaranquşu mənnən, budağı sənnən.
Laylalı balamız – Vətən həsrəti,
Bərabər bəsləyək bu dağı sənnən.
——————-
Ulu Ziyaratım göylərə dayaq,
Ümid çırasını sərt dumanda yax.
Mən sənə təsəlli, sən mənə dayaq,
Yan-yana dolanaq bu dağı sənnən.
——————
Yazıq oldu şəriətə, həm dinə,
Orucoğlu həm ağlaya, həm dinə.
Verək duamızı Tanrı həmdinə,
Bəlkə, uzaq edə bu dağı sənnən.

27.03.2019 .
Müəllif: Sultan Abbasov

“DÜŞMƏN SÜNGÜSÜNƏ KEÇƏN AĞBABAM”

Yavaş- yavaş yaddan çıxır el-obam, 
Nənəm haray salır, inləyir babam.
Düşmən süngüsünə keçən Ağbabam,
Sızıldayan söhbətim ooy.., sözüm ooy…
————-
Dağılıb yurdumun piri oçağı, 
Sönüb sarayların əlvan çırağı,
Xəyalda gəzirəm aranı, dağı,
Talan olmuş topağım ooy.., düzüm ooy… 
————–
Kəfənə bürünüb aranım, dağım, 
Sönüb yurd yerində isti ocağım,
Sinəm üstə silinməyən bu dağım,
Odu sönüb külü qalan közüm ooy…
—————
Ürəkdə həsrətim qırış bağladı,
Hicran gözlərimdə qəhər çağladı. 
Ah çəkməkdən səbr daşı ağladı,
Selə dönən kirpiym ooy.., gözüm ooy… 
—————
Kəlbəcər, Laçınım düşmənə qaldı,
Çöyçəm, Şuşam, Ağdam tamam talandı.
Fizulim alışdı, Xocalım yandı,
Dərbəndim, Borçalım, can Təbrizim ooy… 
—————–
Dərd çəkmə, düşünmə belədi dünya,
Məni ələyindən ələdi dünya,
Deyib gülməkdən də elədi dünya
Kökdən düşən kamanım ooy.., sazım ooy… 
————–
Əbülfət Heydərin dərdi ağırdı,
Qayadan ağırdı, dağdan ağırdı.
A Sultan saçlarım vaxtsız ağardı,
Qışa dönüb baharım ooy.., yazım ooy…

28.03.2019 .

Müəllif: Abulfat Heydar

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

“ H “ HƏRFİNİN ŞEİRİ

“ H “ HƏRFİNƏ AİD ŞEİR

“ H “

Həsən çıxdı hasara,

Nə yaman hündürimiş.

Hop eləyib, hoppandı,

Hündürdən hündürimiş!

Müəllif: Zaur Ustac

© Zaur USTAC,2018. Bakı.
WWW.YAZARLAR.AZ və WWW.USTAC.AZ

Qeyd:

Əlifbamızın bütün hərflərinə və rəqəmlərə air şeirlər:

HƏRFLƏRƏ AİD ŞEİRLƏR

HƏRFLƏRƏ AİD ŞEİRLƏR