Vidadi Ağdamlı – Missiya

Axı bu dünyaya niyə gəlmişik!?

Həyat dolaşıqdı yolu daş-kəsək,
Axı bu dünyaya niyə gəlmişik.
Gəldikki dünyadan biz bir gün gedək?
Nəyi qazanmışıq,nə itirmişik,
Axı bu dünyaya niyə gəlmişik.

Bağ meyvəsin qıyır,bağban qıymayır,
Nadan haqsız olur kimsə saymayır,
Arzular hey uçur ümüd tapmayır,
Bu dünyanın biz nəyini sevmişik?
Axı bu dünyaya niyə gəlmişik.

Xainlər qol açır dörd bir tərəfdə,
Sənə yol göstərir adi hərifdə,
İllərə qoşulur hər ötən həftə,
Ayları unudub,qəmə düşmüşük,
Axı bu dünyaya niyə gəlmişik.

Məmur qapısında yatıbdı kasıb,
Gör neçə insanlar özünü asıb,
Ürəyim bu dərddən xəstəlik tapıb,
Yanaqdan nə qədər yaşı silmişik,
Axı bu dünyaya niyə gəlmişik.

Bəlkədə qınayar çoxları məni,
Unudur dünyada sevən,sevəni,
Dünya bir fanidir udacaq səni,
Doğulanda biz bunu bilməmişik,
Axı bu dünyaya niyə gəlmişik.

Müəllif: VİDADİ AĞDAMLI

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Vidadi Ağdamlı – Qoy gedim

QOY GEDİM, QAYTARMA MƏNİ DÜNYAYA
Gəlişi dəhşətdi, gedişi yaman,
Qoy gedim, qaytarma məni dünyaya.
Hərəyə bir taleh yazıb yaradan,
Bulud tənə edir, artıq durnaya,
Qoy gedim, qaytarma məni dünyaya.

Tülkü toyuqlara çobanlıq edir,
Dovşan şir önündə darğalıq edir,
Siçan pişik üçün yorğalıq edir.
Qarğa rişxənd edir,göldə sonaya,
Qoy gedim, qaytarma məni dünyaya.

Ayı nərə çəkmir, aslanlar susub,
Pələng qarşısında çaqqallar durub,
Sərçələr oxuyur,bülbüllər susub.
Açılmır ürəyim baxsam haraya,
Qoy gedim, qaytarma məni dünyaya.

Cənnət guşəmizdə dığalar gəzir,
Şairi bu dərdlər tapdayır,əzir
Toyuq qarşısında xoruzlar əsir.
Həsrətli qalmışıq cənnət-qalaya,
Qoy gedim, qaytarma məni dünyaya.

Sazan lal qalıbdı kilki önündə,
Bir məna qalmayıb qeyrət sözündə,
Alçaqlar tük gəzir mərdin gözündə.
Siçan yaman dolub, bizim tarlaya,
Qoy gedim, qaytarma məni dünyaya.

Vidadini yaman sıxdı bu dövran,
Xəcalət çəkirəm, Dubay yolundan,
Keçi xərc istəyir, bu gün qoyundan.
Baş əyir begamont,hərdən tulaya
Qoy gedim, qaytarma məni dünyaya.

Müəllif: VİDADİ AĞDAMLI

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

YENİ KİTAB

“Sevənlərin dünyası” – yeni kitab

“Sevənlərin dünyası” adlı antologiya 700 səifədən ibarət aşağıdakı yazarların şeirləri ilə birlikdə çapa hazırdı bir neçə gündən sonra içıq üzü görəcək.Sizi təbrik edirəm.
İdeya və layihə rəhbəri,baş tərtibatçı: Vidadi Ağdamlı. İrak_Türkmən və Azərbaycan Yazıçılar Birliyinin üzvü,şair publisist,dövrün ziyalısı, vətənpərvər şair,qızıl qələm mükafatçısı.

Redaktor: Vidadi Ağdamlı. İrak_Türkmən və Azərbaycan Yazıçılar Birliyinin üzvü,şair publisist,dövrün ziyalısı, vətənpərvər şair,qızıl qələm mükafatçısı.

Texniki redaktor: Mehri Qəmli. Şair publisist, İrak_Türkmən Yazıçılar Birliyinin üzvü dövrün ziyalısı vətənpərvər şairə,qızıl qələm mükafatçısı.

Korrektor : Təranə Ağdamlı. Şair publisist.
Dzaner:Fariz Məhərrəmov.

“Sevənlərin dünyası ” şeirlər kitabı Bakı “Heroqlif ” nəşriyyatı, 2019. 700 səh.

“Heroqlif ”
“Sevənlərin dünyası ” kitabında Vidadi Ağdamlının redaktorluğu ilə Abbas İlhamın, Abdulla Cəfərin,Azadxan Əmirlinin, Azər Məmmədcəfərlinin,Adilə Nəzərin, Almaz Alıqızının,Aqil Kəngərlinin,Aynur Yasəmənin,Adil Ağayevin, Bəkir Vəkilovun , Damət Salmanoğlunun, Davudxan Viləşin, Ədalət Qafarovun, Əli Musaoğlunun,Ənvər Duruçalının, Əziz Musanın, Gülxar Vəfalının,Cahan Novruzqızının, Günel Paknurun,İntiqam Küskünün, İqamət Yardımlının, İradə Gülfirin,Kamilə Nurun, Könül Həsənlinin, Malik Cəbiyevin, Malik Tağızadənin, Mehri Dağlarqızının,Mehri Qəmlinin, Mehriban İbrahimovanın, Meta Axmedovanın, Müşfüq Əliyevin, Mustafa Tanerin, Nazlı Hacılının, Nuraləm Kürdəmirlinin, Pərvanə Qəbələnin, Püstə Hüseynovanın, Püstə Sahibqızının, Rahilə Nuriyevanın, Rahilə Qaralovanın,Rahim Üçoğlanlının, Rəcəb Dağlaroğlunun, Rəna Ağdamlının,Rövşən Şahverdinin, Ruslan Borçalının,Sahib Hətəmovun,Sahib Təhmirin, Səadət Cabbarlının, Səadət Məlikovanın, Sevda Hüseynzadənin, Sona Teymurbəyli-Rəhimlinin, Şükür Müseyiboğlunun,Şəhla Xəlil qızının, Tahirə Qarabağlının, Tamam Uluxanlının, Təranə Ağdamlının,Təvəkgül Ənvərqızının, Vahid Bəhruzun, Vahid Çəmənlinin, Vaqif Coşkunun, Vidadi Ağdamlının, Vidadi Məmmədlinin, Vüqar Əhmədin, Xaliq Laçınlının,Yaqub Məğrurun, Yaşar Qurbanovun, Ziba Hüseynovanın, Zülfüqar Türkyazarın şeir,poman və məqalələri toplanmışdır.

USTAC.AZ

WWW.YAZARLAR.AZ  VƏ  WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Vidadi Ağdamlı – … bir şeir…

Vidadi Ağdamlıdan bir şeir

Ürək tab gətirmir bu dərdə ,qəmə

Saçlarım ağarıb, belim bükülüb,
Ürək tab gətirmir bu dərdə, qəmə.
Ömrümün hasarı artıq sökülüb,
Kədər qonaq gəlib yenə evimə,
Ürək tab gətirmir bu dərdə, qəmə.

Ağdam gedər oldu cavan yaşımda,
Qara tük qalmayıb indi başımda,
Bir xəbərdə yoxdu ki, qaydışımda,
Qəlbim yanır mənə gəl köçkün demə,
Ürək tab gətirmir kədərə, qəmə.

Gəzirəm yuxuda hər gün Ağdamı,
Kötəli, Xaçını xəyallarımı,
Yandırır o qərib yurdlar adamı,
Qocalıq bir qorxu salıb içimə,
Ürək tab gətirmir kədərə, qəmə.

Qarqar dərdli axır, dağlar ağlayır,
Damcı bulaq bizi gəzib, arayır,
Ürək bu sinədə rahat olmayır,
Haçan dönəcəyəm, yurda, evimə,
Ürək tab gətirmir kədərə, qəmə.

Vidadini qınamayın gün gedir,
Köçkün millət vətən deyib inləyir,
Komandan görəsən kimi gözləyir?
Hay da verən yoxdu mənim səsimə,
Ürək tab gətirmir kədərə, qəmə.

21-09-2019. Bakı.

Müəllif: VİDADİ AĞDAMLI

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

VİDADİ AĞDAMLI

AD GÜNÜNÜZ MÜBARƏK !!!

Bu gün ( 12 Sentyabr 1952 ) tanınmış şair Vidadi Ağdamlının doğum günüdür. Ad gününüz mübarək, Vidadi müəllim!!! Sizə uzun ömür, can sağlığı və bütün işlərinizdə müvəffəqiyyətlər arzu edirik!!!

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru

Rahilə Dövran haqqında

Xalqın sevimlisi, şairə xanım Rahilə Dövran Ömrünün 60-cı baharında həyatdan köçüb. Bu xəbər biz yazarları çox sarsıtdı. Akif müəllim sizə bütün yazarlar adından baş sağlığı verirəm. Rahilə xanım ömrünün çiçəklənən bir vaxtında aramızdan getdi. Qəbri nurla dolsun.Bu xəbər şəxsən məni çox sarsıtdı. Allah rəhmət etsin. Axır qəminiz olsun.

QISA ARAYIŞ:

Rahilə Dövran (Rahilə Vəli qızı Əliyeva) 1958 –ci ildə Naxçıvanın qədim Qaraçuq kəndində anadan olub. İlk təhsilini Qaraçuq kənd məktəbində alıb. Rahilə Dövran Azərbaycan Pedaqoji Universitetinin Kimya – Biologiya ixtisası üzrə tam kursunu bitirib. Onda poeziyaya həvəs gənc yaşlarından oyanıb. Şeirləri Respublikanın müxtəlif qəzet, jurnal və almanaxlarında dərc olunmuş, bir çox şeirlərinə mahnı bəstələnmişdir.Azərbaycan Yazıçılar Birliyinin üzvü olan Rahilə Dövran “Yurdumun Günəşi”, “Gözlə yolumu”,“Bir insan ömrünə nələr sığarmış…”, “Qəzəllərim”, “Bayatılarım”, “Sonetlər, rübailər,bayatılar”, “Nənə, nağıl de mənə”adlı kitabların müəllifidir. Şairə Azərbaycan Kütləvi informasiya İşçilərinin Həmkarlar birliyi tərəfindən “Qızıl qələm” fəxri media mükafatı laureatı vəsiqəsi və diplomu ilə təltif edilmişdir.2016-cı ildə “Dövran həmin dövrandır” kitabı işıq üzü görmüşdü. “Qarabağnamə” birinci , ikinci və üçüncü hissə, “Xocalı harayı və əsirlikdən gələn səs” kitablarının yaradıcı heyətinin üzvüdür .Şairə Rahilə Dövran Ulu Diyarımız Naxçıvan Muxtar Respublikasında, Naxçıvan şəhərində yaşayırdı. 
MƏZARI NURLA DOLSUN...

Hörmətlə: VİDADİ AĞDAMLİ

USTAC.AZ

WWW.YAZARLAR.AZ  VƏ   WWW.USTAC.AZ

Əlaqə:  Tel: (+994) 70-390-39-93     E-mail: zauryazar@mail.ru